Mapisarema 22:22-31
Mapisarema 22:22-31 Bhaibheri Dzvene MuChiShona Chanhasi (BDSC)
Ndichaparidza zita renyu kuhama dzangu; ndichakurumbidzai paungano. Imi munotya Jehovha, murumbidzei! Imi mose zvizvarwa zvaJakobho, mukudzei! Mutyei, imi mose zvizvarwa zvaIsraeri! Nokuti haana kuzvidza kana kusema chibayiro chaiye akatambudzwa; haana kumuvanzira chiso chake, asi akanzwa kuchemera kwake rubatsiro. Kwamuri ndiko kunobva dingindira rerumbidzo yangu paungano huru; ndichazadzisa mhiko dzangu pamberi pavanokutyai. Varombo vachadya uye vagoguta; vanotsvaka Jehovha vachamurumbidza, mwoyo yenyu ngairarame nokusingaperi! Migumo yose yenyika icharangarira igodzokera kuna Jehovha, uye mhuri dzendudzi dzose dzichapfugama pamberi pake, nokuti ushe ndohwaJehovha uye anotonga pamusoro pendudzi. Vapfumi vose venyika vachadya uye vachamunamata; vose vanoburukira muguruva vachapfugama pamberi pake, navose vasingagoni kuzviraramisa. Vana vake vachamushumira; zvizvarwa zvinotevera zvichaudzwa nezvaIshe. Vachaparidza kururama kwake kuvanhu vasati vaberekwa, nokuti akazviita.
Mapisarema 22:22-31 Shona Bible 1949, revised 2002 (SNA2002)
Ndichadudzira zita renyu kuhama dzangu; Ndichakurumbidzai pakati peungano. Imi munotya Jehovha, murumbidzei; Imi mose vana vaJakobho, mukudzei; Mumutyei, imi mose vana vaIsiraeri. Nokuti haana kuzvidza kana kusema dambudziko raanotambudzwa; Kana kumuvanzira chiso chake; Asi panguva yaakachema kwaari akamunzwa. Kurumbidza kwangu paungano huru kunobva kwamuri; Ndicharipa mhiko dzangu pamberi pavanomutya. Vanyoro vachadya vakaguta; Vanotsvaka Jehovha ndivo vachamurumbidza; Mwoyo yenyu ngairarame nokusingaperi. Migumo yose yenyika icharangarira nokudzokera kuna Jehovha; Marudzi ose avahedheni achanamata kwamuri. Nokuti ushe ndohwaJehovha; Ndiye mubati wavahedheni. Vakuru vose venyika vachadya nokunamata; Vose vanoburukira kuguruva vachapfugama pamberi pake, Naiye asingagoni kuraramisa mweya wake. Vana vake vachanamata kwaari; Rudzi runotevera ruchaudzwa zvaJehovha. Vachauya vachidudzira kururama kwake Kuvanhu vachazozvarwa, kuti ndiye wakazviita.
Mapisarema 22:22-31 Bhaibhiri Idzva rechiShona rine Dhuterokanonika (SCLBD)
Iniwo ndichaparidza zita renyu kuhama dzangu, mukati mesangano ndichakurumbidzai. “Imi munotya TENZI murumbidzei, imi mose vana vokwaJakobho, murumbidzei. Mudederei imi vana vokwaIsiraeri nokuti haana kuzvidza kana kusema nhamo yavatamburi. Haana kuvanza uso hwake kwaari asi akamunzwa paakachema kwaari.” Zvokuti ndikurumbidzei mugungano guru, zvinotobva kwamuri, zvandakatsidza ndichazviita ndiri muvanhu vanokutyai. Varombo vachadya vakaguta vanomutsvaka vacharumbidza TENZI, dai mukangorarama nokusingaperi. Nyika dzapasi pano dzicharangarira dzigodzokera kuna TENZI mhuri dzose dzamarudzi avanhu dzigwadame pamberi penyu nokuti umambo ndohwaTENZI uye anotonga pamusoro pevechirudzi. Vose vanozvikudza vapanyika vachamugwadamira vose avo vachapinda muguva navose vasingagoni kuzviraramisa vachatozomupfugamira chete. Zvizvarwa zvichauya zvichamushumira zvizvarwa zvinotevera zvichataurirwa nezvaTENZI zvichauyawo zvigoparidza ururami hwake kuvanhu vachatozozvarwa kuti, “TENZI akazviita.”
Mapisarema 22:22-31 Baiberi Magwaro Matȿene aMŋari 1949 (Doke) (SUB1949)
Ndicaɗudzira zita renyu kuhama dzaŋgu; Ndicakurumbidzai pakati peʋuŋgano. Imi munotya Jehova, murumbidzei; Imi mose ʋana ʋaJakobo, mukudzei; Mumutyei, imi mose ʋana ʋaIsraeri. Nokuti haana‐kuɀidza kana kusema ɗambudziko rounotambudzwa; Kana kumuʋanzira ciso cake; Asi paŋguʋa yaakacema kwaari wakamunzwa. Kurumbidza kwaŋgu paʋuŋgano huru kunobva kwamuri; Ndicaripa mhiko dzaŋgu pamberi paʋanomutya. Ʋanyoro ʋacadya ʋakaguta; Ʋanotȿaka Jehova ndiʋo ʋacamurumbidza; Mŋoyo yenyu ŋgairarame nokusiŋgaperi. Migumo yose yenyika icaraŋgarira nokudzokera kunaJehova; Marudzi ose aʋahedeni acanamata kwamuri. Nokuti ʋushe ndobgaJehova; Ndiye muɓati waʋahedeni. Ʋakuru ʋose ʋenyika ʋacadya nokunamata; Ʋose ʋanoɓurukira kuguruʋa ʋacafugama pamberi pake, Naiye usiŋgagoni kuraramisa mŋeya wake. Ʋana ʋake ʋacanamata kwaari; Rudzi runoteʋera rucaʋudzwa ɀaJehova. Ʋacaʋuya ʋaciɗudzira kururama kwake Kuʋanhu ʋacazoɀarwa, kuti ndiye wakaɀiita.
Mapisarema 22:22-31 Bhaibhiri Idzva rechiShona (SCLB)
Iniwo ndichaparidza zita renyu kuhama dzangu, mukati mesangano ndichakurumbidzai. “Imi munotya TENZI murumbidzei, imi mose vana vokwaJakobho, murumbidzei. Mudederei imi vana vokwaIsiraeri nokuti haana kuzvidza kana kusema nhamo yavatamburi. Haana kuvanza uso hwake kwaari asi akamunzwa paakachema kwaari.” Zvokuti ndikurumbidzei mugungano guru, zvinotobva kwamuri, zvandakatsidza ndichazviita ndiri muvanhu vanokutyai. Varombo vachadya vakaguta vanomutsvaka vacharumbidza TENZI, dai mukangorarama nokusingaperi. Nyika dzapasi pano dzicharangarira dzigodzokera kuna TENZI mhuri dzose dzamarudzi avanhu dzigwadame pamberi penyu nokuti umambo ndohwaTENZI uye anotonga pamusoro pevechirudzi. Vose vanozvikudza vapanyika vachamugwadamira vose avo vachapinda muguva navose vasingagoni kuzviraramisa vachatozomupfugamira chete. Zvizvarwa zvichauya zvichamushumira zvizvarwa zvinotevera zvichataurirwa nezvaTENZI zvichauyawo zvigoparidza ururami hwake kuvanhu vachatozozvarwa kuti, “TENZI akazviita.”