Kuungudza kwaJeremia 3:55-60

Ndakadana zita renyu, imi Jehovha, ndiri mugomba rakadzika. Makanzwa kukumbira kwangu: “Regai kudzivira nzeve dzenyu pandinochemera rubatsiro.” Makaswedera pedyo pandakakudanai, mukati, “Usatya.” Haiwa Ishe, makandireverera mhaka yangu; makadzikinura upenyu hwangu. Makaona imi Jehovha, zvakaipa zvandakaitirwa. Nditongerei mhaka yangu! Makaona udzamu hwokutsva kwavo, idzo rangano dzavo dzose pamusoro pangu.