लुका कितापक परिचय
कितापक परिचय
इसे लुकाइ लेख्ल खुसिक समचारयँ येसुक बारेयँ बाताल बाटइ: येसु इस्राएलिक लघि अइताहात् कइकुन बाचा कर्ल, सभइ मानुस जातके बाचालार हखत। ओनेनेइ दुख पाउलारसब्के र गरिब मानुसके खुसिको समचार प्रचार करुस् कइकुन प्रभुक आत्मासे सन्सारयँ पाठाइकेभइल हखइ। इसे कितापयँ सभइ किसिमक खाँचयँ पोर्ल मानुसक वास्ता करिकुन लेख्ल बाटइ। इछिका छर्लङ्गइ खुसिक समचारक कुरा पाउताहिँ, खास करिकुन इक्र आघुक पानायँ येसु आइकेभइल कुरा हसे पाछुपटिक पानायँ ओनेनेइ फेरि सोर्गयँ फर्किकुन जाइकेभइल कुरा बाताल बाटइ। ओनेनेइ सोर्ग जाइकेभइल पाछु ख्रिस्टियन बिस्वास बहड्ल र फइलिल घटना लुकाइ “प्रेरितक काम” कलाहार कितापयँ लेख्ल बाटइ।
दोस्रा र छइटउ भागसब इहइ खुसिक समाचारयँ मत्रइ बाटइ, जस्नइ: सोर्गदुतसबेइ गिदाल प्रसम्साक गित, येसु जर्मिकेभइल बेलायँ चरुहाँसबेइ उनेहेनके चाँइके अइल, येसु नान्हि भइल बेलाके मन्दिरयँ जाइकेभइल, राम्र सामरि र हेराल छाहोक काथा। इसे कितापभरि नइ यस्न बिसयके जोड देल बाटइ: पार्थाना, पबित्र आत्मा, येसुक सेवा-सत्कारयँ बेटिसब्क भार र परमेसोरकमाटे मानुसक पापक छेमा।
छोटो बिसय-सुचि
परिचय १:१-४
बप्तिस्मा देलाहार युहन्ना र येसुक जन्म र केट-केटि बेला १:५—२:५२
बप्तिस्मा देलाहार युहन्नाइ कर्ल काम ३:१-२०
येसुक बप्तिस्मा र जाँच ३:२१—४:१३
गालिलयँ येसुइ करिकेभइल काम ४:१४—९:५०
गालिलसे यरुसलेमसमन ९:५१—१९:२७
यरुसलेमयँ अन्तिम हप्ता १९:२८—२३:५६
येसु मोर्लकमाटे जिइकुन उठिकेभइल र सोर्गयँ जाइकेभइल २४:१-५३
Zvasarudzwa nguva ino
लुका कितापक परिचय: DRY
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024 (Active), Mother Tongue Translators Society and Wycliffe Bible Translators, Inc. All rights reserved.