Murwi Wechikristu

Kushingirira Chinangwa

Vadzidzi vaJesu

Kuropafadzwa Kwakapfuurisa

Kuratidza Simba Rekutenda

Kuona Nyasha Dzamwari Muvamwe Vanhu

Makaponeswa Nenyasha

HATISIIWE TIRI TEGA

Zvibatanidze Kuchitubu Cheupenyu

Kuziva Mwari Anogara Nekusingaperi

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch22" data-usfm="LUK.22.7+LUK.22.8+LUK.22.9+LUK.22.10+LUK.22.11+LUK.22.12+LUK.22.13+LUK.22.14">
 <div class="p">7Ipapo zuva reZvingwa Zvisina Mbiriso rakasvika, iro raifanira kubayirwa gwayana rePasika. 8Jesu akatuma Petro naJohani, achiti, &#8220;Endai munotigadzirira Pasika tidye.&#8221;</div><div class="p"> 9Vakati, &#8220;Munoda kuti tikugadzirirei kupiko?&#8221;</div><div class="p"> 10Iye akapindura akati, &#8220;Pamunopinda muguta, muchasangana nomurume akatakura chirongo chemvura. Mumutevere iyeye kuimba yaanosvikopinda, 11mugoti kumuridzi wemba, &#8216;Mudzidzisi ari kubvunza kuti: Imba yavaeni iripiko, umo mandingadyira Pasika navadzidzi vangu?&#8217; 12Achakuratidzai imba huru yapamusoro, yakarongedzwa zvose. Mugadzire imomo.&#8221;</div><div class="p"> 13Vakaenda vakandowana zvinhu zvakangoita sezvavakanga vaudzwa naJesu. Saka vakagadzira Pasika imomo.</div><div class="p"> 14Nguva yakati yasvika, Jesu navapostori vake vakagara patafura. </div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch13" data-usfm="JHN.13.1+JHN.13.2+JHN.13.3+JHN.13.4+JHN.13.5+JHN.13.6+JHN.13.7+JHN.13.8+JHN.13.9+JHN.13.10+JHN.13.11+JHN.13.12+JHN.13.13+JHN.13.14+JHN.13.15+JHN.13.16+JHN.13.17+JHN.13.18+JHN.13.19+JHN.13.20+JHN.13.21+JHN.13.22+JHN.13.23+JHN.13.24+JHN.13.25+JHN.13.26+JHN.13.27+JHN.13.28+JHN.13.29+JHN.13.30+JHN.13.31+JHN.13.32+JHN.13.33+JHN.13.34+JHN.13.35+JHN.13.36+JHN.13.37+JHN.13.38">
 <div class="p">1Mutambo wePasika wakanga uchigere kusvika. Jesu akanga achiziva kuti nguva yakanga yasvika yokuti iye abve panyika uye kuti aende kuna Baba. Sezvo akanga achida vake avo vakanga vari munyika, akavaratidza zvino kuzara kworudo rwake.</div><div class="p"> 2Kudya kwamadekwana kwakanga kwava kugoverwa, uye dhiabhori akanga aisa mumwoyo maJudhasi Iskarioti, mwanakomana waSimoni, pfungwa yokuti apandukire Jesu. 3Jesu akanga achiziva kuti Baba vakanga vaisa zvinhu zvose pasi pesimba rake, uye kuti akanga abva kuna Mwari uye kuti aidzokerazve kuna Mwari, 4saka akasimuka pakudya, akabvisa nguo yake yokunze, uye akamonera tauro muchiuno chake. 5Shure kwaizvozvo, akadira mvura mudhishi akatanga kushambidza tsoka dzavadzidzi vake, achidziomesa netauro rakanga rakamonerwa muchiuno chake.</div><div class="p"> 6Akasvika pana Simoni Petro, iye akati kwaari, &#8220;Ishe muri kuda kushambidza tsoka dzangu here?&#8221;</div><div class="p"> 7Jesu akapindura achiti, &#8220;Iwe hausi kuziva zvandiri kuita iye zvino, asi uchazvinzwisisa pashure.&#8221;</div><div class="p"> 8Simoni Petro akati, &#8220;Kwete, imi hamungatongoshambidzi tsoka dzangu.&#8221;</div><div class="p">Jesu akapindura akati, &#8220;Kana ndikasakushambidza, hauna mugove neni.&#8221;</div><div class="p"> 9Ipapo Simoni Petro akati, &#8220;Ishe, ngadzirege kuva tsoka dzangu bedzi asi maoko angu nomusoro wanguwo!&#8221;</div><div class="p"> 10Jesu akapindura akati, &#8220;Munhu anenge amboshamba muviri wose, anongoda bedzi kushamba tsoka dzake, muviri wake wose wakachena. Imi makachena, kunyange zvazvo musiri mose vakachena.&#8221; 11Nokuti aiziva kuti ndiani aizomupandukira, ndokusaka akati, havasi vose vakanga vakachena.</div><div class="p"> 12Akati apedza kushambidza tsoka dzavo, akapfeka nguo dzake akadzokera panzvimbo yake. Akavabvunza akati, &#8220;Munonzwisisa here zvandaita kwamuri? 13Munondidaidza kuti &#8216;Mudzidzisi&#8217; uye ndizvozvo chaizvo, nokuti ndizvo zvandiri. 14Zvino kana ini, Ishe wenyu noMudzidzisi wenyu, ndashambidza tsoka dzenyu, nemiwo munofanira kushambidzana tsoka dzenyu. 15Ndakupai muenzaniso kuti muite sezvandakuitirai imi. 16Ndinokuudzai chokwadi kuti, muranda haasi mukuru kuna tenzi wake, uye atumwa haasi mukuru kupfuura amutuma. 17Zvino zvamava kuziva zvinhu izvi, mucharopafadzwa kana mukazviita.</div><div class="s1">Jesu Anotaura pamusoro poKupandukirwa Kwake</div><div class="p"> 18&#8220;Handirevi izvi kwamuri mose; ini ndinoziva avo vandakasarudza. Asi uku ndiko kuzadzisa Rugwaro runoti, &#8216;Uyo anogovana neni chingwa andisimudzira chitsitsinho chake kuti azorwa neni.&#8217;</div><div class="p"> 19&#8220;Ndiri kukuudzai iye zvino zvisati zvaitika, kuitira kuti pazvinoitika mugozotenda kuti ndini Iye. 20Ndinokuudzai chokwadi kuti, ani naani anogamuchira ini anogamuchira iye akandituma.&#8221;</div><div class="p"> 21Shure kwokutaura izvozvo, Jesu akatambudzika mumweya uye akapupura achiti, &#8220;Ndinokuudzai chokwadi, mumwe wenyu achandipandukira.&#8221;</div><div class="p"> 22Vadzidzi vake vakatarisana vachida kuziva kuti ndiani airehwa pakati pavo. 23Mumwe wavo, mudzidzi aidikanwa naJesu, akanga akasendamira paari. 24Simoni Petro akaninira kumudzidzi uyu akati, &#8220;Vabvunzei kuti vanoreva ani.&#8221;</div><div class="p"> 25Akasendamirazve pana Jesu, akamubvunza akati, &#8220;Ishe, ndianiko?&#8221;</div><div class="p"> 26Jesu akati, &#8220;Ndiye wandichapa chimedu chechingwa kana ndachiseva mundiro.&#8221; Ipapo, akaseva chimedu chechingwa, akachipa kuna Judhasi Iskarioti, mwanakomana waSimoni. 27Judhasi achangodya chingwa ichi, Satani akabva apinda maari.</div><div class="p">Jesu akati kuna Judhasi, &#8220;Zvaunoda kuita, ita nokukurumidza,&#8221; 28asi hapana munhu akanga ari pakudya akanzwisisa kuti sei Jesu akanga ataura izvozvo kwaari. 29Sezvo Judhasi aiva mubati wemari, vamwe vakafunga kuti Jesu aimuudza kuti andotenga zvimwe zvaidikanwa pamutambo, kana kupa varombo chimwe chinhu. 30Judhasi akati achangodya chingwa, akabuda panze. Uye hwaiva usiku.</div><div class="s1">Jesu Anozivisa nezvoKurambwa Kwake naPetro</div><div class="p"> 31Akati aenda, Jesu akati, &#8220;Zvino Mwanakomana woMunhu akudzwa uye Mwari akudzwa maari. 32Kana Mwari akudzwa maari, Mwari achakudza Mwanakomana maari uye achamukudza pakarepo.</div><div class="p"> 33&#8220;Vana vangu, ndichava nemi kwechinguva chiduku chete. Muchanditsvaka, uye sezvandaudza vaJudha, saizvozvo ndinokuudzai zvino kuti: Kwandinoenda, imi hamugoni kuuyako.</div><div class="p"> 34&#8220;Ndinokupai murayiro mutsva wokuti: Dananai. Sezvo ndakakudai, saizvozvo munofanira kudanana. 35Nokuda kwaizvozvo, vanhu vose vachaziva kuti muri vadzidzi vangu kana mune rudo pakati penyu.&#8221;</div><div class="p"> 36Simoni Petro akamubvunza akati, &#8220;Ishe, muri kuendepiko?&#8221;</div><div class="p">Jesu akapindura akati, &#8220;Kwandinoenda, imi hamugoni kutevera, asi muchazotevera pashure.&#8221;</div><div class="p"> 37Petro akati, &#8220;Ishe seiko ndisingakwanisi kukuteverai iye zvino? Ndichakufirai ini.&#8221;</div><div class="p"> 38Ipapo Jesu akapindura akati, &#8220;Uchandifira here? Ndinokuudza chokwadi kuti, jongwe risati rarira, uchandiramba katatu!&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch14" data-usfm="JHN.14.1+JHN.14.2+JHN.14.3+JHN.14.4+JHN.14.5+JHN.14.6+JHN.14.7+JHN.14.8+JHN.14.9+JHN.14.10+JHN.14.11+JHN.14.12+JHN.14.13+JHN.14.14+JHN.14.15+JHN.14.16+JHN.14.17+JHN.14.18+JHN.14.19+JHN.14.20+JHN.14.21+JHN.14.22+JHN.14.23+JHN.14.24+JHN.14.25+JHN.14.26+JHN.14.27+JHN.14.28+JHN.14.29+JHN.14.30+JHN.14.31">
 <div class="p">1&#8220;Mwoyo yenyu ngairege kutambudzika. Tendai kuna Mwari; mutendewo kwandiri. 2Mumba maBaba vangu mune nzvimbo zhinji dzokugara; dai zvaiva zvisizvo, ndingadai ndakuudzai. Ndiri kuenda ikoko kundokugadzirirai nzvimbo. 3Uye kana ndikaenda kundokugadzirirai nzvimbo, ndichadzoka ndozokutorai kuti muve neni, kuti nemiwo mugova kwandinenge ndiri. 4Imi munoziva nzira yokuenda nayo kunzvimbo yandiri kuenda.&#8221;</div><div class="s1">Jesu Ndiye Nzira yoKuenda kuna Baba</div><div class="p"> 5Tomasi akati kwaari, &#8220;Ishe hatizivi kwamuri kuenda, saka nzira yacho tingaiziva seiko?&#8221;</div><div class="p"> 6Jesu akapindura akati, &#8220;Ndini nzira nechokwadi uye noupenyu. Hakuna munhu angauya kuna Baba kana asina kupfuura napandiri. 7Dai maindiziva chaizvo mungadai maizozivawo Baba vangu. Kubvira zvino, munovaziva uye makavaona.&#8221;</div><div class="p"> 8Firipi akati, &#8220;Ishe, tiratidzei Baba kuti zvigotiringana.&#8221;</div><div class="p"> 9Jesu akapindura akati, &#8220;Firipi, haundizivi iwe here, kunyange ndanga ndiri pakati penyu kwenguva refu yakadai? Ani naani aona ini aona Baba. Unoreva seiko zvaunoti, &#8216;Tiratidzei Baba&#8217; 10Hamutendi here kuti ini ndiri muna Baba, uye Baba vari mandiri? Mashoko andinotaura kwamuri haasi angu ndoga. Asi, ndeaBaba, vanogara mandiri, avo vari kuita basa ravo. 11Nditendei pandinenge ndichiti, ini ndiri muna Baba uye Baba vari mandiri; kana kuti mutende zviratidzo zvamunoona. 12Ndinokuudzai kuti, ani naani anotenda kwandiri achaita zvandanga ndichiita. Achaita kunyange zvinhu zvikuru kupfuura izvi, nokuti ndiri kuenda kuna Baba. 13Uye ndichaita zvose zvamunokumbira muzita rangu, kuitira kuti Mwanakomana avigire Baba kukudzwa. 14Kana mukakumbira chinhu chipi zvacho muzita rangu, ndichachiita.</div><div class="s1">Jesu Anovimbisa Mweya Mutsvene</div><div class="p"> 15&#8220;Kana muchindida, muchateerera zvandinokurayirai. 16Uye ini ndichakumbira Baba, vagokupai mumwe Munyaradzi kuti agare nemi nokusingaperi, 17iye Mweya wechokwadi. Nyika haigoni kumugamuchira, nokuti haimuoni uye haimuzivi. Asi imi munomuziva, nokuti agere nemi uye achava mukati menyu. 18Handingakusiyei muri nherera; ndichauya kwamuri. 19Chinguva chiduku nyika haichazondionizve, asi imi muchandiona. Nokuti ndiri mupenyu, nemiwo muchava vapenyu. 20Pazuva iro muchaziva kuti ini ndiri muna Baba, uye imi muri mandiri, uye ini ndiri mamuri. 21Ani naani ane mirayiro yangu uye anoiteerera, ndiye anondida iyeye. Uyo anondida achadikanwa naBaba vangu, neniwo ndichamuda uye ndichazviratidza kwaari.&#8221;</div><div class="p"> 22Ipapo Judhasi, kwete Judhasi Iskarioti, akati, &#8220;Asi Ishe, seiko muchida kuzviratidza kwatiri, musingazviratidzi kunyika?&#8221;</div><div class="p"> 23Jesu akapindura akati, &#8220;Kana munhu achindida, achateerera kudzidzisa kwangu. Baba vangu vachamuda, uye tichauya kwaari toita ugaro hwedu naye. 24Uyo asingandidi haateereri kudzidzisa kwangu. Mashoko amunonzwa aya haasi angu; ndeaBaba vakandituma.</div><div class="p"> 25&#8220;Zvose izvi ndazvitaura ndichinemi. 26Asi Munyaradzi, Mweya Mutsvene, uyo achatumwa naBaba muzita rangu, achakudzidzisai zvinhu zvose uye achakuyeuchidzai zvinhu zvose zvandakareva kwamuri. 27Ndinokusiyirai rugare; ndinokupai rugare rwangu. Handikupei sokupa kwenyika. Mwoyo yenyu ngairege kutambudzika uye musatya.</div><div class="p"> 28&#8220;Makandinzwa ndichiti, &#8216;Ndiri kuenda uye ndichadzokazve.&#8217; Dai maindida maifara kuti ndinoenda kuna Baba, nokuti Baba vakuru kupfuura ini. 29Ndagara ndakuudzai zvichigere kuitika, kuitira kuti pazvinenge zvoitika mugozotenda. 30Handichazotauri nemi kwenguva refu, nokuti muchinda wenyika ino ari kuuya. Haana chinhu pandiri, 31asi nyika inofanira kudzidza kuti ndinoda Baba uye kuti ndinoita chaizvo zvandinenge ndarayirwa naBaba vangu.</div><div class="p">&#8220;Uyai zvino; ngatibvei pano.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch15" data-usfm="JHN.15.1+JHN.15.2+JHN.15.3+JHN.15.4+JHN.15.5+JHN.15.6+JHN.15.7+JHN.15.8+JHN.15.9+JHN.15.10+JHN.15.11+JHN.15.12+JHN.15.13+JHN.15.14+JHN.15.15+JHN.15.16+JHN.15.17+JHN.15.18+JHN.15.19+JHN.15.20+JHN.15.21+JHN.15.22+JHN.15.23+JHN.15.24+JHN.15.25+JHN.15.26+JHN.15.27">
 <div class="p">1&#8220;Ndini muzambiringa wechokwadi, uye Baba vangu murimi. 2Davi rimwe nerimwe riri mandiri risingabereki vanoritema, asi davi rimwe nerimwe rinobereka michero vanorichekerera kuitira kuti rigozobereka michero yakawanda. 3Imi matonatswa nokuda kweshoko randataura kwamuri. 4Garai mandiri, uye ini ndichagara mamuri. Hakuna davi rinobereka michero riri roga; rinofanira kugara mumuzambiringa. Nemi hamungabereki zvibereko kunze kwokunge magara mandiri.</div><div class="p"> 5&#8220;Ini ndiri muzambiringa; imi muri matavi. Kana munhu akagara mandiri uye neni maari, achabereka zvibereko zvakawanda; kunze kwangu hamugoni kuita chinhu. 6Kana munhu asingagari mandiri, akaita sedavi rakarasirwa kure rikaoma; matavi akadaro anotorwa, okandwa mumoto agopiswa. 7Kana muchigara mandiri uye mashoko angu achigara mamuri, kumbirai zvose zvamunoda, uye muchazvipiwa. 8Baba vangu vanokudzwa naizvozvo kuti mubereke zvibereko zvakawanda, muchizviratidza kuti muri vadzidzi vangu.</div><div class="p"> 9&#8220;Sezvo Baba vakandida, neniwo ndakakudai, zvino, chigarai murudo rwangu. 10Kana muchiteerera mirayiro yangu, muchagara murudo rwangu, sezvandakateerera mirayiro yaBaba vangu uye ndikagara murudo rwavo. 11Ndakuudzai izvi kuitira kuti mufaro wangu uve mamuri uye kuti mufaro wenyu uve wakakwana. 12Murayiro wangu ndouyu: Dananai, sezvo ini ndakakudai. 13Hakuna munhu ano rudo rukuru kuno urwu, kuti munhu ape upenyu hwake nokuda kweshamwari dzake. 14Muri shamwari dzangu kana muchiita zvandinokurayirai. 15Handichakuidzii varanda, nokuti muranda haazivi zvinoitwa natenzi wake. Asi ndinokuidzai shamwari, nokuti zvose zvandakadzidza kubva kuna Baba vangu ndakakuzivisai. 16Imi hamuna kundisarudza, asi ndakakusarudzai uye ndikakugadzai kuti muende mugondobereka zvibereko, izvo zvibereko zvinogara. Ipapo Baba vachakupai zvose zvamuchakumbira muzita rangu. 17Uyu ndiwo murayiro wangu: Dananai.</div><div class="s1">Nyika inovenga Vadzidzi</div><div class="p"> 18&#8220;Kana nyika ichikuvengai, muyeuke kuti yakatanga kuvenga ini. 19Dai manga muri venyika, ingadai ichikudai sezvainoda vayo. Zvino, hamusi venyika, asi ini ndakakusarudzai kuti mubude munyika. Ndokusaka nyika ichikuvengai. 20Rangarirai mashoko andakataura kwamuri anoti, &#8216;Hakuna muranda angava mukuru kuna tenzi wake.&#8217; Kana vakatambudza ini, vachakutambudzaiwo imi. Kana vakateerera kudzidzisa kwangu, vachateererawo kudzidzisa kwenyu. 21Vachakubatai nenzira iyi nokuda kwezita rangu, nokuti havazivi Iye akandituma. 22Dai ndakanga ndisina kuuya ndikataura kwavari, vangadai vasina mhosva yechivi ichi. Zvino, kunyange zvakadaro, havana chikonzero chokuita chivi chavo. 23Uyo anondivenga anovengawo Baba vangu. 24Dai ndanga ndisina kuita pakati pavo zvisina kutongoitwa nomunhu, vangadai vasina mhosva yechivi. Asi zvino vakaona zviratidzo izvi, asi vakandivenga ini naBaba vangu. 25Asi uku ndiko kuzadziswa kwezvakanyorwa muMurayiro wavo zvinoti: &#8216;Vakandivenga pasina chikonzero.&#8217;</div><div class="p"> 26&#8220;Kana Munyaradzi asvika, iye wandichatuma kwamuri achibva kuna Baba, iye Mweya wechokwadi anobuda achibva kuna Baba, achapupura nezvangu. 27Nemiwo munofanira kupupura, nokuti makanga muneni kubva pakutanga.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch16" data-usfm="JHN.16.1+JHN.16.2+JHN.16.3+JHN.16.4+JHN.16.5+JHN.16.6+JHN.16.7+JHN.16.8+JHN.16.9+JHN.16.10+JHN.16.11+JHN.16.12+JHN.16.13+JHN.16.14+JHN.16.15+JHN.16.16+JHN.16.17+JHN.16.18+JHN.16.19+JHN.16.20+JHN.16.21+JHN.16.22+JHN.16.23+JHN.16.24+JHN.16.25+JHN.16.26+JHN.16.27+JHN.16.28+JHN.16.29+JHN.16.30+JHN.16.31+JHN.16.32+JHN.16.33">
 <div class="p">1&#8220;Ndakuudzai zvose izvi kuitira kuti murege kutsauka. 2Vachakubudisai musinagoge; chokwadi ndechokuti, nguva iri kuuya yokuti munhu anokuurayai achafunga kuti ari kushandira Mwari. 3Vachaita zvinhu zvakadai nokuti havana kuziva Baba kana ini. 4Ndakuudzai izvi, kuitira kuti kana nguva yacho yasvika, imi mucharangarira kuti ndakakuyambirai. Handina kukutaurirai izvi pakutanga nokuti ndakanga ndinemi.</div><div class="s1">Basa raMweya Mutsvene</div><div class="p"> 5&#8220;Zvino ndava kuenda kune akandituma, asi hakuna mumwe wenyu anondibvunza kuti, &#8216;Muri kuendepiko?&#8217; 6Nokuti ndataura zvinhu izvi, mwoyo yenyu yazara neshungu. 7Asi ndiri kukutaurirai chokwadi kuti: Zvakakunakirai kuti ini ndiende. Kana ndikasaenda, Munyaradzi haangauyi kwamuri; asi kana ndikaenda, ndichamutumira kwamuri. 8Kana asvika achapa nyika mhosva pamusoro pechivi napamusoro pokururama nokutongwa: 9pamusoro pechivi, nokuti vanhu havatendi kwandiri; 10pamusoro pokururama, nokuti ndiri kuenda kuna Baba, kwamusingazondionizve; 11uye pamusoro pokutongwa, nokuti muchinda wenyika ino atotongwa.</div><div class="p"> 12&#8220;Ndine zvizhinji zvokutaura kwamuri, zvakawanda zvokuti hamungagoni kuzvitakura iye zvino. 13Asi kana iye, Mweya wechokwadi, auya, achakutungamirirai muzvokwadi yose. Haangazotauri zvake; achataura zvaanenge anzwa chete, uye achakuudzai zvichauya. 14Achauyisa kukudzwa kwandiri nokutora pane zvangu achizvizivisa kwamuri. 15Zvose zvaBaba ndezvangu. Ndokusaka ndakati Mweya achatora zvangu agozvizivisa kwamuri.</div><div class="p"> 16&#8220;Muchinguva chiduku, hamuchazondionizve, uyezve shure kwechinguva chiduku muchandiona.&#8221;</div><div class="s1">Kusuwa kwavadzidzi kuchashanduka kugova mufaro</div><div class="p"> 17Vamwe vadzidzi vake vakataurirana vachiti, &#8220;Anoreveiko kana achiti, &#8216;Muchinguva chiduku hamuchazondioni, uyezve shure kwechinguva chiduku muchandiona,&#8217; uye &#8216;Nokuti ndiri kuenda kuna Baba&#8217;?&#8221; 18Vakaramba vachingobvunzana vachiti, &#8220;Anoreveiko kana achiti, &#8216;Chinguva chiduku&#8217;? Hatinzwisisi zvaanoreva isu.&#8221;</div><div class="p"> 19Jesu akaona kuti vaida kumubvunza pamusoro pazvo, saka akati kwavari, &#8220;Ko, muri kubvunzana pamusoro pezvandanga ndichireva here pandati, &#8216;Muchinguva chiduku hamuchazondionizve, uye shure kwechinguva chiduku muchandiona&#8217;? 20Ndinokuudzai chokwadi, muchachema uye mugoungudza asi nyika ichifara. Muchasuwa, uye kusuwa kwenyu kuchashanduka kukava mufaro. 21Mukadzi anopona mwana anorwadziwa nokuti nguva yake yasvika; asi kana mwana wake azvarwa, anokanganwa kurwadziwa kuya nokuda kwomufaro wokuti mwana azvarwa munyika. 22Naizvozvo nemiwo zvino inguva yenyu yokusuwa, asi ndichakuonai zvakare uye muchafara, uye hakuna achakutorerai mufaro wenyu. 23Pazuva iro hamuzondibvunzizve kana chinhu. Ndinokuudzai chokwadi, Baba vangu vachakupai zvose zvamuchakumbira muzita rangu. 24Kusvikira zvino hamusati matombokumbira kana chinhu muzita rangu. Kumbirai uye muchapiwa, uye mufaro wenyu uchava wakazara.</div><div class="p"> 25&#8220;Kunyange ndanga ndichitaura nomufananidzo, nguva inouya yandisingazotauri nemifananidzo, asi ndichakuudzai pachena pamusoro paBaba vangu. 26Pazuva iro, muchakumbira muzita rangu. Handisi kuti ndichakumbira Baba panzvimbo yenyu. 27Kwete, Baba pachavo vanokudai nokuti makandida, uye makatenda kuti ndakabva kuna Mwari. 28Ndakabva kuna Baba ndikapinda munyika; zvino ndava kusiya nyika ndichidzokera kuna Baba.&#8221;</div><div class="p"> 29Ipapo vadzidzi vaJesu vakati, &#8220;Zvino mava kutaura pachena musingaiti nemifananidzo. 30Zvino tava kuona kuti munoziva zvinhu zvose uye kuti hapana achafanira kuti akubvunzei mibvunzo. Izvi zvinoita kuti titende kuti makabva kuna Mwari.&#8221;</div><div class="p"> 31Jesu akapindura akati, &#8220;Mava kutenda here zvino? 32Asi nguva iri kuuya, uye yatosvika, yamuchaparadzirwa, mumwe nomumwe achienda kumusha kwake. Muchandisiya ndiri ndoga. Asi handisi ndoga, nokuti Baba vangu vaneni.</div><div class="p"> 33&#8220;Ndakuudzai zvinhu izvi, kuitira kuti muve norugare mandiri. Panyika muchatambudzika. Asi tsungai mwoyo! Ini ndakakunda nyika.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch17" data-usfm="JHN.17.1+JHN.17.2+JHN.17.3+JHN.17.4+JHN.17.5+JHN.17.6+JHN.17.7+JHN.17.8+JHN.17.9+JHN.17.10+JHN.17.11+JHN.17.12+JHN.17.13+JHN.17.14+JHN.17.15+JHN.17.16+JHN.17.17+JHN.17.18+JHN.17.19+JHN.17.20+JHN.17.21+JHN.17.22+JHN.17.23+JHN.17.24+JHN.17.25+JHN.17.26">
 <div class="p">1Jesu akati ataura izvi, akatarira kudenga akanyengetera achiti:</div><div class="pm">&#8220;Baba, nguva yasvika. Kudzai Mwanakomana wenyu, kuti Mwanakomana wenyu akukudzei. 2Nokuti makamupa simba pamusoro pavanhu vose kuti ape upenyu husingaperi kuna vose vamakamupa. 3Zvino uhu ndihwo upenyu husingaperi: kuti vakuzivei imi, Mwari oga wechokwadi, naJesu Kristu wamakatuma. 4Ndakauyisa kukudzwa kwamuri panyika nokuti ndakapedza basa ramakandipa kuti ndiite. 5Zvino, Baba, ndikudzei pamberi penyu nokukudzwa kwandaiva nako ndinemi nyika isati yavambwa.</div><div class="s1">Jesu Anonyengeterera Vadzidzi Vake</div><div class="pm"> 6&#8220;Ndakaratidza zita renyu kuna avo vamakandipa panyika. Vakanga vari venyu; mukavapa kwandiri uye vakateerera shoko renyu. 7Zvino vanoziva kuti zvinhu zvose zvamakandipa zvinobva kwamuri. 8Nokuti ndakavapa mashoko amakandipa uye vakaagamuchira. Vakaziva zvechokwadi kuti ndakabva kwamuri, uye vakatenda kuti makandituma. 9Ndinovanyengeterera. Handisi kunyengeterera nyika, asi avo vamakandipa nokuti ndevenyu. 10Zvose zvandinazvo ndezvenyu, uye zvose zvamunazvo ndezvangu. Uye kukudzwa kwakauya kwandiri kubudikidza navo. 11Ini handichagarizve munyika, asi ivo vachiri munyika, uye ini ndiri kuuya kwamuri. Baba Vatsvene, vadzivirirei nesimba rezita renyu, zita ramakandipa, kuti vave vamwe sesu tiri vamwe. 12Pandainge ndiinavo, ndakavadzivirira uye ndikavachengeta zvakanaka nezita ramakandipa. Hakuna akarasika kunze kwouyo akatongerwa kuparadzwa kuitira kuti Rugwaro ruzadziswe.</div><div class="pm"> 13&#8220;Zvino ini ndiri kuuya kwamuri, asi ndiri kutaura zvinhu izvi ndichiri munyika, kuitira kuti vave nomufaro wangu wakazara mukati mavo. 14Ndakavapa shoko renyu uye nyika yakavavenga, nokuti havachisiri venyika sezvandisiri wenyika. 15Munyengetero wangu hausi wokuti muvabvise panyika asi kuti muvadzivirire pane akaipa. 16Havasi venyika, seni ndisiri wenyika. 17Vaitei vatsvene nechokwadi chenyu; shoko renyu ndiro chokwadi. 18Sezvamakandituma munyika, neniwo ndakavatuma munyika. 19Nokuda kwavo ndinozviita mutsvene, kuti naivowo vaitwe vatsvene muzvokwadi.</div><div class="s1">Jesu Anonyengeterera Vatendi Vose</div><div class="pm"> 20&#8220;Munyengetero wangu hausi waava voga. Ndinonyengetererawo avo vachazotenda kwandiri kubudikidza nemharidzo yavo, 21kuti vose vave vamwe, Baba, sezvo imi muri mandiri uye ini ndiri mamuri. Naivowo ngavave matiri kuitira kuti nyika igotenda kuti makandituma. 22Ndakavapa kubwinya kuya kwamakandipa, kuti vave vamwe sesu tiri vamwe: 23imi mavari uye imi mandiri. Ngavakwaniswe muhumwe kuti nyika izive kuti makandituma uye makavada kunyange sezvamakandida ini.</div><div class="pm"> 24&#8220;Baba, ndinoda kuti vaya vamakandipa vave neni pandinenge ndiri, uye kuti vaone kubwinya kwangu, iko kubwinya kwamakandipa nokuti makandida nyika isati yasikwa.</div><div class="pm"> 25&#8220;Baba vakarurama, kunyange nyika isingakuziviyi, ini ndinokuzivai, uye ivo vanoziva kuti makandituma. 26Ndakakuzivisai kwavari, uye ndicharamba ndichiita kuti vakuzivei kuitira kuti rudo rwamakandida narwo rwuve mavari uye kuti ini pachangu ndive mavari.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch18" data-usfm="JHN.18.1+JHN.18.2+JHN.18.3+JHN.18.4+JHN.18.5+JHN.18.6+JHN.18.7+JHN.18.8+JHN.18.9+JHN.18.10+JHN.18.11+JHN.18.12">
 <div class="p">1Akati apedza kunyengetera, Jesu akabva navadzidzi vake akayambuka Mupata weKidhironi. Parutivi penzvimbo iyi paiva nebindu remiorivhi, uye iye navadzidzi vake vakapindamo.</div><div class="p"> 2Zvino Judhasi uyo akamupandukira, aiziva nzvimbo yacho, nokuti Jesu aichimbosanganamo navadzidzi vake. 3Saka Judhasi akasvika kubindu, achitungamirira boka ravarwi navamwe vatariri vaibva kuvaprista vakuru nokuvaFarisi. Vakanga vane mwenje namarambi uye nezvombo.</div><div class="p"> 4Jesu, achiziva zvose zvakanga zvichizoitika kwaari, akabuda akaenda kwavari akati, &#8220;Munotsvaka ani?&#8221;</div><div class="p"> 5Vakapindura vakati, &#8220;Jesu weNazareta.&#8221;</div><div class="p">Jesu akati, &#8220;Ndini iye.&#8221; (Uye Judhasi mupanduki uya akanga amire navo ipapo.) 6Jesu paakati, &#8220;Ndini iye,&#8221; vakasudurukira shure vakawira pasi.</div><div class="p"> 7Akapamhazve kuvabvunza achiti, &#8220;Ndianiko wamunoda?&#8221;</div><div class="p">Uye ivo vakati, &#8220;Jesu weNazareta.&#8221;</div><div class="p"> 8Jesu akapindura akati, &#8220;Ndakuudzai kuti ndini iye. Kana muchitsvaka ini, zvino chiregai varume ava vaende.&#8221; 9Izvi zvakaitika kuti mashoko aakanga ataura azadziswe, okuti: &#8220;Handina kurasikirwa nomumwe weava vamakandipa.&#8221;</div><div class="p"> 10Ipapo Simoni, uyo akanga ano munondo, akauvhomora akacheka muranda womuprista mukuru, akagura nzeve yake yokurudyi. (Zita romuranda uyo rainzi Marikusi.)</div><div class="p"> 11Jesu akarayira Petro achiti, &#8220;Isa munondo wako mumuhara! Ko, ndicharega kunwa mukombe wandapiwa naBaba here?&#8221;</div><div class="s1">Jesu Anoendeswa kuna Anasi</div><div class="p"> 12Ipapo boka ravarwi navatariri vavaJudha vakabata Jesu vakamusunga. </div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch14" data-usfm="MRK.14.50+MRK.14.51+MRK.14.52">
 <div class="p">50Ipapo vose vakamusiya vakatiza.</div><div class="p"> 51Rimwe jaya, rakanga rakapfeka nguo yakaisvonaka, rakanga richitevera Jesu. Vakati varibata, 52rakatiza risina kupfeka, rikasiya nguo yaro mumashure.</div>
 </div>
 </div>
</div>

Holy WeekChikamu

Rugwaro

Zvinechekuita neHurongwa uhu

Zvirongwa zvakada kufanana neichi