Matthew 3
3
1A pats nasa, Jean Baptiste a mshkè, a n'nju ma Zhiklè t'hèshèkèƋ Judée, 2a ngaƋa:
Vangwode ndav kinè, aman kokwar-Bi-Zhiklè a zhè ndul ndul.
3Nasa Jean, man Esaie, ndo nhadka ma, a goƋ a géƋè'a:
NgèƋè ndo ngiƋè man a bèhè t'hèshèkèƋ: Vatila civèƋ Bi Zhiklè, vaga civèƋ nenga'a sara'a!
4Maslaka Jean, ta tsu a gwots zlugumai, a m'mana na gèƋ a hi a hutèƋ. A n'nda dzarai a vongwom. 5Kokwar Jérusalem, a kokwar Judée, a kokwarhi tèlèba a sam woyam Jourdain, to do a sam na. 6A Jean a n'nga ta baptême te woyam Jourdain, a ta ngreda mali ta auda. 7Aman a rka ndohi pharisie a ndohi sadducée ta shkè a sam baptême kumba, a ngaƋa ta:
Kinè wud tsebarhai, n'ngreda kinè wa, aman kin slaha kin hi kinè a ndzoan Zhiklè man a di a shkè? 8Vangreda auda zura'a, ara man kin ngwode ndav kinè! 9Kin hur ɓai, a kin gaƋa, Abraham bab nga! Aman i gaƋa kinè: Zhiklè a slaha a nyoko na wuda a Abraham te kwahi haha. 10Antanta dzana te verzi wof, a wof staƌ staƌ tèlèba man a yi wuda zura'a azɓai, ta ngélè'a, a ta kalda a vogwa.
11Iyè i ga kinè baptême te iyam, te man kin ngwoda ndav kinè. Aman ndo ngiƋè a di a shkè te deɓ ga, man a fena wuƌi ga, i gi huyokoko'a, i slaha a i gshè kotokoroh nenga'a a ri ɓai. Nenga'a a da ga kinè baptême te Mèzhèɓ Zhiklè nkezla'a, a vogwa. 12Kokwi te ri nenga'a. A nenga'a a da pèvè dau a hedak tèlèba. Dau nenga'a a da ɓicè a wov, aman topok dau a fa na vogwa man a mbècè asaɓai.
13Te deɓa'a Yèsu a mshkè te kokwar Galilée a ma woyam Jourdain, a sam Jean, aman Jean a ga na baptême. 14Aman Jean a m'mende va na a deɓa, a ngaƌa:
Sèi ka gay baptême ar ka! Anai ka, ka shkè a sam ga Ƌè?
15Aman Yèsu a m'mbeƋa na a ma:
Sèi ka gi ar haha; na haha ambaba nga, aman nga ndeva ngizura'a tèlèba.
A Jean a nco. 16Aman Jean a n'nga na baptême a Yèsu ma, a Yèsu a mshkè auda te iyam, na haha giƋfèk a mwin na, a nrka Mèzhèɓ Zhiklè man a shkèhai a gèƋ na, ara nkuƋhom. 17Na haha ta tsena ngèƌè te zhiklè te géƌè'a, man a gaƌa:
Nenga kra ga man i woya'a a ndav ga. Ndav ga a wuffè kumba a géƋ nenga'a.
Zvasarudzwa nguva ino
Matthew 3: MAFNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Mofa New Testament © The Bible Society of Cameroun, 1989