लूका 16
16
चालाक भण्डारी
1येशुअ पांजे चेलन खे इयो बी मिसाल ड॒ई चयईं, “कें शाहूकारअ जो हिक भण्डारी हुयो। कुछ मांणुन उन शाहूकारअ खे अची बु॒धायो के तुंजो हे भण्डारी तुंजी दौलतअ खे गलत तरीके सां उडा॒ए रयो आहे। 2इन ते उन शाहूकारअ पांजे भण्डारीअ खे सड॒ करे पुछयईंस, ‘इयो मां तुंजे बारे में छा तो बु॒धां? पांजे भण्डारीपनअ जो हिसाब-किताब डे॒, छोके अग॒यां खां तूं मुंजो भण्डारी न रवंदे।’ 3तड॒ऐं उहो भण्डारी पांजे दिल में चवण लगो॒, ‘मुंजो मालिक मुखे भण्डारीपनअ जे पदअ तां कढी रयो आहे, सो हाणे छा कंदुम मां? छोके कोई बी कड़ी महेनतअ जो कम मां करे न सग॒ंदुम; ऐं भीखअ पिनण में त मुखे लज॒अ ईंदी। 4हा, हाणे मुखे सम्झअ पई के मुखे छा करण खपे, ताकि जड॒ऐं मां भण्डारीपनअ जे पदअ तां हटायो वञा, त उन खां पो मांणू मुखे पांजे घरअ में रवण डि॒यन।’ 5इन करे उन पांजे मालिकअ जे हर हिकअ कर्जदारअ खे सड॒ करायईं ऐं उनन मां पहेरें ज॒णे खां पुछयईं, ‘तुंजे मथां मुंजे मालिकअ जो घणो कर्ज आहे?’ 6उन चयईंस, ‘सौ डमअ जैतूनअ जो तेल।’ उन भण्डारीअ चयईंस, ‘पांजो खातो खण ऐं जल्दी पंजा डमअ लिखी छड॒।’ 7पो उन बे॒ खां पुछो, ‘तुंजे मथां मुंजे मालिकअ जो घणो कर्ज आहे?’ उन चयईंस, ‘सौ बो॒रा कणकअ।’ उन भण्डारीअ चयईंस, ‘पांजो खातो खण ऐं अस्सी बो॒रा लिखी छड॒।’ ”
8“मालिकअ उन बईमान भण्डारीअ जी तारीफअ कई; छोके उन चालाकीअ सां कम कयो वईं। इयो सच आहे, के हिन ज़माने जा मांणू लेन-देन जे मामले में परमेश्वरअ जे राज॒अ जे मांणुन खां वधीकअ चालाक आइन।#इफि 5:8 9इन करे मां तवां खे चवां तो, इन सांसारिक धनअ सां पांजे लाए दोस्तअ ठायो, छोके जड॒ऐं तवां इन संसारअ खे छडे॒ वेंदओ, त इया दौलतअ तवां जे कें बी कमअ जी न रवंदी, तड॒ऐं इहे ही दोस्तअ तवां जो अनंत घरन में स्वागत कंदा।#लूका 14:14; मत्ती 6:20; 19:21 10जेको नंढिन खां नंढिन गा॒ल्युन में ईमानदार आहे, उहो अहेम गा॒ल्युन में बी ईमानदार रवंदो ऐं जेको नंढिन खां नंढिन गा॒ल्युन में बईमान आहे उहो अहेम गा॒ल्युन में बी बईमान रवंदो।#लूका 19:17 11अगर तवां सांसारिक धनअ सां ईमानदार कोन आयो, त तवां खे सच्‍चो धन#16:11 सच्‍चे धनअ जो इते मतलब आहे, जेक्यूं गा॒ल्यूं परमेश्वरअ जी नज़रअ में अहेम आइन। केर छो सौपींदो? 12ऐं अगर तवां पराए जे धनअ सां ईमानदार कोन आयो, त जेको तवां जो आहे, उहो तवां खे केर छो डी॒ंदो?” 13“इयो मुमकिन कोने, के कोई बी दास बि॒न स्वामिन जी सेवा करे सगे॒, छोके उहो हिकअ सां प्रेम ऐं बे॒ सां नफरत कंदो; यां हिकअ सां वफादारी कंदो ऐं बे॒ खे तुच्छ समझंदो। तवां परमेश्वर ऐं धन बि॒निन जी सेवा नथा करे सगो॒।#मत्ती 6:24”
येशुअ जा कुछ उपदेशअ
(मत्ती 11:12,13; 5:31,32; मरकुस 10:11,12)
14जड॒ऐं फ़रीसिन इयो सब बु॒धो, त उहे येशुअ जी ठठोली करण लगा॒, छोके उहे पैसन सां डा॒ढो प्यार कंदा हुवा।#मत्ती 23:14 15इन ते येशुअ उनन खे चयईं, तवां मांणुन जे सामूं धर्मी थ्यण जो ढोंग ता कयो परअ परमेश्वरअ खे तवां जे दिल जे बारे में खबरअ आहे। छोके जेको बी मांणुन जी नज़रअ में अहेम आहे, उहो सब परमेश्वरअ जी नज़रअ में बेकार आहे।#लूका 18:9-14; मत्ती 23:28; भजन 7:9; नीति 6:16-17 16“यूहन्ना बपतिस्मा डि॒यण वारे जे अचण ताईं मूसा जी व्यवस्था ऐं भविष्यवक्‍ताउन जी किताबुन जी सिख्या ही मांणुन जे लाए अग॒वाई हुई परअ यूहन्ना बपतिस्मा डि॒यण वारे जे अचण खां पो परमेश्वरअ जे राज॒अ जी ख़ुशख़बरी बु॒धाई ती वञे ऐं सब उन में दाख़िल थ्यण जे लाए डा॒ढी महेनतअ करे रया आइन। 17आसमान ऐं धरती खत्तम थी सग॒ंदा आइन परअ परमेश्वरअ जे वचनअ मां कुछ बी बदल्यो न वेंदो।#मत्ती 5:18 ”
18जेको बी मांणू पांजी ज़ालअ खे तलाक़ ड॒ई बी॒ स्त्रीअ सां शादी तो करे उहो उन पहेरीं स्त्रीअ जे खिलाफ व्यभिचार तो करे ऐं कोई बी उन तलाक़ डि॒नल स्त्रीअ सां शादी तो करे, त उहो बी व्यभिचार तो करे।#मत्ती 5:32; 1 कुरि 7:10,11; मत्ती 19:9
शाहूकार मांणू ऐं लाज़र
19हिक शाहूकार मांणू हो। उहो डा॒ढा-कीमती कपड़ा पाईंदो ऐं सदाहीं एशो-आरामअ सां रवंदो हो। 20उन जे घरअ जे दरवाज़े ते कुछ मांणू, लाज़र नाले जे हिकअ कंगालअ खे जेंजो शरीर फटन सां भरयल हो छडे॒ वेंदा हुवा। 21लाज़र उन शाहूकारअ जी मेजअ तां बचल ऐं किरयल टुकड़न सां हीं पांजो पेट भरण जे लाए तरसंदो हुयो। उन जी हालतअ एड़ी हुई के कुत्ता बी अची करे संदस जे फटन खे चटींदा हुवा। 22इंय थ्यो के उहो कंगाल मरी वयो ऐं स्वर्ग॒दूतन उन जी आत्मा खे खणी वञी अब्राहमअ जे पासे में व्यारियो ऐं उहो शाहूकार बी मरी वयो ऐं दफ़नायो वयो। 23मरण खां पो उन जी आत्मा पाताल लोकअ में पीड़ा में वञी पई ऐं उते उन परयां खां अब्राहमअ जे पासे में लाज़रअ खे डि॒ठो। 24तड॒ऐं उन शाहूकारअ अब्राहमअ खे वडे॒ आवाज़अ सां पुकारे करे चयो, “हे पिता अब्राहम, मुंजे मथां दया करे लाज़रअ खे हिते मोकलेस, ताकि उहो पांजी आंगु॒र जी चोटीअ खे पाणीअ में बो॒रे करे मुंजी जि॒भअ खे थदो करे, छोके मां इन ज्वाला में डा॒ढो तड़पा प्यो तो”। 25इन ते अब्राहमअ उन खे चयो, “हे पुटअ, याद कर तूं पांजे जीवनअ में सदाहीं एशो-आरामअ सां रयो आईं ऐं लाज़र सदाहीं पीड़ाउन ऐं तकलीफुन में रयो आहे, परअ हाणे उहो हिते शांतिअ में आहे ऐं तूं उते पीड़ा में तड़पी प्यो तो। 26इन जे अलावा असां जे ऐं तुंजे विचअ में हिकअ डा॒ढी वडी॒ खाई रखी वई आहे, ताकि जेको हितां खां उन पार वञण चाहे उहो न वञी सगे॒; ऐं न हीं कोई बी उतां खां हिते असां वट अची सगे॒।”
27इन ते उन अब्राहमअ खे चयो, “हे पिता, मां तोखे मिंथूं तो कयां, के तूं लाज़रअ खे मुंजे परिवारअ डे॒ मोकलेस, 28ताकि उहो वञी मुंजे पंजन ही भावरन खे चिताए, किथे इंय नथे, के उहे बी इन पीड़ा जी जग॒ऐ में अची पवन”।
29इन ते अब्राहमअ उन खे चयो, “उनन वट त मूसा ऐं भविष्यवक्‍ताउन जूं लिख्यलअ किताबूं आइन उहे उनन खे पढ़ी वठन।#2 तीमु 3:16”
30परअ उन अब्राहमअ खे चयो, “न पिता अब्राहम, जेकड॒ऐं मुअलन मां कोई उनन वट वेंदो, त उहे पापन मां तौबां कंदा।”
31इन ते अब्राहमअ उन खे चयो, “जड॒ऐं उहे मूसा ऐं भविष्यवक्‍ताउन जी नथा बु॒धन, त अगर मुअलन मां कोई जीयरो बी थी करे उनन खे वञी बु॒धाईंदो, त उहे उन जी बी न बु॒धंदा।#यूह 11:45-53”
Zvasarudzwa nguva ino
लूका 16: SND
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda