Kukunda Nekurumbidza

Hunhu weuMwari

Munamato waTenzi

Zvibayiro Zvipenyu Kuna Mwari

Iva Mutsvene

Tsee: Kuona upenyu nomuono wokusingaperi

Kumira naMwari munguva yekuyedzwa nematambudziko

Tiri Vamwe Muna Kristu

Sarudzo dzine huMwari

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch41" data-usfm="GEN.41">
 <div class="label">41</div><div class="s1">Kurota kwaFaro</div><div class="p"> 1Makore maviri azere akati apfuura, Faro akarota hope: Akanga amire paRwizi Nairi. 2Uye mhou nomwe dzakanga dzakanaka, dzakakora, dzakabuda murwizi dzikafura pakati petsanga. 3Shure kwadzo, dzimwe mhou nomwe, dzakanga dzakashata uye dzakaonda, dzakabuda muna Nairi, dzikamira parutivi rwedziya dzaiva kumahombekombe orwizi. 4Uye mhou dziya dzakanga dzakashata, dzakaonda, dzakadya mhou dziya dzakanga dzakanaka uye dzakakora. Ipapo Faro akapepuka.</div><div class="p"> 5Akavatazve hope uye akarota kechipiri: Hura dzezviyo nomwe dzakanga dzakakora uye dzakanaka, dzakanga dzichikura padzinde rimwe. 6Shure kwadzo, dzimwe hura nomwe dzezviyo dzakabuda, dzakatetepa uye dzakapiswa nemhepo yokumabvazuva. 7Hura dzezviyo dzakatetepa dzakamedza dziya nomwe dzakanga dzakakora, hura dzakanga dzizere. Ipapo akapepuka, onei kwakanga kuri kurota.</div><div class="p"> 8Mangwanani pfungwa dzake dzakatambudzika, saka akatuma shoko kun&#700;anga dzose navachenjeri veIjipiti. Faro akavaudza kurota kwake, asi hakuna munhu akagona kuzvidudzira kwaari.</div><div class="p"> 9Ipapo mudiri mukuru akati kuna Faro, &#8220;Nhasi ndinorangarira kutadza kwangu. 10Pane imwe nguva Faro akatsamwira varanda vake, uye akandipfigira ini nomubiki mukuru mumba momukuru wavarindi. 11Mumwe nomumwe wedu akarota hope usiku humwe chetehwo, uye kurota kumwe nokumwe kwaiva nedudziro yako. 12Zvino jaya rechiHebheru rakanga rinesu, iye muranda womukuru wavarindi, takamuudza kurota kwedu, iye akakududzira kwatiri, achipa murume mumwe nomumwe dudziro yehope dzake. 13Uye zvinhu zvakaitika chaizvo sezvaakadudzira kwatiri: Ini ndakadzoserwa pabasa rangu, uye mumwe murume uye akasungirirwa.&#8221;</div><div class="p"> 14Saka Faro akatuma vanhu kuna Josefa, uye akakurumidza kubudiswa mugomba. Akati aveurwa musoro uye apfeka dzimwe nguo, akauya pamberi paFaro.</div><div class="p"> 15Faro akati kuna Josefa, &#8220;Ndakarota hope, uye hakuna munhu akagona kudzidudzira. Asi ndanzwa zvarehwa nezvako kuti paunonzwa kurota uku, unogona kukududzira.&#8221;</div><div class="p"> 16Josefa akapindura Faro akati, &#8220;Ini handigoni kuzviita, asi Mwari achapa Faro mhinduro yaanoda.&#8221;</div><div class="p"> 17Ipapo Faro akati kuna Josefa, &#8220;Mukurota kwangu, ndakanga ndimire pamahombekombe aNairi, 18ipapo ndikaona mhou nomwe dzichibuda murwizi, dzakakora uye dzakanaka, uye dzikafura pakati petsanga. 19Shure kwadzo, dzimwe mhou nomwe dzakabuda, dzine nzara uye dzakashata uye dzakaonda. Handisati ndamboona mhou dzakaipa kudai munyika yose yeIjipiti. 20Mhou dzakaonda uye dzakashata dzakadya mhou nomwe dziya dzakakora dzakanga dzatanga kuuya. 21Asi kunyange zvazvo dzakadzidya, hakuna munhu aigona kuona kuti dzakanga dzaita izvozvo; dzaingoratidzika kushata sezvadzakanga dzakaita kare. Ipapo ndakapepuka.</div><div class="p"> 22&#8220;Mukurota kwangu, ndakaonawo hura nomwe dzezviyo, dzizere uye dzakanaka, dzichikura padzinde rimwe chete. 23Shure kwadzo dzimwe hura nomwe dzakamera, dzakasvava, dzakaonda uye dzakapiswa nemhepo yokumabvazuva. 24Hura dziya dzakaonda dzakamedza dziya hura nomwe dzakanga dzakanaka. Ndakaudza n&#700;anga izvi, asi hakuna akagona kunditsanangurira.&#8221;</div><div class="p"> 25Ipapo Josefa akati kuna Faro, &#8220;Kurota kwaFaro ndokumwe uye kwakafanana. Mwari akaratidza kuna Faro zvinhu zvaava kuda kuita. 26Mhou nomwe dzakanaka ndiwo makore manomwe, uye hura nomwe dzakanaka dzezviyo ndiwo makore manomwe amaguta; kurota uku kumwe chete uye kwakafanana. 27Mhou nomwe dzakaonda uye dzakashata dzakakwira pashure, ndiwo makore manomwe, ndizvowo nehura nomwe dzezviyo dzisingabatsiri dzakapiswa nemhepo yokumabvazuva; ndiwo makore manomwe enzara.</div><div class="p"> 28&#8220;Zvakangoita sezvandataura kuna Faro ndichiti: Mwari aratidza Faro zvaava kuda kuita. 29Makore manomwe amaguta makuru ari kuuya munyika yose yeIjipiti, 30asi makore manomwe enzara achaatevera. Ipapo maguta ose omuIjipiti achakanganwikwa, uye nzara ichaparadza nyika. 31Maguta omunyika haachazorangarirwi, nokuti nzara inoatevera ichava huru kwazvo. 32Kurota uku kwapiwa kuna Faro nenzira mbiri nokuti nyaya iyi yarongwa zvizere naMwari, uye Mwari achazviita nokukurumidza.</div><div class="p"> 33&#8220;Zvino Faro ngaatsvake munhu anonzwisisa uye akachenjera amugadze kuti ave mutariri wenyika yeIjipiti. 34Faro ngaagadze vatariri pamusoro penyika kuti vaunganidze chikamu chimwe chete muzvishanu chezvichakohwewa muIjipiti mukati mamakore manomwe aya amaguta. 35Vanofanira kuunganidza zvokudya zvose zvamakore aya akanaka ari kuuya uye vagochengeta zviyo pasi pesimba raFaro, zvinofanira kuchengetwa kuti zvizove zvokudya. 36Zvokudya izvi zvinofanira kuchengeterwa nyika, kuti zvigozoshandiswa panguva yamakore manomwe enzara achauya pamusoro peIjipiti, kuitira kuti nyika irege kuparadzwa nenzara.&#8221;</div><div class="p"> 37Urongwa uhu hwakaratidza kuva hwakanaka kuna Faro nokuvaranda vake vose. 38Saka Faro akavabvunza akati, &#8220;Tingawana here munhu akaita somurume uyu, munhu ane mweya waMwari maari?&#8221;</div><div class="p"> 39Ipapo Faro akati kuna Josefa, &#8220;Sezvo Mwari aita kuti izvi zvose zvizivikanwe newe, hakuna munhu anoziva uye akachenjera sewe. 40Iwe uchava mutariri womuzinda wangu, navanhu vangu vose, uye vanhu vangu vose vanofanira kuzviisa pasi pezvaunovarayira. Ndichava mukuru kwauri pachigaro choushe chete.&#8221;</div><div class="s1">Josefa anova Mutariri weIjipiti</div><div class="p"> 41Saka Faro akati kuna Josefa, &#8220;Ndakugadza kuti uve mutariri wenyika yose yeIjipiti.&#8221; 42Ipapo Faro akabvisa mhete yake pamunwe wake akaiisa pamunwe waJosefa. Akamupfekedza nguo dzakaisvonaka uye akaisa uketani hwegoridhe pamutsipa wake. 43Akamuita kuti akwire pangoro yake ari wechipiri pakutungamirira, uye vanhu vakadanidzira pamberi pake vachiti, &#8220;Dziurai nzira!&#8221; Nokudaro akamuita mutariri weIjipiti yose.</div><div class="p"> 44Ipapo Faro akati kuna Josefa, &#8220;Ndini Faro, asi pasina shoko rawataura iwe hakuna munhu achasimudza ruoko rwake kana rutsoka rwake munyika yose yeIjipiti.&#8221; 45Faro akatumidza Josefa zita rokuti Zafenati-Panea uye akamupa Asenati mwanasikana waPotifera, muprista waOni, kuti ave mukadzi wake. Uye Josefa akafamba munyika yose yeIjipiti.</div><div class="p"> 46Josefa akanga ava namakore makumi matatu okuberekwa paakapinda pabasa raFaro mambo weIjipiti. Uye Josefa akabuda kubva pamberi paFaro akafamba munyika yose yeIjipiti. 47Panguva yamakore manomwe amaguta, nyika yakabereka zvizhinji kwazvo. 48Josefa akaunganidza zvokudya zvose zvakawanikwa mumakore manomwe aya amaguta muIjipiti akazviunganidza mumaguta. Muguta rimwe nerimwe akaisa zvokudya zvaibva muminda yakapoteredza. 49Josefa akaunganidza zviyo zvakawanda kwazvo, sejecha regungwa; zvakanga zvakawanda zvokuti haana kuzokwanisa kuzvinyora nokuti zvakanga zvisisagoni kuyerwa.</div><div class="p"> 50Makore enzara asati asvika, Josefa akanga aberekerwa vanakomana vaviri naAsenati mwanasikana waPotifera, muprista waOni. 51Josefa akatumidza dangwe rake zita rokuti Manase akati, &#8220;Nokuti Mwari akaita kuti ndikanganwe kutambudzika kwangu kwose navose veimba yababa vangu.&#8221; 52Mwanakomana wake wechipiri akamutumidza zita rokuti Efuremu akati, &#8220;Nokuti Mwari akaita kuti ndive nezvibereko munyika yokutambudzika kwangu.&#8221;</div><div class="p"> 53Makore manomwe amaguta muIjipiti akasvika pakupera, 54uye makore manomwe enzara akatanga, sezvazvakanga zvarehwa naJosefa. Kwakava nenzara mune dzimwe nyika dzose, asi munyika yose yeIjipiti maiva nezvokudya. 55Ijipiti yose payakatanga kunzwa nzara, vanhu vakatanga kuchemera zvokudya kuna Faro. Ipapo Faro akaudza vaIjipita vose akati, &#8220;Endai kuna Josefa muite zvaanokuudzai.&#8221;</div><div class="p"> 56Nzara yakati yapararira munyika yose, Josefa akazarura matura akatengesa zviyo kuvaIjipita, nokuti nzara yakanga iri huru munyika yose yeIjipiti. 57Uye nyika dzose dzakauya kuzotenga zviyo kuIjipiti kubva kuna Josefa, nokuti nzara yakanga iri huru munyika dzose.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkGEN">
 <div class="chapter ch42" data-usfm="GEN.42">
 <div class="label">42</div><div class="s1">Madzikoma aJosefa anoenda kuIjipiti</div><div class="p"> 1Jakobho akati anzwa kuti kuIjipiti kwaiva nezviyo, akati kuvanakomana vake, &#8220;Seiko muchiramba makangotarisana?&#8221; 2Akaenderera mberi akati, &#8220;Ndanzwa kuti kuIjipiti kune zviyo. Burukai muende ikoko mundotitengera zviyo, kuitira kuti tirarame tirege kufa.&#8221;</div><div class="p"> 3Ipapo madzikoma aJosefa gumi vakaburuka vakaenda kundotenga zviyo kuIjipiti. 4Asi Jakobho haana kuendesa Bhenjamini, munun&#700;una waJosefa, pamwe chete navamwe, nokuti akanga achitya kuti zvakaipa zvaizomuwira. 5Saka vanakomana vaIsraeri vakanga vari pakati pavaya vakaenda kundotenga zviyo, nokuti nzara yakanga iri munyika yeKenaniwo.</div><div class="p"> 6Zvino Josefa akanga ari mubati wenyika; ndiye aitengesa zviyo kuvanhu vayo vose. Saka madzikoma aJosefa akati asvika, vakakotamira pasi kwaari nezviso zvavo. 7Josefa achingoona madzikoma ake, akavaziva, asi akaita seasingavazivi uye akataura navo nehasha. Akati, &#8220;Munobvepi imi?&#8221; Ivo vakati, &#8220;Tinobva kunyika yeKenani, tauya kuzotenga zvokudya.&#8221;</div><div class="p"> 8Kunyange zvazvo Josefa akaziva madzikoma ake, ivo havana kumuziva. 9Ipapo akarangarira kurota kwake pamusoro pavo akati kwavari, &#8220;Muri vasori imi. Mauya kuzoona nyika yedu paisina kudzivirirwa.&#8221;</div><div class="p"> 10Ivo vakapindura vakati, &#8220;Kwete, ishe wedu. Varanda venyu vauya kuzotenga zvokudya. 11Isu tose tiri vanakomana vomunhu mumwe. Varanda venyu vakatendeka, havasi vasori.&#8221;</div><div class="p"> 12Iye akati kwavari, &#8220;Kwete, mauya kuzoona nyika yedu paisina kudzivirirwa.&#8221;</div><div class="p"> 13Asi vakapindura vakati, &#8220;Varanda venyu vaiva gumi navaviri, vari vanakomana vomunhu mumwe, anogara munyika yeKenani. Gotwe ndiye ari kuna baba vedu iye zvino, uye mumwe haachisipo.&#8221;</div><div class="p"> 14Josefa akati kwavari, &#8220;Ndizvo chaizvo zvandataura kwamuri ndichiti: Muri vasori imi! 15Uye aya ndiwo maedzerwo amuchaitwa: Zvirokwazvo noupenyu hwaFaro, hamuchabvi panzvimbo ino kunze kwokunge munun&#700;una wenyu gotwe auya pano. 16Tumai mumwe wenyu kuti andotora munun&#700;una wenyu gotwe; vamwe vose vachachengetwa mutorongo, kuti mashoko enyu aedzwe kuti zvionekwe kana muchitaura chokwadi. Kana zvisina kudaro, ipapo zvirokwazvo naFaro mupenyu, muri vasori!&#8221; 17Uye akavaisa vose mutorongo kwamazuva matatu.</div><div class="p"> 18Pazuva rechitatu, Josefa akati kwavari, &#8220;Itai izvi kuti mugorarama, nokuti ndinotya Mwari. 19Kana muri vanhu vakatendeka, regai mumwe wenyu agare muno mutorongo, asi vamwe venyu vaende nezviyo kumhuri dzenyu dziri kuziya. 20Asi munofanira kuuya nomunun&#700;una wenyu gotwe kwandiri, kuitira kuti mashoko enyu asimbiswe uye kuti murege kufa.&#8221; Izvi vakazviita.</div><div class="p"> 21Vakataurirana vachiti, &#8220;Zvirokwazvo tava kurangwa nokuda kwomunun&#700;una wedu. Takaona kutambudzika kwaakaita paakatikumbira kuti tirege kumuuraya, asi isu hatina kumuteerera; ndokusaka nhamo iyi yauya pamusoro pedu.&#8221;</div><div class="p"> 22Rubheni akapindura akati, &#8220;Ko, handina kukuudzai here kuti murege kutadzira mukomana? Asi hamuna kuda kunditeerera! Zvino tinofanira kuzvidavirira nokuda kweropa rake.&#8221; 23Havana kuziva kuti Josefa aigona kuvanzwisisa, sezvo akanga achishandisa mududziri.</div><div class="p"> 24Akabva pavari akatanga kuchema, asi pakarepo akadzoka kwavari akatauriranazve navo. Akaita kuti Simeoni atorwe kubva pakati pavo uye kuti asungwe vakatarisa.</div><div class="p"> 25Josefa akarayira kuti masaga avo azadzwe nezviyo, vaise mari yomumwe nomumwe musaga rake, uye kuti vapiwe mbuva yorwendo rwavo. Shure kwokuitirwa kwavo izvi, 26vakatakudza mbongoro dzavo zviyo vakaenda.</div><div class="p"> 27Panzvimbo yavakavata usiku, mumwe wavo akazarura saga rake kuti atorere mbongoro yake zvokudya, akaona mari yake pamuromo wesaga rake. 28Akati kuna vamwe vake, &#8220;Mari yangu yadzoserwa. Heyi iri musaga rangu.&#8221; Mwoyo yavo yakati rukutu vakatarisana vachidedera, uye vakati, &#8220;Chiiko ichi chataitirwa naMwari?&#8221;</div><div class="p"> 29Pavakasvika kuna baba vavo Jakobho munyika yeKenani, vakamuudza zvakanga zvaitika kwavari. Vakati, 30&#8220;Murume anova ndiye ishe pamusoro penyika iyo akataura nesu nehasha uye akatiita sokunge taiva vasori munyika. 31Asi takati kwaari, &#8216;Tiri vanhu vakatendeka; hatisi vasori. 32Takanga tiri vanakomana gumi navaviri vababa vamwe chete. Mumwe haachipo, uye gotwe ndiye ana baba vedu zvino kuKenani.&#8217;&#8198;&#8221;</div><div class="p"> 33&#8220;Ipapo murume anova ndiye ishe panyika iyo akati kwatiri, &#8216;Hechi chinhu chichandizivisa kana muri vanhu vakatendeka: Siyai mumwe wenyu neni pano, mugotakura zvokudya zvemhuri dzenyu dziri kuziya muende. 34Asi muuye nomunun&#700;una wenyu gotwe kwandiri kuitira kuti ndigoziva kuti hamusi vasori, asi kuti muri vanhu vakatendeka. Ipapo ndichadzosera mumwe wenyu kwamuri, uye mungazotenga henyu muno munyika.&#8217;&#8198;&#8221;</div><div class="p"> 35Pavakanga vachidurura masaga avo, wanei musaga romumwe nomumwe wavo makanga mune homwe yake yesirivha! Ivo nababa vavo pavakaona mari muhomwe, vakatya. 36Baba vavo Jakobho vakati, &#8220;Mandipedzera vana vangu. Josefa haasisipo naSimeoni haasisipo, uye zvino munoda kutora Bhenjamini. Zvinhu zvose zviri kundimukira!&#8221;</div><div class="p"> 37Ipapo Rubheni akati kuna baba vake, &#8220;Mungauraya henyu vanakomana vangu vaviri ava kana ndisina kudzoka naye kwamuri. Muisei mumaoko angu, ndichadzoka naye.&#8221;</div><div class="p"> 38Asi Jakobho akati, &#8220;Mwanakomana wangu haangaburuki nemi kuti aende ikoko; mukoma wake akafa uye ndiye chete asara. Kana zvakaipa zvikamuwira parwendo rwamuri kufamba, muchaburutsira musoro wangu wachena muguva mukusuwa.&#8221;</div>
 </div>
 </div>
</div>

BibleProject | Biblical Storyline Chikamu

Rugwaro

Zvinechekuita neHurongwa uhu

Zvirongwa zvakada kufanana neichi

Kukunda Nekurumbidza

Hunhu weuMwari

Munamato waTenzi

Zvibayiro Zvipenyu Kuna Mwari

Iva Mutsvene

Tsee: Kuona upenyu nomuono wokusingaperi

Kumira naMwari munguva yekuyedzwa nematambudziko

Tiri Vamwe Muna Kristu

Sarudzo dzine huMwari

Hunhu weuMwari