Sarudzo dzine huMwari

Kumira naMwari munguva yekuyedzwa nematambudziko

Kukunda Nekurumbidza

Tiri Vamwe Muna Kristu

Munamato waTenzi

Hunhu weuMwari

Iva Mutsvene

Zvibayiro Zvipenyu Kuna Mwari

Tsee: Kuona upenyu nomuono wokusingaperi

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkJDG">
 <div class="chapter ch6" data-usfm="JDG.6.1+JDG.6.2+JDG.6.3+JDG.6.4+JDG.6.5+JDG.6.6+JDG.6.7+JDG.6.8+JDG.6.9+JDG.6.10+JDG.6.11+JDG.6.12+JDG.6.13+JDG.6.14+JDG.6.15+JDG.6.16+JDG.6.17+JDG.6.18+JDG.6.19+JDG.6.20+JDG.6.21+JDG.6.22+JDG.6.23+JDG.6.24+JDG.6.25+JDG.6.26+JDG.6.27+JDG.6.28+JDG.6.29+JDG.6.30+JDG.6.31+JDG.6.32+JDG.6.33+JDG.6.34+JDG.6.35+JDG.6.36+JDG.6.37+JDG.6.38+JDG.6.39+JDG.6.40">
 <div class="p">1VaIsraeri vakaitazve zvakaipa pamberi paJehovha, uye akavaisa mumaoko avaMidhiani kwamakore manomwe. 2Nokuda kwokuti ruoko rwavaMidhiani rwakavadzvinyirira kwazvo, vaIsraeri vakazvigadzirira nzvimbo dzokuvanda mumakomo, mumapako uye nenhare. 3VaIsraeri vaingoti vakadyara mbeu dzavo, vaMidhiani, vaAmareki navamwe vanhu vokumabvazuva, vaiuya kuzorwisa nyika yavo. 4Vakadzika misasa yavo munyika uye vakaparadza zvirimwa kubva kuGaza yose, uye havana kusiyira vaIsraeri chinhu, makwai, mombe kana mbongoro. 5Vakauya nezvipfuwo zvavo namatende avo vakawanda sechimokoto chemhashu. Zvakanga zvisingagoneki kuti uverenge vanhu nengamera dzavo; vakapinda munyika kuti vaiparadze. 6VaMidhiani vakaita kuti vaIsraeri vave varombo zvokuti vakachema kuna Jehovha kuti avabatsire.</div><div class="p"> 7VaIsraeri vakati vachema kuna Jehovha nokuda kwavaMidhiani, 8Akatuma muprofita, akati kwavari, &#8220;Zvanzi naJehovha: Mwari waIsraeri: Ndakakubudisai kubva muIjipiti, munyika youtapwa. 9Ndakakubvutai kubva musimba reIjipiti, nokubva muruoko rwavadzvinyiriri venyu vose. Ndakavadzinga pamberi penyu ndikakupai nyika yavo. 10Ndakati kwamuri, &#8216;Ndini Jehovha Mwari wenyu, musanamata vamwari vavaAmori, vamugere munyika yavo.&#8217; Asi hamuna kunditeerera.&#8221;</div><div class="p"> 11Mutumwa waJehovha akauya akagara pasi pomuouki muOfira raJoashi muAbhiezeri, paipurwa gorosi naGidheoni mwanakomana wake muchisviniro chewaini, kuti aivanze kubva kuvaMidhiani. 12Mutumwa waJehovha akati azviratidza kuna Gidheoni, akati kwaari, &#8220;Jehovha anewe, iwe murume wesimba noumhare.&#8221;</div><div class="p"> 13Gidheoni akapindura akati, &#8220;Asika, ishe wangu, kana Jehovha anesu, seiko izvi zvose zvakaitika kwatiri? Zvishamiso zvake zvose zviripiko zvatakaudzwa namadzibaba edu pavakati, &#8216;Jehovha haana kutibudisa muIjipiti here?&#8217; Asi zvino Jehovha akatisiya uye akatiisa muruoko rwavaMidhiani.&#8221;</div><div class="p"> 14Jehovha akatendeukira kwaari akati, &#8220;Enda nesimba raunaro uponese Israeri muruoko rwavaMidhiani. Handizini ndakutuma here?&#8221;</div><div class="p"> 15Gidheoni akabvunza akati, &#8220;Asika Ishe, ndingaponesa Israeri seiko? Imba yangu ndiyo dukusa maManase, uye ini ndiri mudukusa mumhuri yangu.&#8221;</div><div class="p"> 16Jehovha akapindura akati, &#8220;Ndichava newe, uye iwe uchauraya vaMidhiani vose pamwe chete.&#8221;</div><div class="p"> 17Gidheoni akapindura akati, &#8220;Zvino kana ndawana nyasha pamberi penyu, ndipei chiratidzo kuti ndizive kuti ndimi munotaura neni. 18Ndapota hangu, musabva pano kusvikira ndadzoka uye ndauya nechipiriso changu ndigochiisa pamberi penyu.&#8221;</div><div class="p">Uye Jehovha akati, &#8220;Ndichamira pano kusvikira wadzoka.&#8221;</div><div class="p"> 19Gidheoni akapinda, akandogadzira mbudzana, uye akaita chingwa chisina kuviriswa cheefa#6:19 marita angaita 22 youpfu hwakatsetseka. Akaisa nyama mudengu uye muto wayo akauisa muhari, akabuda nazvo akazvipa kwaari pasi pomuouki.</div><div class="p"> 20Mutumwa waMwari akati kwaari, &#8220;Tora nyama nechingwa chisina mbiriso, uzviise paruware urwu, uye ugodirapo muto wacho.&#8221; Uye Gidheoni akaita saizvozvo. 21Mutumwa waJehovha akagunzva nyama nechingwa chisina mbiriso nomuromo wetsvimbo yaiva muruoko rwake. Moto wakabuda paruware, ukapisa nyama nechingwa. Ipapo mutumwa waJehovha akanyangarika. 22Gidheoni akati aziva kuti akanga ari mutumwa waJehovha, akadanidzira akati, &#8220;Maiwe, Ishe Jehovha! Ndaona mutumwa waJehovha chiso nechiso!&#8221;</div><div class="p"> 23Asi Jehovha akati kwaari, &#8220;Rugare! Usatya. Hausi kuzofa.&#8221;</div><div class="p"> 24Saka Gidheoni akavakira Jehovha aritari ipapo akaitumidza kuti Jehovha Ndiye Rugare. Nanhasi ichakamirapo muOfira ravaAbhiezeri.</div><div class="p"> 25Usiku hwacho ihwohwo Jehovha akati kwaari, &#8220;Tora hando yechipiri kubva pamombe dzababa vako iyo ina makore manomwe. Uputsire pasi aritari yababa vako yaBhaari uye ugotema danda raAshera riri pairi. 26Ipapo ugovakira Jehovha Mwari wako aritari kwayo pamusoro penhare iyi. Utore hando yechipiri ugoibayira sechipiriso chinopiswa uchishandisa huni dzedanda raAshera rawakatema.&#8221;</div><div class="p"> 27Saka Gidheoni akatora varanda vake gumi akaita sezvaakaudzwa naJehovha. Asi nokuda kwokuti akanga achitya vemhuri yake uye navanhu vomuguta, akaita izvi usiku pano kuzviita masikati.</div><div class="p"> 28Vanhu vomuguta vakati vachimuka mangwanani, vakaona heyo aritari yaBhaari yakaputswa, nedanda raAshera parutivi rwayo rakatemwa, uye hando yechipiri yakabayirwa paaritari itsva yakanga yavakwa!</div><div class="p"> 29Vakabvunzana vakati, &#8220;Ndianiko aita izvi?&#8221;</div><div class="p">Vakati vanyatsoferefeta, vakaudzwa kuti, &#8220;Gidheoni mwanakomana waJoashi ndiye aita izvi.&#8221;</div><div class="p"> 30Vanhu vomuguta vakati kuna Joashi, &#8220;Budisa mwanakomana wako. Anofanira kufa, nokuti akaputsa aritari dzaBhaari uye akatema danda raAshera parutivi payo.&#8221;</div><div class="p"> 31Asi Joashi akapindura ungano yakanga ine hasha kwazvo yakamukomberedza akati, &#8220;Ko, imi munoda kurwira Bhaari here? Muri kuda kuedza kumuponesa here? Ani naani achamurwira achaurayiwa mangwanani ano! Kana Bhaari ari mwari chaiye, anogona kuzvidzivirira kana mumwe munhu achiputsa aritari yake.&#8221; 32Saka pazuva iroro vakatumidza Gidheoni zita rokuti, &#8220;Jerubhi-Bhaari,&#8221; vachiti, &#8220;Bhaari ngaarwe naye, nokuti akaputsa aritari yaBhaari.&#8221;</div><div class="p"> 33Zvino vaMidhiani, vaAmareki navamwe vanhu vokumabvazuva vakabatana vakayambuka Jorodhani vakandodzika matende avo muMupata weJezireeri. 34Ipapo mweya waJehovha wakauya pamusoro paGidheoni, uye akaridza hwamanda, achidana vaAbhiezeri kuti vamutevere. 35Akatuma nhume munyika yose yaManase, achivakoka kuhondo, uyewo muAsheri, Zebhuruni neNafutari, kuti naivowo vakwidze kundosangana navo.</div><div class="p"> 36Gidheoni akati kuna Mwari, &#8220;Kana muchizoponesa Israeri noruoko rwangu sezvamakavimbisa, 37tarirai, ndichaisa chisumbu chewuru paburiro. Kana dova rikava pachisumbu chewuru chete uye pasi pose pakaoma, ipapo ndichaziva kuti muchaponesa Israeri noruoko rwangu, sezvamakareva.&#8221; 38Uye izvi ndizvo zvakaitika. Gidheoni akamuka mangwanani ezuva rakatevera; akasvina chisumbu chewuru akabudisa dova, akazadza mbiya nemvura.</div><div class="p"> 39Ipapo Gidheoni akati kuna Mwari, &#8220;Musanditsamwira henyu. Regai ndiite hangu chimwezve chikumbiro. Nditenderei ndiedzezve nechisumbu chewuru. Panguva ino itai kuti chisumbu chewuru chiome asi pasi pose pafukidzwe nedova.&#8221; 40Usiku ihwohwo Mwari akaita izvozvo. Wuru yakanga yakaoma; pasi pose pakanga pakafukidzwa nedova.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJDG">
 <div class="chapter ch7" data-usfm="JDG.7.1+JDG.7.2+JDG.7.3+JDG.7.4+JDG.7.5+JDG.7.6+JDG.7.7+JDG.7.8+JDG.7.9+JDG.7.10+JDG.7.11+JDG.7.12+JDG.7.13+JDG.7.14+JDG.7.15+JDG.7.16+JDG.7.17+JDG.7.18+JDG.7.19+JDG.7.20+JDG.7.21+JDG.7.22+JDG.7.23+JDG.7.24+JDG.7.25">
 <div class="p">1Mangwanani-ngwanani, Jerubhi-Bhaari (ndiye Gidheoni) navanhu vose vaiva naye vakadzika matende avo patsime raHarodhi. Musasa wavaMidhiani wakanga uri nechokumusoro kwavo mumupata waiva pedyo nechikomo cheMore. 2Jehovha akati kuna Gidheoni, &#8220;Varume vaunavo vakawandisa kuti ini ndiise vaMidhiani mumaoko avo. Kuti vaIsraeri varege kuzvikudza pamberi pangu vachiti, simba ravo ndiro ravaponesa, 3zivisa vanhu izvozvi kuti, &#8216;Ani naani ari kudedera nokutya ngaadzoke hake abve paGomo reGireadhi.&#8217;&#8198;&#8221; Saka varume vanosvika zviuru makumi maviri nezviviri vakabva, kukasara zviuru gumi.</div><div class="p"> 4Asi Jehovha akati kuna Gidheoni, &#8220;Vanhu vachakangowandisa. Enda navo kumvura, uye ini ndichavasanangurira ikoko. Kana ndikati, &#8216;Uyu achaenda newe,&#8217; ndiye achaenda; asi kana ndikati, &#8216;Uyu haafaniri kuenda newe,&#8217; iyeye haaendi.&#8221;</div><div class="p"> 5Saka Gidheoni akatora varume akaburuka navo kumvura. Jehovha akamuudza ikoko kuti, &#8220;Paradzanisa avo vanonwa mvura vachikapa norurimi rwavo sezvinoita imbwa kubva kuna avo vanonwa vakapfugama.&#8221; 6Zvino uwandu hweavo vakanwa vachikapa, vachiisa maoko kumiromo yavo, hwakasvika mazana matatu. Vamwe vose vakanwa vakapfugama namabvi avo.</div><div class="p"> 7Jehovha akati kuna Gidheoni, &#8220;Namazana matatu avarume vanwa mvura vachikapa ava, ndichakuponesai uye ndichaisa vaMidhiani mumaoko enyu. Vamwe vanhu vose ngavaende zvavo, mumwe nomumwe kunzvimbo yake.&#8221; 8Saka Gidheoni akaendesa vamwe vose vavaIsraeri kumatende avo asi akasara namazana matatu, avo vakazotora mbuva nehwamanda dzavaya vamwe.</div><div class="p">Zvino musasa wavaMidhiani wakanga uri nechezasi mumupata. 9Usiku ihwohwo, Jehovha akati kuna Gidheoni, &#8220;Simuka, buruka uende kumusasa, nokuti ndiri kuzouisa mumaoko ako. 10Asi kana uchitya kuenda, buruka uende kumusasa naPura muranda wako. 11Uchanzwa zvavanotaura. Shure kwaizvozvo uchanzwa kukurudzirwa kuti urwise musasa.&#8221; Saka iye naPura muranda wake vakaburuka vakasvika kuvarindi vokunze kwomusasa. 12VaMidhiani, vaAmareki navamwe vanhu vose vokumabvazuva vakanga vagara mumupata, vakawanda semhashu. Ngamera dzavo dzakanga dzisingaverengeki, dzakawanda sejecha remahombekombe egungwa.</div><div class="p"> 13Gidheoni akasvika mumwe munhu achiri kurondedzera shamwari yake kurota kwake, achiti, &#8220;Ndarota chingwa chakaurungana chichikungurukira mumusasa wavaMidhiani. Charova tende nesimba guru zvokuti tende rakudubuka rikawa.&#8221;</div><div class="p"> 14Shamwari yake yakapindura ikati, &#8220;Hachingavi chimwe chinhu kunze kwomunondo waGidheoni mwanakomana waJoashi, muIsraeri. Mwari aisa vaMidhiani nomusasa wose mumaoko ake.&#8221;</div><div class="p"> 15Gidheoni akati anzwa kurota uku nokududzirwa kwokurota kwacho, akanamata Mwari. Akadzoka kumusasa wavaIsraeri akadanidzira achiti, &#8220;Simukai! Jehovha aisa musasa wavaMidhiani mumaoko enyu.&#8221; 16Akakamura varume mazana matatu akavaisa mumapoka matatu, akaisa hwamanda nezvirongo zvisina chinhu, asi mwenje mukati, mumaoko avo.</div><div class="p"> 17Akati kwavari, &#8220;Mutarise kwandiri uye mutevedzere zvandinoita. Pandinosvika kumucheto kwomusasa, mubve maita sezvandinoita. 18Kana ini navose vandinavo tikaridza hwamanda dzedu, ipapo imi mose makapoteredza musasa muridzewo dzenyu mugodanidzira muchiti, &#8216;Rwirai Jehovha naGidheoni!&#8217;&#8198;&#8221;</div><div class="p"> 19Gidheoni navarume zana vaiva naye vakasvika kumucheto kwomusasa pakutanga kwenguva yapakati pousiku yokurinda, pachangoiswa mumwe murindi. Vakaridza hwamanda dzavo uye vakaputsa zvirongo zvaiva mumaoko avo. 20Mapoka matatu akaridza hwamanda uye akaputsawo zvirongo. Vakabata mwenje mumaoko avo oruboshwe uye vakabata noruoko rworudyi hwamanda dzavaizoridza, vakadanidzira vachiti, &#8220;Munondo waJehovha nowaGidheoni!&#8221; 21Murume mumwe nomumwe akaramba ari panzvimbo yake vakapoteredza musasa, vaMidhiani vose vakamhanya vachiridza mhere, vachitiza.</div><div class="p"> 22Vane mazana matatu pavakaridza hwamanda, Jehovha akaita kuti varume vose mumusasa vapandukirane, vabayane neminondo yavo. Hondo yakatizira kuBheti Shita yakananga kuZerera kusvikira kumuganhu weAbheri Mehora pedyo neTabhati. 23VaIsraeri vakadanwa kubva kuNafutari, Asheri neManase yose, uye vakatevera vaMidhiani. 24Gidheoni akatuma nhume munyika yose yezvikomo yaEfuremu achiti, &#8220;Burukai tindorwa navaMidhiani titore mvura zhinji dzeJorodhani mberi kwavo kusvikira kuBheti Bhara.&#8221;</div><div class="p">Saka varume vose veEfuremu vakadanwa uye vakatora mvura zhinji dzeJorodhani kusvikira kuBheti Bhara. 25Vakatapawo vatungamiri vaviri vavaMidhiani, Orebhi naZeebhi. Vakauraya Orebhi paruware rwaOrebhi, uye Zeebhi vakamuurayira pachisviniro chewaini chaZeebhi. Vakatevera vaMidhiani uye vakauya nemisoro yaOrebhi naZeebhi kuna Gidheoni, akanga ari paJorodhani.</div>
 </div>
 </div>
</div>

The Essential 100® Bible Challenge–6–The JudgesChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Sarudzo dzine huMwari

Kumira naMwari munguva yekuyedzwa nematambudziko

Kukunda Nekurumbidza

Tiri Vamwe Muna Kristu

Munamato waTenzi

Hunhu weuMwari

Iva Mutsvene

Zvibayiro Zvipenyu Kuna Mwari

Tsee: Kuona upenyu nomuono wokusingaperi

Hunhu weuMwari