Zvirevo

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch2" data-usfm="LUK.2.25+LUK.2.26+LUK.2.27+LUK.2.28+LUK.2.29+LUK.2.30+LUK.2.31+LUK.2.32+LUK.2.33+LUK.2.34+LUK.2.35+LUK.2.36+LUK.2.37+LUK.2.38+LUK.2.39+LUK.2.40+LUK.2.41+LUK.2.42+LUK.2.43+LUK.2.44+LUK.2.45+LUK.2.46+LUK.2.47+LUK.2.48+LUK.2.49+LUK.2.50+LUK.2.51+LUK.2.52">
 <div class="p">25Zvino kwakanga kuno murume aiva muJerusarema ainzi Simeoni, akanga akarurama uye aida Mwari. Akanga akamirira kunyaradzwa kwavaIsraeri, uye Mweya Mutsvene waiva pamusoro pake. 26Zvakanga zvaratidzwa naMweya Mutsvene kuti haaizofa asati aona Muzodziwa waShe. 27Akapinda mutemberi achisundwa noMweya Mutsvene. Vabereki vakati vauya nomwana Jesu kuti vazoita kwaari tsika yaidiwa noMurayiro, 28Simeoni akamubata mumaoko ake akarumbidza Mwari achiti:</div><div class="q1"> 29&#8220;Ishe Tenzi, sezvamakavimbisa,</div><div class="q3">zvino chiendesai henyu muranda wenyu norugare.</div><div class="q1"> 30Nokuti meso angu aona ruponeso rwenyu,</div><div class="q2"> 31rwamakagadzirira pamberi pavanhu vose,</div><div class="q1"> 32chiedza chinovhenekera veDzimwe Ndudzi</div><div class="q2">uye nokukudzwa kwavanhu venyu Israeri.&#8221;</div><div class="p"> 33Baba namai vomwana vakashamiswa nezvakataurwa pamusoro pake. 34Ipapo Simeoni akavaropafadza akati kuna Maria, mai vake, &#8220;Mwana uyu achaita kuti kuve nokuwa nokumutswa kwavazhinji muIsraeri, uye achava chiratidzo chicharambwa, 35kuitira kuti ndangariro dzemwoyo mizhinji dzigoratidzwa. Uye munondo uchabayawo mwoyo wako pachako.&#8221;</div><div class="p"> 36Kwaivawo nomuprofitakadzi, Ana, mwanasikana waFanueri, worudzi rwaAsheri. Akanga akwegura kwazvo; akanga ambogara makore manomwe nomurume wake shure kwokuwanikwa kwake, 37ipapo akazova chirikadzi kusvikira ava namakore makumi masere namana. Haana kumbobva mutemberi asi akanamata usiku namasikati, achitsanya nokunyengetera. 38Akasvika pavari panguva iyoyo, akavonga Mwari uye akataura pamusoro pomwana kuna vose vakanga vakamirira kudzikinurwa kweJerusarema.</div><div class="p"> 39Josefa naMaria vakati vaita zvose zvaidikanwa noMurayiro waShe, vakadzokera kuGarirea kuguta ravo reNazareta. 40Uye mwana akakura akasimba; akanga azere nouchenjeri, uye nyasha dzaMwari dzaiva pamusoro pake.</div><div class="s1">Jesu paTemberi</div><div class="p"> 41Gore negore vabereki vake vaienda kuJerusarema kuMutambo wePasika. 42Akati ava namakore gumi namaviri, vakakwidza naye kuMutambo, maererano netsika yavo. 43Mutambo wakati wapera, vabereki vake pavakanga vodzokera kumusha, mukomana Jesu akasara muJerusarema, asi ivo vakanga vasingazvizivi. 44Vakafamba kwezuva rose vachifunga kuti akanga ari pakati pavo. Ipapo vakatanga kumutsvaka pakati pehama neshamwari dzavo. 45Vakati vamushayiwa, vakadzokera kuJerusarema kundomutsvaka. 46Mushure mamazuva matatu vakamuwana ari mutemberi, akagara pakati pavadzidzisi achivateerera uye achivabvunza mibvunzo. 47Mumwe nomumwe akamunzwa akashamiswa nokunzwisisa kwake uye nemhinduro dzake. 48Vabereki vake vakati vamuwana, vakashamiswa kwazvo. Mai vake vakati kwaari, &#8220;Mwana, waitireiko zvakadai kwatiri? Baba vako neni tanga tichikutsvaka kwazvo.&#8221;</div><div class="p"> 49Iye akati, &#8220;Manga muchinditsvakireiko? Manga musingazivi here kuti ndaifanira kunge ndiri mumba mababa vangu?&#8221; 50Asi havana kunzwisisa zvaaireva kwavari.</div><div class="p"> 51Ipapo akaburuka navo kuNazareta uye akavateerera. Asi mai vake vakachengeta zvinhu zvose izvi mumwoyo mavo. 52Uye Jesu akakura muuchenjeri nomumhu, achidiwa naMwari uye navanhu.</div>
 </div>
 </div>
</div>

Verenga Kuburikidza neTestament ItsvaChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Zvirevo