Tsamba dzemuTestamende Itsva naMabasa

Mabasa Avapositori

Mapisarema

VaRoma

Testamende Yekare – Vaporofita Vakuru

Zvakazarurwa

1 Vakorinde

VaHebheru

Ruka

Zvirevo

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch6" data-usfm="MRK.6">
 <div class="label">6</div><div class="s1">Muprofita Haakudzwi</div><div class="p"> 1Jesu akabva ipapo akaenda kuguta rokwake, vadzidzi vake vachimutevera. 2Sabata rakati rasvika, akatanga kudzidzisa musinagoge, uye vazhinji vakamunzwa vakashamiswa.</div><div class="p">Vakabvunza vachiti, &#8220;Murume uyu akawanepi zvinhu izvi? Uchenjeri hupi uhu hwaakapiwa hwokuti anotoita zvishamiso? 3Ko, haasiye muvezi here? Ko, haasiye mwanakomana waMaria here nomukoma waJakobho, Josefa, Judhasi naSimoni? Ko, hanzvadzi dzake hadzisi pano nesu here?&#8221; Uye vakagumburwa naye.</div><div class="p"> 4Jesu akati kwavari, &#8220;Muprofita haakudzwi muguta romunyika yokwake, pakati pehama dzake, nomumba make chete.&#8221; 5Haana kugona kuita zvishamiso zvipi zvazvo imomo, kunze kwokuisa maoko ake pamusoro pavanhu vashoma vairwara uye nokuvaporesa. 6Akashamiswa nokusatenda kwavo.</div><div class="s1">Jesu Anotuma Vane Gumi naVaviri</div><div class="p">Ipapo Jesu akapota nemisha achidzidzisa. 7Akadana kwaari vane gumi navaviri akavatuma vari vaviri vaviri uye akavapa simba pamusoro pemweya yakaipa.</div><div class="p"> 8Akavarayira achiti, &#8220;Musatora chinhu parwendo kunze kwetsvimbo; musatora chingwa, kana hombodo, kana mari muzvikwama zvenyu. 9Mupfeke shangu asi kwete nguo yechipiri. 10Pose pamunopinda mumba, garai imomo kusvikira mabva muguta iroro. 11Uye kana pane nzvimbo icharamba kukugamuchirai kana kukuteererai, muzunze guruva retsoka dzenyu pamunenge mobva, chive chapupu pamusoro pavo.&#8221;</div><div class="p"> 12Vakabuda vakaenda kundoparidza kuti vanhu vatendeuke. 13Vakadzinga madhimoni mazhinji uye vakazodza mafuta vanhu vazhinji vairwara uye vakavaporesa.</div><div class="s1">Johani Mubhabhatidzi Anogurwa Musoro</div><div class="p"> 14Mambo Herodhi akanzwa nezvazvo, nokuti zita raJesu rakanga rozivikanwa kwazvo. Vamwe vakanga vachiti, &#8220;Johani Mubhabhatidzi akamutswa kubva kuvakafa; uye ndokusaka zviratidzo zvesimba zvichiitika.&#8221;</div><div class="p"> 15Vamwe vakati, &#8220;NdiEria.&#8221;</div><div class="p">Uye vamwezve vakati, &#8220;Ndiye muprofita, akaita somumwe wavaprofita vekare.&#8221;</div><div class="p"> 16Asi Herodhi akati anzwa izvozvo, akati, &#8220;Johani, murume wandakagura musoro, akamutswa kubva kuvakafa!&#8221;</div><div class="p"> 17Nokuti Herodhi pachake akanga arayira kuti Johani asungwe, uye akaita kuti asungwe nengetani uye aiswe mutorongo. Akaita izvi nokuda kwaHerodhiasi mukadzi womunun&#700;una wake Firipi waakanga awana. 18Nokuti Johani akanga ati kuna Herodhi, &#8220;Hazvitenderwi kuti utore mukadzi womunun&#700;una wako.&#8221; 19Saka Herodhiasi akachengeta ruvengo mumwoyo make pamusoro paJohani uye akada kumuuraya. Asi akanga asingakwanisi kuita izvozvo, 20nokuti Herodhi aitya Johani uye akamudzivirira, achimuziva somunhu akanga akarurama uye ari mutsvene. Herodhi akati anzwa Johani, akakanganisika zvikuru; asi akanga achifarira kumuteerera.</div><div class="p"> 21Pakupedzisira mukana wakazovapo. Pazuva rokuberekwa kwake, Herodhi akaitira vabati vake vakuru, navakuru vamauto uye navarume vaitungamirira muGarirea mabiko. 22Mwanasikana waHerodhiasi akati apinda akatamba, akafadza Herodhi navakanga vakokwa kuzodya.</div><div class="p">Mambo akati kumusikana, &#8220;Ndikumbire chipi zvacho chaunoda, uye ndichakupa chinhu ichocho.&#8221; 23Uye akamuvimbisa nemhiko achiti, &#8220;Chose chauchakumbira ndichakupa chinhu ichocho, kusvikira pahafu youmambo hwangu.&#8221;</div><div class="p"> 24Akabuda kunze akandoti kuna mai vake, &#8220;Ndichakumbireiko?&#8221;</div><div class="p">Ivo vakati, &#8220;Musoro waJohani Mubhabhatidzi.&#8221;</div><div class="p"> 25Pakarepo musikana akamhanya akapinda kuna mambo nechikumbiro akati, &#8220;Ndinoda kuti mundipe iye zvino musoro waJohani Mubhabhatidzi mundiro umu.&#8221;</div><div class="p"> 26Mambo akatambudzika zvikuru, asi nokuda kwemhiko yake uye nokuda kwevaakanga achidya navo, haana kuda kumurambira. 27Saka pakarepo akatuma murwi akarayira kuti vauye nomusoro waJohani. Murume akaenda akandogura musoro waJohani mutorongo, 28akadzoka nomusoro wake uri mundiro. Akaupa kumusikana, uye musikana akaupa kuna mai vake. 29Vadzidzi vaJohani vakati vanzwa izvi vakauya vakatora mutumbi wake vakauviga mubwiro.</div><div class="s1">Vanhu Zviuru Zvishanu Vanopiwa Zvokudya naJesu</div><div class="p"> 30Vapostori vakaungana pana Jesu vakamuudza zvose zvavakanga vaita nezvavakanga vadzidzisa. 31Zvino nokuda kwokuti vanhu vazhinji vakanga vachingouya nokuenda zvokuti havana kugona kuwana kunyange mukana wokudya, akati kwavari, &#8220;Handei tose, imi neni chete, kunzvimbo yakanyarara kuti mumbondozorora.&#8221;</div><div class="p"> 32Saka vakaenda voga mugwa kunzvimbo yakanyarara. 33Asi vazhinji vakavaona vakavaziva uye vakamhanya netsoka vachibva kumaguta ose vakavatangira kusvikako. 34Jesu akati aburuka uye achiona vanhu vazhinji zhinji, akavanzwira tsitsi, nokuti vakanga vakaita samakwai asina mufudzi. Saka akatanga kuvadzidzisa zvinhu zvizhinji.</div><div class="p"> 35Zvino zuva rava kuvira, vadzidzi vake vakauya kwaari, vakati, &#8220;Nzvimbo ino irenje, uye kwava kudoka. 36Itai kuti vanhu vaende kumaruwa nemisha yakapoteredza kuti vandozvitengera zvokudya.&#8221;</div><div class="p"> 37Asi iye akapindura akati, &#8220;Imi vapei zvokudya.&#8221;</div><div class="p">Vakati kwaari, &#8220;Izvo zvinotoda muripo womunhu wemwedzi misere! Ko, tingashandisa mari yakawanda kudaro kutenga chingwa kuti tigovapa kuti vadye here?&#8221;</div><div class="p"> 38Akati, &#8220;Mune zvingwa zvinganiko? Endai mundotarisa.&#8221;</div><div class="p">Vakati vazviona, vakati, &#8220;Zvishanu, nehove mbiri.&#8221;</div><div class="p"> 39Ipapo Jesu akavarayira kuti vagarise vanhu vose pasi mumapoka pauswa hunyoro. 40Saka vakagara pasi mumapoka ane zana uye neane makumi mashanu. 41Akatora zvingwa zvishanu nehove mbiri uye akatarisa kudenga, akavonga akamedura chingwa. Ipapo akazvipa kuvadzidzi vake kuti vazvigadzike pamberi pavanhu. Akagoverawo hove mbiri dziya pakati pavo vose. 42Vose vakadya vakaguta, 43uye vadzidzi vakanonga zvimedu zvezvingwa nehove zvikazara matengu gumi namaviri. 44Varume vakanga vadya vaisvika zviuru zvishanu.</div><div class="s1">Jesu Anofamba Pamusoro peMvura</div><div class="p"> 45Pakarepo Jesu akaita kuti vadzidzi vake vakwire mugwa uye kuti vafanotungamira kuBhetisaidha, iye achiri kuendesa vanhu vazhinji. 46Akati aonekana navo, akakwira mugomo kundonyengetera.</div><div class="p"> 47Ava madekwana, igwa rakanga rava pakati pegungwa, uye iye aiva oga kunyika. 48Akaona vadzidzi vachitambudzika pakukwasva, nokuti mhepo yaivarova. Nenguva inenge yechina yousiku akaenda kwavari, achifamba pamusoro pegungwa. Akanga oda kuvapfuura, 49asi pavakamuona achifamba pamusoro pegungwa, vakafunga kuti aiva dzangaradzimu. Vakadanidzira, 50nokuti vose vakamuona vakatya.</div><div class="p">Pakarepo akataura kwavari akati, &#8220;Tsungai mwoyo! Ndini. Musatya.&#8221; 51Ipapo akakwira mugwa navo, uye mhepo ikadzikama. Vakakatyamara zvikuru, 52nokuti vakanga vasati vanzwisisa nezvezvingwa, mwoyo yavo yakanga iri mikukutu.</div><div class="p"> 53Vakati vayambuka mhiri, vakasvika paGenesareti vakamisa igwa ipapo. 54Vakati vachingobuda mugwa, vanhu vakaziva Jesu. 55Vakamhanya nomunyika iyo yose vakatakura vanorwara pamaponde vachienda navo kwavakanga vanzwa kuti ndiko kwaari. 56Uye pose paakaenda mumisha, mumaguta kana mumaruwa, vakaisa varwere mumisika. Vakamukumbira kuti avabvumire kubata kunyange mupendero wejasi rake, uye vose vakamubata vakaporeswa.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch7" data-usfm="MRK.7">
 <div class="label">7</div><div class="s1">Zvakachena neZvisina Kuchena</div><div class="p"> 1VaFarisi navamwe vavadzidzisi vomurayiro vakanga vauya kuJerusarema vakaungana pana Jesu 2vakaona vamwe vavadzidzi vake vachidya zvokudya namaoko akanga ane &#8220;tsvina,&#8221; ndiko kuti, asina kushambwa. 3VaFarisi navaJudha vose havadyi kunze kwokunge vamboshamba maoko avo, vachichengeta tsika dzavakuru. 4Pavanenge vadzoka kumusika, havadyi kunze kwokunge vashamba. Uye vanocherechedza dzimwe tsika zhinji, dzakadai sokushambidza mikombe, matende, nemidziyo yokuvirisa mvura.</div><div class="p"> 5Saka vaFarisi navadzidzisi vomurayiro vakabvunza Jesu vakati, &#8220;Seiko vadzidzi venyu vachirega kurarama zviri maererano netsika dzavakuru, zvavanodya zvokudya zvavo &#8216;namaoko ane tsvina&#8217;?&#8221;</div><div class="p"> 6Akapindura akati, &#8220;Isaya akataura zvakanaka paakaprofita pamusoro penyu imi vanyengeri; sezvazvakanyorwa zvichinzi:</div><div class="q1">&#8220;&#8198;&#8216;Vanhu ava vanondikudza nemiromo yavo,</div><div class="q2">asi mwoyo yavo iri kure neni.</div><div class="q1"> 7Vanondinamata pasina;</div><div class="q2">dzidziso dzavo dzinongova mirayiro inodzidziswa navanhu.&#8217;</div><div class="m"> 8Makasiya mirayiro yaMwari mukachengetedza tsika dzavanhu.&#8221;</div><div class="p"> 9Uye akati kwavari, &#8220;Mune nzira chaiyo yokuisa parutivi nayo mirayiro yaMwari kuitira kuti mucherechedze tsika dzenyuwo! 10Nokuti Mozisi akati, &#8216;Kudza baba vako namai vako,&#8217; uye &#8216;Munhu upi zvake achatuka baba vake kana mai vake anofanira kuurayiwa.&#8217; 11Asi imi munoti, kana munhu akati kuna baba kana mai vake, &#8216;Rubatsiro rupi zvarwo rwamungadaro makagamuchira kubva kwandiri iKobhani&#8217; (ndiko kuti, chipo chakapirwa kuna Mwari), 12ipapo hamuchamuregi achiitira baba kana mai vake chinhu chipi zvacho. 13Nokudaro munoparadza shoko raMwari nokuda kwetsika dzenyu dzamakachengeta kusvika zvino. Uye munoita zvinhu zvizhinji zvakadaro.&#8221;</div><div class="p"> 14Jesu akadanazve kwaari vanhu vazhinji akati kwavari, &#8220;Nditeererei, imi mose, uye munzwisise izvi. 15Hakuna chinhu chinobva kunze &#8216;chinosvibisa&#8217; munhu nokupinda maari. Asi icho chinobuda mumunhu ndicho chinoita kuti &#8216;asvibe.&#8217; 16Kana munhu ane nzeve dzokunzwa, ngaanzwe.&#8221;</div><div class="p"> 17Zvino akati abva pavanhu vazhinji uye apinda mumba, vadzidzi vake vakamubvunza pamusoro pomufananidzo uyu. 18Akati, &#8220;Hamunzwisisi seiko? Hamuoni kuti hakuna chinhu chinopinda mumunhu chichibva kunze chinogona &#8216;kumusvibisa&#8217;? 19Nokuti hazvipindi mumwoyo make asi mudumbu make, uyezve zvichizobuda mumuviri wake.&#8221; Nokutaura uku, Jesu akati zvokudya zvose zvakanaka.</div><div class="p"> 20Akaenderera mberi achiti, &#8220;Zvinobuda mumunhu ndizvo zvinomusvibisa. 21Nokuti kubva mukati, kubva mumwoyo yavanhu ndimo munobuda mirangariro yakaipa, upombwe, kuba, kuuraya, ufeve, 22ruchiva, nouipi, kunyengera, utere, godo, kureva, manyawi noupenzi. 23Zvakaipa izvozvi zvose zvinobuda kubva mukati uye &#8216;zvinosvibisa munhu.&#8217;&#8198;&#8221;</div><div class="s1">Rutendo rwoMukadzi wokuFonishia</div><div class="p"> 24Jesu akabva panzvimbo iyo akaenda pedyo neTire. Akapinda mumba akasada kuzivikanwa nomunhu; asi akanga asingagoni kuzvivanza. 25Zvakaitika ndezvokuti, paakangonzwa nezvake, mukadzi aiva nomwanasikana akanga akabatwa nomweya wetsvina akauya akawira patsoka dzake. 26Mukadzi uyu aiva muGiriki, akaberekerwa muFonishia yomuSiria. Akakumbirisa Jesu kuti adzinge dhimoni mumwanasikana wake.</div><div class="p"> 27Jesu akati kwaari, &#8220;Vana vanofanira kutanga kudya zvavanoda, nokuti hazvina kunaka kutora chingwa chavana uchichikandira kumbwa dzavo.&#8221;</div><div class="p"> 28Iye akapindura akati, &#8220;Hongu Ishe, asi kunyange imbwa dziri pasi petafura dzinodya zvimedu zvezvokudya zvavana wani.&#8221;</div><div class="p"> 29Ipapo akati kwaari, &#8220;Nokuda kwemhinduro yakadai, enda hako; dhimoni rabva pamwanasikana wako.&#8221;</div><div class="p"> 30Akadzokera kumba kwake akawana mwana wake avete pamubhedha, uye dhimoni raenda.</div><div class="s1">Kuporeswa kwoMurume Aiva Matsi neMbeveve</div><div class="p"> 31Ipapo Jesu akabva kunzvimbo yeTire akaenda nokuSidhoni, akaburukira kuGungwa reGarirea uye nokudunhu reDhekapori. 32Ikoko vamwe vanhu vakauya kwaari nomurume akanga ari matsi uye asingagoni kunyatsotaura, uye vakamukumbira kwazvo kuti aise ruoko rwake pamusoro pomurume uyu.</div><div class="p"> 33Akati aenda naye parutivi, kure noruzhinji, Jesu akaisa minwe yake munzeve dzake. Ipapo akapfira mate akabata rurimi rwomurume uya. 34Akatarisa kudenga uye nokugomera kukuru akati kwaari, &#8220;Efata!&#8221; (kureva kuti, &#8220;Dziuka!&#8221;) 35Pakarepo, nzeve dzomurume uya dzakadziuka, rurimi rwake rukasunungurwa uye akatanga kutaura zvakanaka.</div><div class="p"> 36Jesu akavarayira kuti varege kutaurira kana munhu. Asi paakanyanya kuita izvozvo, ndipo pavakanyanya kutaura nezvazvo. 37Vanhu vakashamiswa zvikuru kwazvo. Vakati, &#8220;Akaita zvinhu zvose nenzira yakanaka. Anoita kuti kunyange matsi dzinzwe uye nembeveve dzitaure.&#8221;</div>
 </div>
 </div>
</div>

MavhangeriChikamu

Rugwaro

Zvinechekuita neHurongwa uhu

Zvirongwa zvakada kufanana neichi