Nuk Ɛjɨmannab ntɔrɔ
Ɛjɨmannab ntɔrɔ
Nuk, yɔ ajɛnɛ ka Pɔn yɔ ajɔnɔ Ɛsɔgba Jisɛs ayɛnɛ ntɔrɔ nnyi. Yɛ Pɔn arag si “Ntɛm ɛwɨŋa Nuk ji Nyaanɛ” (Colossians 4:14). Nuk ajɛnɛ ka Pɔn ka abembem afom atɔ anɛ ɛtiŋi ntɔrɔ atub Jisɛs Kɨras. Ájɔnɔ ka Pɔn tɛtɛ nden yi akɨgha Pɔn ka mgbakɔbɔ ka Rom (2 Timoti 4:11).
Nuk atɨma ayɛnɛ Ntɔrɔ atub Nsɔn yi Asɔgba Jisɛs ane. Ayɛnɛ ntɔrɔ nyi ɛbaa akɛ nnɛ yɔ abiŋi si Tiofinus, ntakpa nnɛa nɛtom ka Rom. Ɛjɔnga si Tiofinus ayɔghɔ yɔg atiŋa nsɔn yintiŋi atub Jisɛs Kɨras, Nuk afɨna ayɛnɛ na kasɔŋ yɛ agbɛrɛ si nsɔn nyi ɛrere ka ɛdidɨghɛ. Ɛruna ka Nuk ayɛnɛ ka ɛtiŋitiŋi ɛsika awɛnɛ Jisɛs, nekpen ɛnɛ, nsɔn yi ane, neku ɛnɛ ka afɛnɛ abá, ɛsika kpakpa nsɔn nnyi ɛru.
Ka yi Nuk arɛ jɔn nnɛa Jus, ara tɔrɔ ka ɛtiŋitiŋi nɛwɛmɛ ba Jus ɛsika ɛjibi anɛ ba arɛ tɨma ajɔn ba Jus.
Nsɔn yi Nuk ayɛnɛ atub
Nuk ayɛnɛ ntɔrɔ ɛyɛ si anem anɛ agbɛrɛ si Jisɛs áre Ninagha akɛ anɛ kpakpa. Ɛtiŋi ntɔrɔ atub Jisɛs Kɨras áre akɛ anɛ kpakpa ka ɛyiŋ. Nuk atɨma yɛnɛ atub:
Nɛyɔ Jisɛs ni ɛtɨŋɔ si yɛ yɔ áre Nton, ajɔn Ninagha, ka Nɛnagha ni Ɛsɔwɔ araghasi atoó.
Nɛfɛb Ɛsɔwɔ
Ɛkɨgha Njɔm
Ɛkɨgha akpak nyam netem ka nɛyama afaŋ anɛ
Ɛsika Ɛsɔwɔ atɨma asighi war ka ɛsika war ɛtimɛ ɛsig anɛ,
Ɛsika abakaa atɔ́ŋɔ ka anagha Jisɛs
Ɛsika ajɛnɛ ayɛnɛ ntɔrɔa Nuk
Nuk 1: 1-80 Nsɔn Ateb Ɛsɔwɔ arag atub nɛwɛnɛ ni awɛnɛ Jɔn ji Nwura anab ka Jisɛs
Nuk 2:1-52 Ɛsika awɛnɛ Jisɛs ka nɛbeŋe ɛnɛ
Nuk 3:1-4:13 Ɛsika Ɛsɔwɔ atóŋo mbaa netom Jisɛs
Nuk 3:122 Jɔn awura anɛ ka Jisɛs anab
Nuk 3:23-37 Abiŋa ba nsɛ Jisɛs
Nuk 4:1-13 Ɛsika Sɔtan agara Jisɛs ka ɛmɛɛ
Nuk 4:14-9:50 Jisɛs ajibi nnɔbɔ ɛteb ɛbɛ afɨna nem nsɔn yi nɛgam ka Ganini
Nuk 9:51-19:28 Jisɛs aru ka Ganini amu ka Jɛrusanɛm, atebe ɛteb ɛbɛ ka ane nsɔnɔ nɛgam ka mfom mfom bi amú.
Nuk 19:29-23:56 Ngana nsɔn yi ɛru ka Jɛrusanɛm: Akpe bɛnam ɛbɛ ka ákoɛ ka ɛte. Jisɛs anyimi ka ɛnam akru ka bɛsɔ
Nuk 24:1-53.
Zvasarudzwa nguva ino
Nuk Ɛjɨmannab ntɔrɔ: NDD-011
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
©️2024 Luke Initiative for Scripture Translation