Lukas 24
24
Jesus lanta di mortu
(Mat 28.1-10; Mar 16.1-8; Jon 20.1-18)
1Na purmeru dia di semana, mandrugada, minjeris bai pa koba, e leba pomadas ke purparaba ja. 2E oja pedra tiradu na boka di koba. 3E yentra, e ka oja kurpu di Siñor Jesus. 4E staba dimiradu sin sibi ke ke na fasi. Di repenti i parsi dus omi#At 1.10 pertu delis ku ropa lampradu. 5Minjeris panta, e mpina rostu na con. Ki omis punta elis: “Pa ke ku bo na buska un algin bibu na metadi di mortus? 6I ka sta li, ma i lanta. Bo lembra#Kap 9.22; Mat 16.21 kil ki fala bos oca i staba inda na Galileia, 7kuma Fiju di omi ten ku ntregadu na mon di omis mau, pa i krusifikadu, i lanta na terseru dia.”
8Ki ora minjeris lembra#Jon 2.22 di ki palabra di Jesus. 9E riba pa prasa, e bai konta tudu e kusas pa ki onzi disipulu ku tudu utru jinti ku staba la. 10I seduba#Kap 8.2-3 Maria Madalena, Joana ku Maria, mame di Tiagu, ku utrus ku staba ku elis, ku konta apostolus e kusas. 11E ka fia, pabia e oja kuma i tulesa ku minjeris na papia, 12ma Pedru lanta, i kuri pa koba, i jimpini, i oja son panus ku Jesus mbuljaduba nel, ditandadu. I riba pa kasa, dimiradu ku ki kontisimentu.
Na kamiñu pa Emaús
(Mar 16.12-13)
13Na mesmu dia dus delis staba na kamiñu#Mar 16.12 pa un tabanka comadu Emaús, onzi kilometru di Jerusalen. 14E na bai, e na papia entri elis di tudu ku kontisi. 15Suma ke na bai, e na papia entri elis, e na punta ŋutru, Jesus propi ciga, i ndianta ku elis, 16ma i parsi kuma se uju ka na oja diritu, ke ka raparal. 17I punta elis: “Es i kal kombersa ku bo na yanda bo na papia entri bos?”
E para ku rostu tristi. 18Un delis, ku comadu#Jon 19.25 Kléofas, puntal: “Abo son ki ospri na Jerusalen ku ka sibi di kusas ku pasa ne dias?”
19I punta elis: “Kal kusas?”
E ruspundi: “Kusas ku kontisi ku Jesus di Nazaré. Ki omi seduba anunsiadur#Kap 7.16; Mat 21.11; Jon 3.2; At 2.22; 7.22 ku ten puder na kusas ki ta fasi, ku ke ki ta fala, dianti di Deus ku tudu jinti. 20Ŝefis di saserdoti#Mat 27.1; At 13.27 ku no otridadis ntregal pa i kondenadu pa mortu; e krusifikal. 21Anos no na peraba kuma i el ku na liberta#Kap 1.68; 2.38; At 1.6 Israel. Riba di tudu e kusas, aos fasi tris dia ki kontisi. 22Tambi, utru minjeris di no grupu e fasinu dimira, pabia e bai mandrugada pa koba, 23e ka oja difuntu la. E riba, e konta kuma e oja un vison di anjus ku fala elis kuma i sta bibu. 24Utrus ku staba la ku nos e bai pa koba, e oja tudu suma ku minjeris fala, ma e ka oja Jesus.”
25Jesus fala elis: “Kal falta di ntindimentu ku bo ten! Bo ta tarda pa fia na tudu ku anunsiaduris fala! 26Nta Kristu#Kap 24.46; At 17.3; 26.23 ka dibi di sufri e kusas pa i kumsa yentra na si gloria?” 27Dipus i kumsa na libru di#Kum 3.15; 22.18; 49.10; Lei 18.15,18 Moisés, i pasa na tudu#Sal 16.9-10; 22; Is 7.14; 9.6; 50.6; 53; Dan 9.26; Mik 5.2; Zak 9.9; 13.7; Jon 1.45; 5.46; At 8.35; 28.23 anunsiaduris, i splika elis kil ku Skritura fala del.
28E ciga tabanka nunde ke na baiba. El i fasi suma kin ku na pasa#Mar 6.48 mas dianti. 29E ngodal, e falal: “Fika#Kum 19.3; At 16.15; Eb 13.2 ku nos; i sta ja tardi; sol na kai.” I yentra pa fika ku elis. 30Oca ki sta ku elis na mesa, i toma#Mat 14.19 pon, i fala Deus obrigadu, i kebral, i rapati ku elis. 31Ki ora se uju yabri, e raparal. I disparsi na se metadi. 32E punta ŋutru: “Nta no korson ka na yardinu ki ora na kamiñu ki na papia ku nos, oca i na splikanu Skritura?”
33E lanta janan, e riba pa Jerusalen. E oja ki onzi juntadu ku utru jinti ku staba ku elis, 34e na falaba: “I bardadi, Siñor lanta di mortu! Simon#1 Kor 15.5 ojal ja.” 35Ki dus konta elis ke ku pasa na kamiñu, tambi kuma ke raparal oca i na kebra pon.
Jesus parsi na metadi di si disipulus
(Mat 28.16-20; Mar 16.14-18; Jon 20.19-23; At 1.6-8)
36Oca ke na papia de kusas, Jesus propi parsi na se metadi, i fala elis: “Pas ta sta ku bos.” 37E panta, e fika ku medu, e kuda kuma i un kasisa#Mar 6.49 ke na oja. 38I punta elis: “Pa ke ku bo ntrumpi? Ke ku manda bo na kuda asin? 39Bo jubi ña mon ku ña pe, kuma i ami propi. Bo palpan, bo na rapara, pabia kasisa ka tene karni nin os, suma ku bo oja N tene.”
40Oca ki na fala asin, i mostra elis si mon ku si pe. 41E ka fia inda pabia e#Jon 16.20-22; At 12.14 kontenti, e dimiraba. I punta elis: “Bo tene kualker kusa#Jon 21.5; At 10.41 di kume?” 42E dal padas di pis yasadu [ku un bagus di mel]. 43I tomal, i kume se dianti. 44I fala elis: “I e kusas ku N konta bos#Kap 24.6; 18.31-33; Mat 16.21 oca N staba inda ku bos, kuma tudu ku staba skritu di mi na lei di Moisés, ku libru di anunsiaduris, ku salmus, i ten ku sedu.”
45Dipus i yabri#At 16.14 elis kabesa pa e ntindi Skritura. 46I fala elis: “I asin ki sta skritu, kuma Kristu#Kap 24.26-27 tenba ku sufri; na terseru dia i ta lanta di mortu, 47pa jinti konta di ripindimentu ku purdon#Kap 1.77; Dan 9.24; At 13.38-39; 26.18; 1 Jon 2.12 di pekadu na si nomi, pa tudu#Kum 12.3; Sal 22.27; Mik 4.2; Mal 1.11; Gal 3.14 nasons. E na kumsa na Jerusalen. 48I abos ku sedu tustumuñas#Jon 15.27; At 1.8,21-22; 1 Ped 5.1 de kusas. 49Ami N na manda riba di bos#Is 44.3; Joe 2.28; Jon 14.16-17,26; 15.26; 16.7; At 1.4; 2.1-4,33 kil ku ña Pape fala i na da. Bo fika na prasa di Jerusalen tok puder di seu bin riba di bos.”
Jesus lebadu pa seu
(Mar 16.19-20; At 1.9-11)
50Dipus i leba elis pa fora, na ladu di Betânia. I yalsa mon, i ora riba delis. 51Oca ki na ora, i separa delis, i lebadu#2 Re 2.11; Jon 20.17; Ef 4.8 pa seu. 52E#Mat 28.17 adoral, e riba ku garandi kontentamentu pa Jerusalen. 53E ta staba sempri na kasa#At 2.46; 5.42 di Deus, e na ngaba Deus, e na gardisil.
Zvasarudzwa nguva ino
Lukas 24: povB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1993-2020, Instituto de Tradução e Alfabetização