Zaburi Sya Daud 20
20
Exaudiat te Dominus.
1Akuhige Bambo pa ligono lya kuhumbusika:
Lihina lya Mlungu wa Yakobo likunyanyamuse panani.
2Likupelekele kutangatila kuhumila pa walafu:
Nu kuhumila pa Zion likulekelele mbafu.
3Asikumbukile nyambiko syoha syako sya usembe:
Asiyupe nyambiko syako sya kukwela.
4Akupele kwa nndingo wa mwoyo wako:
Na agamalisa malango goha ugapanga.
5Yatigihe pa uyokosi wako, na pa lihina lya Mlungu witu yatisiyimike bendela situ:
Bambo agamalise maluwo gako goha.
6Hino nimanya kukita Bambo anjokola wakubakalika wake;
Yombe yamhige kuhumila Kunani kwa kuwalala kwake ni kyuma kya Uyokosi wa kiwoko kyake kya ndilo.
7Awa pa mageleta, wala pa mafalasi:
Tenga koma pa lihina lya Bambo Mlungu witu yatikumbule.
8Wala wayinama na wagwa:
Tenga koma tiuka, ni tiyimisa.
9Bambo, uyokole:
Mutwa atihige pa ligono pala tikemela.
Zvasarudzwa nguva ino
Zaburi Sya Daud 20: MGSPSA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
First published in 1913, by the Universities' Mission to Central Africa Mission Press