प्रेरीत् 5
5
1फेरी अरु नीस् पय्क्चाः हननाया सफीरा त तोओनीस्इ यात्ज्योः राङ् वीनःआकाचु। 2वीनःआक्तीको हननाया त तोओइ ओउः राङ्कोः मोल् पैसा वेःती आधाखे लयःकायः गम्ती आधाखे येसुकोः छ्युङ्ह्ओमयःकायः ल्हालाङ् वानःती “लौ इपाय् ङाकोः वीनःओ राङ्कोः मोल् पैसा इच्युक् लेःआः बा” त दाय्ह्ती माःती बयःआकान्। एत माःती जाङ्ह्ओ ओउःकोः बुधीइमा चीःआकान्। 3ओहाङःसैको ओउः पैसा पत्रुस्कायः ल्हाती माःती बयःतोक्हाङः “अ हननायाय दोह् हायःतीतेः इ सैतान्इ ल्हुङ् धुय्ती होम्ती नोःओ कुरा सायःती नाङ्इ परमेस्वर्कोः ग्वालामःकायः माःती तोती एतलेः मोल् पैसा तात्ती बयःतेःआकान्। 4ओउः राङ्पाय् नाङ्कोःलेः खेःजेःतो बा ओउःत झ्यान्ते वीनःआक्तीको नाङ्इ माःती तोमाःत ‘लौ ङाकोः राङ्कोः मोल् पैसा वेःती लयः झाक्जम्कोः वानःआलाङः’ त तोतेःचौ खेःतो। दोह् हायःतीतेः एत रेव्ओ काम्पाय् ल्हुङ्हाङः म्हर्तेःतो नाङ्इ परमेस्वर्खेकायः माःती तोतेःआकान् रैस ङी मान्ताखेकायः खेःल” त पत्रुस्इ जान्ती तोआथै। 5ओहाङःसैको एत जान्ओ कुरा सायःओ कुस्ब्रक्त हननायापाय् कोन्ह्ती सीआ। सीआक्तीको सबै इ कुरा सायःओ मान्तालम् आन रैआकाय्। 6ओहाङःसैको हननायाकुस् मुओ लाव्मयःलम् चीङ्ती ओउः सीओकायः नाय्हाङः पोतोलःती बाहीरताङ् लात्ती क्लाःआक्तीको ओउःकायः पाम्ह्आथै।
7ओहाङःसैको तीन् घन्ता स्याव्आक्तीको हननायाकोः बुधीपाय् लयःकोः बुधा सीआ त चीःमाःत झ्यान्ते ओउः कीम्ताङ् पोक्आ। 8पोक्आक्तीको हननायाकोः बुधीकायः “लौ नीङ्जीइ वीनःओ राङ्कोः मोल् पैसा इच्युक्लेः खेःतोया खेःलया” त दाय्ह्ती पत्रुस्इ व्हत्थातो “माः ओउःच्युक् लेःआः” त दाय्ह्ती ओउः मोमःचोः माःती त्याङ्आ। 9-10“लौ नीङ्जी नीस् पय्क्चाःपाय् ब्राङ्तीलेः परमेस्वर्कोः ग्वालामःकायः ‘माःती तोचु’ त होम्काय्तेःआकाज बा। लौ इत सायःउ दा। नाङ्कोः बुधाकायः पाम्ह्ओलम् द्यान्ह्ती द्याह् दय्ह्लौहाङः दाह्आकाय्। नाङ्कायःमा देङे लात्तीलेः आलःतेःनाः बा” त दाय्ह्ती पत्रुस् दाय्ह्ओ कुस्ब्रक्त ओउः मोमःचोःमा पत्रुस्कोः दोम् द्याङ्तोलेः कोन्ह्ती सीआ। ओहाङःसैको ओउः लाव्मयःलम् फेरी पोक्ती ओउः मोमःचोःपाय् “सीओ लेःआः” त च्यवःती ओउःकायः बाहीरताङ् लात्ती ओउःकोः ङ्हा सीओ बुधाकोः चीनःसै पाम्ह्आथै। 11ओउः नीस् पय्क्चाः सीती पाम्ह्आक्तीको सबै येसुकायः ङ्हाम्ओमयःमा इ कुरा सायःओलम्मा आन रैआकाय्।
12ओहाङःसैको सहर्कोः मान्तालम्कःहाङः येसुकोः छ्युङ्ह्ओमयः आन ग्याङ्ह्राय् जाङ्ह्आकानी। दीन्का दीन् येसुकायः ङ्हाम्ओमयः छ्युह्ती मन्दीर् भीत्रकोः सुलेमान् त तोओकोः आङ्गन्हाङः हुम्ती पोक्झुङ्आकाय्। 13अरु मान्तालम् बल रैती झ्यान्ते ओउःमयःकुस् हुम्ती मुसा ग्यामालो खेःतो। अरुलम् बल रैती मुइतो ओउःमयःइ येसुकायः ङ्हाम्ओमयःकायः सबै पेतोलेः नोःआकाय्। 14दीन्का दीन् न्हाङ्तोलेः नाःतो मान्तालम्इ गोय्चोःलम्इमा मोमःचोःलम्इमा येसुकोः कुरा ङ्हाम्आकानी। 15ओहाङःसै “येसुकोः छ्युङ्ह्ओमयः ग्याङ्ह्राय् जाङ्ह्नानी” त चीःती जीक्ओ जीक्ओलम् लात्ती वानःती पत्रुस् वाह्ओ ल्याम्हाङः लावः न्हाप्ती खात्गन इस्ती “लौ इ जीक्ओलम्कःहाङः पत्रुस्कोः क्वालाङः खेःपाःथास ओहाङःसै इमयः स्याक्पै” त म्हर्ती ओउः जीक्ओलम् ल्याम्हाङः ल्हाती गम्आथास। 16यरुसालेम् सहर्सैमा इःताङ् उःताङ्कोः गाव्लम्सैमा अरु अरुलम्इ जीक्ओ मान्तालम्मा लान्इ ङायःओ मान्तालम्मा लात्ती आन वानःआकानी। वानःआक्तीको सबैलेः स्याक्ताक्ओ खेःतो।
17ओहाङःसैको इ कुरा सायःआक्तीको ओउः प्रधान् पुरोहीत्मा ओउःकुस् वाह्ओ सादुकीमयः त तोओ मान्तालम्मा ल्हुङ् मल्ह्तो चोरःतो स्याव्आकाय्। 18ल्हुङ् मल्ह्तो स्याव्आक्तीको ओउःमयःइ येसुकोः छ्युङ्ह्ओमयःकायः चुम्ती पानःती झ्याल्खानहाङः काती राक्आथास। 19झ्याल्खानहाङः राक्थासतो याह्दीङ्हाङः यात्ज्योः परमेस्वर्इ ल्होक्ओमयः दाह्ती वाङ्ती ओउः झ्याल्खान कीम्कोः ब्लाङ्ह् फोल्आथास। फोल्आक्तीको ओउः लाङ्कासै ल्होक्ओमयःइ ओउः छ्युङ्ह्ओमयःकायः बाहीरताङ् क्लाःआथास। 20बाहीरताङ् क्लाःआक्तीको “लौ मन्दीर्ताङ् आल्न। ओहाङः चीङ्ती मन्दीर्हाङः मुओ मान्तालम्कायः सबै येसुकोः रौ जीङःकोः कुरा तोनु दा” त दाय्ह्ती ओउः ल्होक्ओमयःइ तोआथास। 21एत तोओ कुरा सायःआक्तीको येसुकोः छ्युङ्ह्ओमयः प्रीमाहाङः मन्दीर्ताङ् पोक्लाङ् आल्ती येसुकोः कुरा स्यान्ती तोआकानी। ओहाङःसैको ओउः छ्युङ्ह्ओमयःइ स्यान्तोक् बेलाहाङः ओउः प्रधान् पुरोहीत्इमा ओउःकुस् वाह्ओलम्इमा इस्राएल्कोः ताङ्ह्ओ मान्तालम्कायः सबै गोत्ती वानःती सभाहाङः नोःसाकायः हुम्ह्आकानी। ओउःमयः हुम्ती वाङ्आक्तीको “लौ योह्कोः झ्याल्खानहाङः काती राक्ती गम्ओलम् द्याह् इहाङः वानःन” त दाय्ह्ती ओउः छ्युङ्ह्ओमयःकायः लेःलाङ् वानःसाकायः यात्नीस् आफीसर्लम् ल्होक्नीतो ती 22झ्याल्खानहाङः दाह्इतो ती ओउः छ्युङ्ह्ओमयःपाय् सुमा मुइली। ओउः छ्युङ्ह्ओमयः मुमाःत झ्यान्ते ओउः आफीसर्लम् द्यान्ह्ती सभाताङ् इ कुरा ल्हाक्लाङ् वाङ्आक्तीको 23“लौ ओउः झ्याल्खानपाय् पेतो राक्ती मुओमा च्यवःङुसुतो दय्ह्लौहाङः सीपाहीलम्इ पेतो ल्युङ्ह्ती मुओमा च्यवःङुसुतो झ्याल्खानकोः ब्लाङ्ह् फोल्ती योतोक्हाङः भीत्र सुमा च्यवःङुसुलु” त दाय्ह्ती हुम्ओ मान्तालम्कायः ओउः ल्होक्ओ आफीसर्लम्इ ल्हाक्ती छ्यानःआथास। 24एत ल्हाक्ती छ्यानःओ कुरा सायःआक्तीको ओउः मन्दीर्कोः ताङ्ह्ओ मान्तालम्मा पुरोहीत्लम्मा “द्याह् दोह् स्याव्नाः आने” तताङः दाय्ह्ती आन ग्याङ्ह्ती नोःकाय्ती मुआकाय्। 25ओउःमयः ग्याङ्ह्ती नोःकाय्ती मुतोक्हाङः यात्चाक् अरु मान्ता वाङ्ती “लौ नीङ्इ योह् झ्याल्खानहाङः राक्ती गम्ओ मान्तालम्पाय् द्याह् मन्दीर्हाङः चीङ्ती सबै मान्तालम्कायः स्यान्तीलेः मुनै” त दाय्ह्ती सभाकोः मान्तालम्कायः ल्हाक्ती छ्यानःआथास। 26ओउःत छ्यानःओ कुरा सायःआक्तीको ओउः मन्दीर्कोः ताङ्ह्ओ मान्ता अरु आफीसर्लम्कुस् आल्ती येसुकोः छ्युङ्ह्ओमयःकायः फेरी वानःआथास। वानःतोक् बेलाहाङः ओउः नाःतो हुम्ती सायःओ मान्तालम्कः रैती ओउः आफीसर्लम् “ओउःमयःइ ङीकायः बाङ् आप्चाःतय्ही” त दाय्ह्ती ओउः छ्युङ्ह्ओमयःकायः पानःमामाःत घान्मामाःत वानःआकानी।
27चुम्ती वानःआक्तीको सभाहाङः मुओ मान्तालम्कःताङ् ओउःकोः कुरा सायःलाङ् दाक्आथास। 28दाक्आक्तीको “लौ नीङ्कायःपाय् ‘इ येसुकोः कुरा गलमा तोलाम्’ त दाय्ह्ती ङीइ गानाक्ती तोनेःनाङ्सतो नीङ्इजा यरुसालेम्कोः मान्तालम् सबैकायः छालःती छ्यानःतेःआकानी रैस ‘लौ ओउः ताङ्ह्ओ पुरोहीत्लम्इ येसुकायः सात्ताक्आकानी’ त दाय्ह्तीतेः ङीकायः गाल् बयःती तोतेःनानी बा” त दाय्ह्ती ओउः ताङ्ह्ओ पुरोहीत्लम्इ येसुकोः छ्युङ्ह्ओमयःकायः जान्ती तोथासतो 29“खेःल मान्तालम्इ बयःओ हुकुम्सै परमेस्वर्इ गानाक्ती तोओ सायःसा खेःतो बा। 30नीङ्लम्खेइ येसुकायः क्ल्याय्ओ सीङःहाङः योकोःती सात्ताक्तेःनीतो ङीकोः लयःकोः आय्कानः तोकानःइ झाह्ओ परमेस्वर्खेइलेः येसुकायः उह्ती च्योक्ताक्आथै। 31च्योक्ताक्आक्तीको ओउःकायः लयःकोः ङोय्दोहाङः च्युङःताक्ती सबै स्यालःसाकायःमा दल्ताक्साकायःमा ओउः येसुलेः जाङ्ह्ती गम्आकान्। ओउःत झ्यान्ते इस्राएल्कोः मान्तालम् लयःकोः रेव्ओ काम्लम् फेती परमेस्वर्कोः कुराकः ल्हुङ् द्यान्ह्ती ग्याती ओउःमयःकोः रेव्झ्याङ्कोः क्युम्ह्सा दोःनै। 32इ येसु च्योक्ताक्ओ च्यवःओलम् ङीलेः मुनाङी परमेस्वर्कोः ग्वालामःमा मुनाः। ओउःकोः ग्वालामःपाय् ओउःकोः कुरा ङ्हाम्ती सायःओ मान्तालम्कायः परमेस्वर्इ बयःनौ” त दाय्ह्ती पत्रुस्मा ओउःकुस् मुओ छ्युङ्ह्ओमयःमा त्याङ्आकाय्।
33-34एत सायःआक्तीको ओउः सभाहाङः हुम्ओ मान्तालम्इ आन ल्हुङ् मल्ह्तो स्याव्ती “लौ इमयःपाय् सात्साआः” त नोःकाय्इतो ओउःमयःकःहाङः यात्चाक् गामालीएल् त तोओ फरीसी चीङ्आ। गामालीएल् त तोओइ आन कुरा चीःती व्हाय्तोलेः नोःउतो ओउःइ तोओ कुरा सबैइ सायःसा ग्याओ खेःतो। इ गामालीएल्पाय् चीङ्ती “लौ इमयः ङा तोती मुतोक्हाङः बाहीरताङ् क्लाःआक्पाःथास” त दाय्ह्ती ओउः छ्युङ्ह्ओमयःकायः बाहीरताङ् क्लाःती आलःआकानी। 35ओउःमयः बाहीर ग्ल्युङ्ह्ती मुतोक्हाङः “अ इस्राएल्कोः मान्तालम्य इ मान्तालम्कायः दोह् दोह्लोतेः जाङ्ह्खेःनानी ओउःपाय् पेतो व्हक्तोलेः हायःनीङ्सी। 36अनम्ह् यात्चाक् थुदास् त तोओ ‘ङा राजा स्याव्चाङः’ त तोती चीङ्आ। चार्सै जन ओउःकोः कुरा ङ्हाम्ती ओउःकुस् ब्राङ्ती वाह्ती सर्कार्कुस् मीन्ह्काय्आकाय्। मीन्ह्काय्तोक् बेलाहाङः थुदास्कायः सात्ओ खेःतो ओउःकुस् वाह्ओलम्मा चीची बीबी त स्याव्ती क्रव्ती क्रव्ती पाय्ह्आकाय्। 37ओहाङःसैको लोन्तेसै ओउः जनसन्की लेखओ बेलाहाङः यात्चाक् गालील देस्कोः यहुदा त तोओ चीङ्ती नाःतो अरु मान्तालम्कायः होम्थासतो ओउःमा सीआ ओउःकुस् वाह्ओलम्मा रुनःधती झ्यान्ते पाय्ह्आकाय्। 38ओउःत खेःओ इ येसुकोः मान्तालम्कायः दोह्मा हायःताक्लाम्। इमयःकोः कुरा लयः मान्ताकःसै ह त खेःया इमयःमा ओउः थुदास् यहुदालम्लो लेखा लयःलेः मीह्नै। 39खेःल इमयःकोः कुरा परमेस्वर्कःसै त खेःया नीङ्लम्इ इमयःकायः क्लीमःसा जुगाङ् खाय्तेःनीली। नीङ् परमेस्वर्कोः बीरोत्तेः स्याव्तेःनै यादो” त दाय्ह्तीताङः गामालीएल्इ सभाहाङः मुओलम्कायः तोआथास।
40ओहाङःसैको एत तोओ कुरा सायःती ओउः सभाहाङः मुओलम्इ येसुकोः छ्युङ्ह्ओमयःकायः घान्आक्तीको फेरीलेः “इ येसुकोः कुरापाय् गलमा नोःलाम् सुकायःमा तोलाम्” त दाय्ह्ती गानाक्ती तोआक्तीको फेआथास। 41फेआक्तीको ओउः छ्युङ्ह्ओमयःलम् सभासै ग्ल्युङ्ह्ती “लौ येसुकोः कुरा तोसाकायः परमेस्वर्इ ङीकायः लीह्सीःओ च्यवःसा ताक्आतय्ही बा” त चोङाय्तीलेः पाय्ह्आकाय्। 42पाय्ह्ताङःआकाय् पाय्ह्ती वाङ्आक्तीको दीन्का दीन् ओउःमयःइ मन्दीर्हाङःमा “येसु त तोओ ङीकायः दल्ताक्लाङ् वाङ्सा ख्रीस् लेःआः बा” त दाय्ह्ती येसुकोः छ्युङ्ह्ओमयःइ थोल्ह्ती तोमाआकानी लःलयःकोः कीम्हाङःमा येसुकोः कुरा स्यान्माआकानी।
Zvasarudzwa nguva ino
प्रेरीत् 5: CDM93
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1993 Wycliffe Bible Translators Inc., All Rights Reserved.