मत्ती 19
19
फारगति गा प्रश्र
(मरकुस 10:1-12)
1मेटे यीशु नी इनी बातो मंडीके, मेटे गलील शहरेन ओले, एठा यहूदिया जिल्हा यरदन गडा गा दूसरा कोनेन ओले। 2एठा कुरकू गा खाट गर्दी यीशु गा टाऊटे ओले, एठा डीचनी देटेन दिकुके साजाकेकु। 3मेटे फरीसि कुरकू दियागा आन्दाजो सा घल्जी मेरान हेके मंडी लज्जे, “चोच हारेक वाजा अमा जपाएके फरगति जिऊ साही होय?” 4डीचनी दिकुके जवाब जीके, “चोच आपेनी बान पळातिंज्दुका, डीचनी दिकुके आरुकेकु डीचनी सुटूटेका पोट्टा एठा तराई आरुटे मंडीके, 5‘इनी वोजीटे कोरो अमा आंटे बाटे टे आलग्गोउबा हेजा जापाएटे सेंग्गोन थंदळवा दिकिंज बार्खिंज म्या जानुबा।’ 6इनिघल्जी डिकीन्ज बारखीन्ज म्या जानुबा होय, इनिघल्जी डीके परमेश्वर नी म्या सेंग्गोन जोळातिंजके होय, डीके कोरो अलग्गो बाकी।” 7फरीसि कुरकू नी यीशु टे मंडीके, “डाबोलटे मूसा गा नियम गेन चोया येटेन ठहरातिंज्के मंडीके, आरापत्र जीटे डीचके आराकेच? 8यीशु नी फरीसि कुरकू टे मंडीके, मूसानी आपेगा मन गा जिद्दो गा वोजीटे आपेके अमा जापाए के आरा गा हुकूम जीके पेनो सुरुवादेनका येनोगो बाऊ डा। 9एठा इंज आमके मंडीवाकी, जो जेकाभी आनोवा के आराटे एठा तुनिका वोजीटे आपना जापाए के आराटे, दूसरा टे ब्याह दडावा, देटेन आनोवा दडावा होय। एठा जो आराके मिठाजा टे ब्याह दडावा, देटेन भी आनोवा दडावा होय।” 10दियागा चेलाकूनी दियाटे मंडीके, “अगर साना गा जापाए गा सेंग्गोन येनोगो संबंध होय मेटे ब्याह साही बाऊ।” 11यीशु नी दिकुके मंडीके, “बस डी कुरकू दिकुके एकला थंदळ गा वरदन जीके मेना होय दिकु इनी शिक्षा गा स्वीकार दडावा होय। 12अदाकु किन्नार होय जो जनम इनी रोंगो टे डाके होय, एठा अदाकु किन्नार येनोगो होय, दिकुके कुरकू नी किन्नार आरुकेकु, एठा अदा किन्नार दिकुनी स्वर्ग गा राज्य घल्जी खुदके किन्नार आरुके होय, दिकु समझातिंजेन साकशाम होय समझातिंजे।”
चाफ्निकु के आशीर्वाद
(मरकुस 10:13-16; लूका 18:15-17)
13मेटे कुरकू चफनीकुके यीशु गा मेरान साकु लज्जे, “कि देटेन दिकु लिंजेन टी डोकी एठा प्रार्थना डाकी, पेनो चेलाकूनी कुरकू के कल्लाकेकु। 14यीशु नी मंडीके, चफनीकुके इंजा मेरान हेजडाए एठा दिकुके ममाना बाकी। चोयाकी स्वर्ग गा राज्यन इंकुका होय।” 15इनी मंडीटे यीशु चफनीकू लिंजेन टी डोके एठा डेगा बदोन देटे टे ओले मेना।
लकपति जवान गा महत्व गा प्रश्न
(मरकुस 10:17-31; लूका 18:18-30)
16एठा डोगे, म्या कोरोनी मेरान हेंडो यीशु के मंडीके, “हे कास गुरु, इंज तुनी भला कामाय डाए, हमेशा गा जीवन घाटायु?” 17यीशु नी डीचके मंडीके, “अमागा मंडी गा वाजा चोच होय कि इंज कास होय? बस परमेश्वर का आए टेमोन कास होय।” 18डीचनी यीशु टे मंडीके, “तुनी मिनी हुकूम?” यीशु नी मंडीके, “एटेन कि घोगेच बाकी, आनोवा बाकी दडावा, चुचीरी बाकी, लाबाळ गवाही बाकी मंडी। 19आपना गा बाटे एठा आंटे गा आदर डाए, एठा आपना मेराकुटे आपना रोंगो प्यार डोए।” 20डी जवाननी यीशु टे मंडीके, “इनी सेबाईकेनी इंज्नी सानी टेमो लागी मनतिंज्के होय, नका इंजेन तुनी बातो गा कमी होय?” 21यीशु नी डीचके मंडीके, “अगर अमा पुराका रुपो आरु टासो मेटे सेने आमगा सेबाई किजीटे गिरबोकूके खाटिंजकी एठा आमेन स्वर्ग गेन डामा घाटाऊवा, हेजे डो इंजा टाऊटे हेजे।” 22इनी आजुमटे डी जवान दुखीनजे डो हिराये चोयाकी डीच भेबाव लकपाती डा, 23मेटे यीशु नी उफुन भी कोने धोटे हेजा चेलाकू टे मंडीके, “इंज आपेटे साच्चो मंडीवा कि, लकपाती कोरो गा स्वर्ग गा राज्यन मु मुश्किल होय। 24डाबोलटे आपेटे मंडीवाकी कि परमेश्वर गा राज्यन म्या लकपाती कोरो गा मु मुश्किल होय, देटोका ऊँटो गा सुई गा पोपा टे ओट असान होय।” 25इनी आजुमटे, चेलाकूनी इनी अचम्बोएन डो मंडीके, “मेटे जेगा उध्दार डाऊवा होय?” 26यीशु नी दिकु कोने धोटे मंडीके, “कुरकू टे येटेन बान डाऊ, पेनो परमेश्वर सेबाईका डाएवा।” 27येने लिजेन पतरस नी डीचके मंडीके, “डोगे आलेनी सेबाईका आराटे अमा टाऊटे हेन होय, मेटे आलेन चोच घाटाऊवा?” 28यीशु नी दिकुके मंडीके, “इंज साच्चो मंडीवा कि उनाई उत्पातीन मेटे कोरो गा कोण हेजा माहिमा गा सिंघासन लिंजेन सुबन्बा एठा आपे भी जो इंजा टाऊटे हेन मेना, बारह सिंघासन लिंजेन सुबांटे इस्राएल देशो गा बारह जाटो गा न्याय डाएवा। 29जो जेकाभी इंजा घल्जी उराके, डाईके, बोकाजाईके, आंटे-बाटे के, जापाए, चफनीकुके, खिटीके आराके होय, देटेन इंकुटे चोटोका गुण येठाभी घाटाएवा एठा हमेशा गा जीवन गा वारिश आरुवा। 30पेनो घोनेच सेबाई जो पेला होय, टाऊ मेना, एठा जो टाऊ होय, पेलाऊ मेना।”
Zvasarudzwa nguva ino
मत्ती 19: GOKNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.