Fara Ugowa Nekutenda

Kuwana Makomborero Nekuda Kwekuteerera

Kutonga KwaMwari kwakarurama

Humwechete

Kuropafadzwa Kwakapfuurisa

Sarudzo dzine huMwari

Munamato waTenzi

Kumira naMwari munguva yekuyedzwa nematambudziko

Hunhu weuMwari

Tsee: Kuona upenyu nomuono wokusingaperi

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch1" data-usfm="EXO.1">
 <div class="label">1</div><div class="s1">VaIsraeri vanodzvinyirirwa</div><div class="li4"> 1Aya ndiwo mazita avanakomana vaIsraeri vakaenda naJakobho kuIjipiti, mumwe nomumwe nemhuri yake:</div><div class="b"></div><div class="li1"> 2Rubheni, Simeoni, Revhi naJudha;</div><div class="li1"> 3Isakari, Zebhuruni naBhenjamini;</div><div class="li1"> 4Dhani naNafutari;</div><div class="li1">Gadhi naAsheri.</div><div class="b"></div><div class="li4"> 5Zvizvarwa zvose zvaJakobho zvakanga zviri makumi manomwe pakuwanda; Josefa akanga atova muIjipiti.</div><div class="b"></div><div class="p"> 6Zvino Josefa nehama dzake dzose navose vezera iroro vakafa, 7asi vaIsraeri vakaberekana vakawanda zvikuru uye vakava vazhinji kwazvo, zvokuti nyika yakanga yazara navo.</div><div class="p"> 8Ipapo mambo mutsva, akanga asingazivi nezvaJosefa, akatanga kutonga muIjipiti. 9Akati kuvanhu vake, &#8220;Tarirai, vaIsraeri vanyanya kuwanda kwazvo. 10Uyai tivafungire zano nokuti vangazonyanya kuwanda uye kana hondo ikamuka, vangazobatana navavengi vedu, vakarwa nesu vakazobva munyika.&#8221;</div><div class="p"> 11Saka vakagadza vatariri vebasa pamusoro pavo kuti vavadzvinyirire nebasa rechibharo, uye vakavaka Pitomu neRamesesi kuti ave maguta amatura aFaro. 12Asi pavakanyanya kudzvinyirirwa ndipo pavakanyanya kuwanda uye nokupararira; saka vaIjipita vakasvika pakutya vaIsraeri 13uye vakavashandisa zvino utsinye. 14Vakashungurudza upenyu hwavo nebasa rakaoma rezvidhina nedhaka uye nemhando dzose dzebasa romuminda; vaIjipita vakavashandisa noutsinye mubasa rakaoma.</div><div class="p"> 15Mambo weIjipiti akati kuna vananyamukuta vechiHebheru vainzi Shifura naPua, 16&#8220;Pamunobatsira vakadzi vechiHebheru pakusununguka uye mukavacherechedza vachisununguka, kana ari mukomana, mumuuraye; kana ari musikana murege ari mupenyu.&#8221; 17Asi, vananyamukuta vakanga vachitya Mwari, uye havana kuita zvavakanga varayirwa namambo weIjipiti kuti vaite; vakarega vanakomana vari vapenyu. 18Ipapo mambo weIjipiti akadana vananyamukuta akavabvunza achiti, &#8220;Seiko maita izvi? Seiko marega vana vechikomana vari vapenyu?&#8221;</div><div class="p"> 19Vananyamukuta vakapindura Faro vachiti, &#8220;Vakadzi vechiHebheru havana kufanana navakadzi veIjipiti; vane simba uye vanosununguka vananyamukuta vasati vasvika.&#8221;</div><div class="p"> 20Saka Mwari akaitira vananyamukuta zvakanaka uye vanhu vakawedzerwa vakava vazhinji kwazvo. 21Uye nokuda kwokuti vananyamukuta vaitya Mwari, iye akavapa mhuri dzavo pachavo.</div><div class="p"> 22Ipapo Faro akarayira vanhu vose kuti, &#8220;Vanakomana vose vanoberekwa munofanira kuvakanda murwizi Nairi, asi murege vanasikana vose vari vapenyu.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch2" data-usfm="EXO.2">
 <div class="label">2</div><div class="s1">Kuberekwa kwaMozisi</div><div class="p"> 1Zvino mumwe murume weimba yaRevhi akawana mukadzi, 2uye mukadzi uyu akava nemimba akabereka mwanakomana. Paakaona kuti akanga ari mwana akanaka, akamuvanza kwemwedzi mitatu. 3Asi akati asisagoni kumuvanza, akamutorera tswanda yenhokwe akainama netara nenamo. Ipapo akaisa mwana imomo ndokuiisa pakati petsanga dzaiva mumahombekombe aNairi. 4Hanzvadzi yake yakamira iri chinhambwe kuti ione kuti chii chaizoitika kwaari.</div><div class="p"> 5Ipapo mwanasikana waFaro akaburuka akaenda kurwizi Nairi kuti andoshamba, uye varandakadzi vake vakanga vachifamba vachitevedza mahombekombe. Akaona tswanda pakati petsanga ndokubva atuma murandakadzi wake kuti andoitora. 6Akaizarura akaona mwana. Akanga achichema, uye akamunzwira tsitsi. Akati, &#8220;Uyu ndomumwe wavana vavaHebheru.&#8221;</div><div class="p"> 7Ipapo hanzvadzi yake yakakumbira mwanasikana waFaro ikati, &#8220;Ndingaenda here ndikandokutorerai mumwe wavakadzi vechiHebheru kuti azokurererai mwana?&#8221;</div><div class="p"> 8Uye mwanasikana waFaro akapindura akati, &#8220;Hongu.&#8221; Uye musikana akaenda akandotora mai vomwana. 9Mwanasikana waFaro akati kwavari, &#8220;Tora mwana uyu unondirererawo, uye ini ndichakupa muripo wako.&#8221; Saka mukadzi akatora mwana akamurera. 10Mwana akati akura, akamutora akaenda naye kumwanasikana waFaro akava mwanakomana wake. Akamutumidza zita rokuti Mozisi, achiti, &#8220;Ndakamutora mumvura.&#8221;</div><div class="s1">Mozisi anotizira kuMidhiani</div><div class="p"> 11Rimwe zuva Mozisi akura, akaenda kwakanga kuna vanhu vokwake uye akavatarira vari pabasa ravo rakaoma. Akaona muIjipita achirova muHebheru, mumwe wavanhu vokwake. 12Akaringa-ringa ndokuona kusina munhu achibva auraya muIjipita, ndokumuviga mujecha. 13Zuva rakatevera, akabuda akaona vaHebheru vaviri vachirwa. Akabvunza uya akanga akanganisa akati, &#8220;Seiko uchirova mumwe wako muHebheru?&#8221;</div><div class="p"> 14Murume uya akati, &#8220;Ndianiko akakuita mubati nomutongi pamusoro pedu? Uri kuda kundiuraya sokuuraya kwawakaita muIjipita nhai?&#8221; Ipapo Mozisi akatya akafunga akati, &#8220;Zvandakaita zvinofanira kuva zvava kuzivikanwa.&#8221;</div><div class="p"> 15Faro akati anzwa izvi, akaedza kuuraya Mozisi, asi Mozisi akatiza Faro akaenda kundogara kuMidhiani, uye akagara patsime. 16Zvino muprista weMidhiani akanga ana vanasikana vanomwe uye vakauya kuzochera mvura yokuti vazadze midziyo yainwira zvipfuwo zvababa vavo. 17Vamwe vafudzi vakasvika vakavadzinga, asi Mozisi akasimuka akavanunura uye akanwisa zvipfuwo zvavo.</div><div class="p"> 18Vasikana pavakadzokera kuna Reueri baba vavo, akavabvunza akati, &#8220;Makurumidza seiko kudzoka nhasi?&#8221;</div><div class="p"> 19Vakapindura vakati, &#8220;Tanunurwa nomuIjipita kubva kuvafudzi. Abva aticherera mvura uye akanwisa zvipfuwo.&#8221;</div><div class="p"> 20Akabvunza vanasikana vake akati, &#8220;Aripiko? Mamusiyirei? Mudanei, auye azodya.&#8221;</div><div class="p"> 21Mozisi akabvuma kugara nomurume uyu, uyo akazopa mwanasikana wake Zipora kuna Mozisi kuti ave mukadzi wake. 22Zipora akabereka mwanakomana, uye Mozisi akamutumidza zita rokuti Gerishomi, achiti, &#8220;Ndava mueni munyika yavatorwa.&#8221;</div><div class="p"> 23Zvino makore mazhinji akati apfuura, mambo weIjipiti akafa. VaIsraeri vakagomera muutapwa hwavo uye vakachema, kuchemera rubatsiro rwavo nokuda kwoutapwa hwavo kukakwira kuna Mwari. 24Mwari akanzwa kugomera kwavo uye akarangarira sungano yake naAbhurahama, naIsaka uye naJakobho. 25Saka Mwari akatarisa pamusoro pavaIsraeri akava nehanya navo.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkEXO">
 <div class="chapter ch3" data-usfm="EXO.3">
 <div class="label">3</div><div class="s1">Mozisi neGwenzi Raipfuta</div><div class="p"> 1Zvino Mozisi akanga achifudza makwai aJeturo tezvara wake, muprista weMidhiani, uye akatungamirira makwai kurutivi rwuri kure mugwenga akasvika kuHorebhi, gomo raMwari. 2Ikoko, mutumwa waJehovha akazviratidza kwaari mumarimi omoto aiva mugwenzi. Mozisi akaona kuti kunyange zvazvo gwenzi rakanga richipfuta, rakanga risingatsvi. 3Saka Mozisi akafunga akati, &#8220;Ndichaenda apo ndinoona chishamiso ichi, kuti seiko gwenzi risingatsvi.&#8221;</div><div class="p"> 4Jehovha akati aona kuti akanga aendako kuti andoona, Mwari akadana kwaari kubva mugwenzi akati, &#8220;Mozisi! Mozisi!&#8221;</div><div class="p">Uye Mozisi akati, &#8220;Ndiri pano hangu.&#8221;</div><div class="p"> 5Mwari akati, &#8220;Usaswedera pedyo. Bvisa shangu dzako nokuti nzvimbo yaumire itsvene.&#8221; 6Ipapo akati, &#8220;Ndini Mwari wababa vako, Mwari waAbhurahama, Mwari waIsaka naMwari waJakobho.&#8221; Uye Mozisi akafukidza chiso chake, nokuti akanga achitya kutarisa Mwari.</div><div class="p"> 7Jehovha akati, &#8220;Zvirokwazvo ndaona kutambudzika kwavanhu vangu muIjipiti. Ndanzwa kuchema kwavo nokuda kwavatariri vavo vamabasa, uye ndinoziva kutambudzika kwavo. 8Saka ndaburuka kuti ndivanunure vabve muruoko rwavaIjipita uye kuti ndivabudise munyika iyo ndivaise kunyika yakanaka uye yakakura, nyika inoyerera mukaka nouchi, nzvimbo yavaKenani, vaHiti, vaAmori, vaPerezi, vaHivhi navaJebhusi. 9Uye zvino kuchema kwavaIsraeri kwasvika kwandiri, uye ndaona nzira yavanotambudzwa nayo navaIjipita. 10Saka chienda, zvino, ndiri kukutuma kuna Faro kuti undobudisa vanhu vangu vaIsraeri kubva muIjipiti.&#8221;</div><div class="p"> 11Asi Mozisi akati kuna Mwari, &#8220;Ndini aniko ini kuti ndiende kuna Faro kuti ndinobudisa vaIsraeri kubva muIjipiti?&#8221;</div><div class="p"> 12Uye Mwari akati, &#8220;Ndichava newe. Uye ichi chichava chiratidzo kwauri chokuti ndini ndakutuma: Paunenge wabudisa vanhu kubva muIjipiti, muchanamata Mwari pagomo rino.&#8221;</div><div class="p"> 13Mozisi akati kuna Mwari, &#8220;Ko, kana ndikaenda kuvaIsraeri uye ndikanoti kwavari, &#8216;Mwari wamadzibaba enyu andituma kwamuri,&#8217; uye ivo vakandibvunza kuti, &#8216;Zita rake ndiani?&#8217; ipapo ndichavaudzeiko?&#8221;</div><div class="p"> 14Mwari akati kuna Mozisi, &#8220;Ndiri Wandiri. Izvi ndizvo zvaunofanira kutaura kuvaIsraeri: &#8216;Ndiri&#8217; andituma kwamuri.&#8221;</div><div class="p"> 15Mwari akatiwo kuna Mozisi, &#8220;Uti kuvaIsraeri, &#8216;Jehovha, Mwari wamadzibaba enyu, Mwari waAbhurahama, Mwari waIsaka naMwari waJakobho andituma kwamuri.&#8217; Iri ndiro zita rangu nokusingaperi, zita randinofanira kurangarirwa naro kusvikira kuzvizvarwa zvose.</div><div class="p"> 16&#8220;Enda undounganidza vakuru vavaIsraeri ugoti kwavari, &#8216;Jehovha, Mwari wamadzibaba enyu, Mwari waAbhurahama, Mwari waIsaka, naMwari waJakobho, akazviratidza kwandiri uye akati, &#8220;Ndakatarira pamusoro penyu uye ndikaona zvakanga zvichiitwa kwamuri muIjipiti. 17Uye ndakavimbisa kukubudisai mukutambudzika kwenyu muIjipiti ndikuisei kunyika yavaKenani, navaHiti, vaAmori, vaPerezi, vaHivhi navaJebhusi, nyika inoyerera mukaka nouchi.&#8221;&#8198;&#8217;</div><div class="p"> 18&#8220;Vakuru vavaIsraeri vachakuteerera. Ipapo iwe navakuru vavaIsraeri munofanira kuenda kuna mambo weIjipiti munoti kwaari, &#8216;Jehovha Mwari wavaHebheru akasangana nesu. Regai tifambe rwendo rwamazuva matatu tiende kurenje kuti tindobayira kuna Jehovha Mwari wedu.&#8217; 19Asi ndinoziva kuti mambo weIjipiti haasi kuzokutenderai kunze kwokunge ruoko rune simba rwamumanikidza. 20Saka ndichatambanudza ruoko rwangu ndigorova vaIjipiti nezvishamiso zvose zvandichaita pakati pavo. Shure kwaizvozvo achakutenderai kuenda.</div><div class="p"> 21&#8220;Uye ndichaita kuti vaIjipita vaitire vanhu ava nyasha, zvokuti pamunoenda hamuendi musina chinhu. 22Mukadzi mumwe nomumwe anofanira kukumbira muvakidzani wake nomukadzi upi zvake waagere naye mumba make, zvishongo zvesirivha nezvegoridhe uye nguo dzamuchapfekedza vanakomana venyu nevanasikana venyu. Uye saizvozvo muchapamba vaIjipita.&#8221;</div>
 </div>
 </div>
</div>

BibleProject | Books of the BibleChikamu

Rugwaro

Zvinechekuita neHurongwa uhu

Zvirongwa zvakada kufanana neichi