यूहन्ना 15
15
यीशु मा सदनि बणयूं रौण
1तब यीशु न चेलों खुणि एक उदारण देके बोलि, “अंगूरों की सच्चि बेल मि ही छौं, अर मेरु पिता माली च। 2अर ज्वा फौंकि मि मा च अर अगर वीं पर फल नि लगदिन त वींतैं उ काटी देन्दु, अर ज्वा फळदि च वींतैं उ छाँटदु च, ताकि वे पर और भि जादा फल लगा। 3अर जु-जु वचन मिन तुम मा बुलिनी, ऊंकी वजै से तुम शुद्ध ह्वे ग्यां। 4तुम मि मा बणयां रा अर मि तुम मा रौलु। अर जन फौंकि बेल पर नि राली, त वा खुद से फल नि ला सकदी, ठिक उन्नि तुम भि मि मा नि बणयां रैल्या त फल नि लै सकद्यां।
5“मि अंगूरों की बेल छौं, अर तुम फौंकि छाँ। अर जु मि मा बणयां रौनदिन अर जौं मा मि बणयूं रौन्दु उई जादा फल लनदिन, किलैकि मि बटि अलग ह्वेके तुम कुछ भि नि कैरी सकद्यां। 6अर जु कुई मि मा बणयूं नि रालु, त वेतैं फौंकि की तरौं काटी के फुंन ढुळै जालु। तब उ सूखि जान्दु, अर लोग वेतैं बटोळि के आग मा डालि देन्दिन अर ऊ फुके जनदिन। 7अगर जु तुम मि मा बणयां रैल्या, अर मेरु वचन तुम मा बणयूं रालु, तब जु कुछ भि तुमतै चयेणु होलु, वेतैं मांगा अर वु सब कुछ तुमतै मिली जालु। 8अर अगर जु तुम मा बिजांम फल लगदिन, त यां से मेरा पिता को भौत आदर-सम्मान होलु। तब तुम साबित कैरी दिल्या की तुम मेरा चेला छाँ।
9“अर जन पिता मि बटि प्यार करदु, उन्नि मिन तुम बटि प्यार कैरी। अर तुम मेरा प्यार मा बणयां रा। 10अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या। 11अर यू बात मिन तुमकु इलै बुलिनी, कि मेरु आनन्द तुम मा बणयूं रौ अर तुम वे आनन्द मा भरपूर ह्वे जा। 12अर मेरी आज्ञा या च, कि जन मिन तुम बटि प्यार कैरी, ठिक उन्नि तुम भि एक-दुसरा बटि प्यार कैरा। 13अर कुई अपणा दगड़्यों का खातिर अपणी जान दे द्यो, येसे महान प्यार कुई नि कैरी सकदु।
14“अर अगर जु तुम मेरी आज्ञाओं का मुताबिक चलिल्या, त तुम मेरा दगड़्या छाँ। 15अर अब से मि तुमकु नौकर नि बोललु किलैकि नौकर नि जणदु कि वेको मालिक क्या-क्या करदु, पर मिन त तुमकु दगड़्या बोलि किलैकि जु कुछ मिन अपणा पिता बटि सुणी, उ सब कुछ मिन तुमतै बतैयालि। 16अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्यालु। 17अर यू सब आज्ञा मि तुमतै इलै देणु छौं, कि तुम एक-दुसरा से प्यार कैरा।”
यीशु का चेलों पर औण वळु संकट
18यीशु न फिर से चेलों कू बोलि, “अगर दुनियां का लोग तुम से नफरत करदिन, त तुम ईं बात तैं याद कर्यां कि ऊं लोगु न तुम से पैलि मिसे भि नफरत कैरी। 19अर अगर जु तुम दुनियां का लोगु का जन होन्दा, त दुनियां का लोग तुमतै अपणु जाणि के तुम से प्यार करदा, पर तुम त दुनियां का लोगु का जन नि छाँ। किलैकि मिन तुमतै दुनियां मा बटि चुण्यालि, इलै दुनियां का लोग तुम से नफरत करदिन।
20“इलै मिन जु तुम बटि बोलि, वेतैं याद रखा कि, #यूहन्ना 13:16‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्नि अगर ऊंन मेरी बात माणी त वु तुमरि बात भि मणला। 21अर यू सब वु मेरा बानो तुमरा दगड़ा मा करला, किलैकि जै परमेस्वर न मितैं भेजि च, वेतैं वु लोग नि जणदिन।
22“अर अगर जु मि नि औन्दु अर परमेस्वर की बातों तैं ऊंतैं नि बतौन्दु त वु दोषी नि ठैरदा, पर अब जब ऊंन सुण्यालि त दोषी ठैरणो को ऊंमा कुई बहाना नि च। 23अर जु कुई मि बटि नफरत करदु, उ मेरा पिता बटि भि नफरत करदु।
24“अगर जु मि ऊंका बीच मा ऊं कामों तैं नि करदु, जु मिसे पैलि कैन भि नि करिनी त वु दोषी नि ठैरदा, पर अब त ऊंन मितैं अर मेरा पिता तैं देखियाली अर हम दुईयों से नफरत कैरी। 25पर यू त इलै ह्वे, ताकि पवित्रशास्त्र मा जन लिख्यूं च उ पूरु ह्वे जौ। अर बात इन च कि,
#
भजन 35:19; भजन 69:4 “‘ऊंन बेकार मा मिसे नफरत कैरी।’
26पर उ मददगार पिता मा बटि निकळदु अर वु सच्चै को आत्मा च, अर जैतैं मि पिता की तरफा बटि तुमरा पास भेजलु, जब उ आलु त उ मेरी गवै द्यालु। 27अर तुम भि मेरी गवै दिल्या, किलैकि तुम शुरु बटि ही मेरा दगड़ा मा छाँ।”
Zvasarudzwa nguva ino
यूहन्ना 15: GBM
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active) Wycliffe Bible Translators, Inc. All rights reserved.