Jon 21
21
Jesus parsi pertu di mar
1Dipus de kusas, Jesus bin parsi utru bias dianti di si disipulus, lungu di mar di Tiberíadis, ne manera. 2E staba la Simon Pedru, Tome ku ta comadu Jemia, ku Natanael#Kap 1.45; Mat 4.21 ku seduba di Kaná di Galileia, ku fijus di Zebedeu, ku mas dus di si disipulus. 3Simon Pedru fala elis: “N na bai piska.” E falal: “No na bai ku bo tambi.” E mbarka, e bai piska; na ki di noti e ka paña nada.
4Oca sol mansi, Jesus parsi na praia, ma disipulus ka rapara#Kap 20.14 kuma i el. 5Jesus punta elis: “Fijus, bo tene kualker kusa#Luk 24.41 di kume?” E ruspundil: “Nau.” 6I fala elis: “Bo bota ridia pa ladu direita di barku, bo ta paña.” E botal, e paña manga#Luk 5.4-7 di pis, tok e ka pudi tira elis.
7Ki disipulu ku Jesus amaba fala Pedru: “I Siñor.” Oca Simon Pedru obi kuma i Siñor, i pui si kapa (pabia i ka bistiba), i kai na mar. 8Ki utru disipulus bai ku barku, e junda ridia incidu ku pis, pabia e ka staba lunju di praia, son sen metru. 9Oca e disimbarka, e oja la brasas#1 Re 19.6 ku un pis riba del, ku pon. 10Jesus fala elis: “Bo tisi utru di ki pis ku bo paña.”
11Simon Pedru kamba na barku, i junda ridia pa praia; ki ridia inciba ku sentu i sinkuenta i tris pis garandi, ma kontudu i ciu ba, ridia ka rumpi. 12Jesus fala elis: “Bo bin#At 10.41 kume.” Nin un di ki disipulus ka osaba puntal el i kin; e sibiba kuma i Siñor. 13Jesus ciga, i toma pon, i da elis; i fasi mesmu kusa ku pis.
14Es i terseru bias#Kap 20.19,26 ku Jesus parsi dianti di si disipulus dipus di lanta di mortu.
Jesus fala ku Pedru
15Oca e kaba kume, Jesus punta Simon Pedru: “Simon, fiju di Jon, bu aman mas di ki esis?” I ruspundil: “Sin Siñor, bu sibi kuma N amau.” Jesus falal: “Bakia ña karnelsiñus.” 16Jesus torna puntal sugundu bias: “Simon, fiju di Jon, bu aman?” I falal: “Sin Siñor, bu sibi kuma N amau.” I falal: “Bakia#At 20.28; 1 Ped 5.2-4 ña karnel.” 17Jesus puntal terseru bias: “Simon, fiju di Jon, bu aman?” Simon fika tristi manera ku Jesus puntal tris bias si i amal. I ruspundil: “Siñor, bu sibi#Kap 2.24-25 tudu; bu sibi kuma N amau.” Jesus falal: “Bakia ña karnel. 18N na kontau bardadi, ocau mas nobu, bu ta maraba bu sintu, bu bai kau ku bu mistiba bai, ma ora ku bu beju, bu na distindi bu mon, utru na marau, i leba#Kap 13.36; At 12.3-4 pa kau ku bu ka misti bai.” 19Jesus fala e kusa pa mostra kal koldadi mortu ku Pedru na bin muriba pa glorifika#Fil 1.20; 2 Ped 1.14 Deus. Oca i papia e kusa, i falal: “Sigin.”
20Pedru rabida, i oja ki disipulu ku Jesus ama na sigil, ku na sia ngostaba#Kap 13.23,25 na pitu di Jesus, i puntalba: “Siñor, kin ku na bin falsiau?” 21Oca Pedru oja ki disipulu, i punta Jesus: “Siñor, ke ku na sedu ku e omi li?” 22Jesus falal: “Si N misti pa i fika te o ku N bin, ke ku mportau? Sigin abo.”
23I kumsa na papiadu entri ermons e kombersa kuma ki disipulu ka na muriba, ma Jesus ka fala kuma i ka na muri, ma: “Si N misti pa i fika te o ku N bin, ke ku mportau abo?”
24Es i disipulu ku testifika e kusas, i skirbi elis. No sibi kuma si tustumuñu#Kap 19.35; 3 Jon 12 i bardadi. 25I ten inda manga di#Kap 20.30 utru kusa ku Jesus fasi; si kada un delis skirbiduba, N kuda kuma, ne mundu tudu i ka na ten lugar pa ki librus ku na skirbiduba! Amen.
Zvasarudzwa nguva ino
Jon 21: povB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1993-2020, Instituto de Tradução e Alfabetização