Jenesis Nuarin-tas alupas 5.
Nuarin-tas alupas 5.
1 Napos vaig, im numumoh vaig, im inmas vaig u ilpu, retpoija ahes Atam um yetpan Noa. 24 Nedo upene u Inok, er imiapan yin an nohatag.
1INTAS vai ilpu mapoi Atam nigki. An nadiat iyehki is ago natimi a Atua, is ago yin an nalmun Atua aien;
2is ago rau natamaig im natahig aien; um acis yi alwai rau, um anvi nidarau par ika Atam, an nadiat iyehki is ago rau aien.
3Is umoh a Atam irai mesese is wun huntret im dirte (130), um apos inhalav atamaig is ethi, is idivai yin an nalmun, um anvi nidan par ika Sed:
4is apos Sed aien, ja par umoh irai mesese is eet huntret (800), um apos ilpu halav atamaig im ilpu halav atahig:
5is umoh a Atam irai mesese is nain huntret im dirte (930), ja pah mas.
6Is umoh a Sed irai mesese is wun huntret im faiv (105), um apos Inos:
7is apos Inos a Sed, ja par umoh irai mesese is eet huntret im seven (807), um apos ilpu halav atamaig im ilpu halav atahig:
8is umoh a Sed irai mesese is nain huntret im twelv (912), ja pah mas.
9Is umoh a Inos irai mesese is nainte (90), um apos Kenan:
10is apos Kenan a Inos, ja par umoh irai mesese is eet huntret im fiftiin (815), um apos ilpu halav atamaig im ilpu halav atahig:
11is umoh a Inos irai mesese is nain huntret im faiv (905), ja pah mas.
12Is umoh a Kenan irai mesese is sevente (70), um apos Mahalaliil:
13is apos Mahalaliil a Kenan, ja par umoh irai mesese is eet huntret im forte (840), um apos ilpu halav atamaig im ilpu halav atahig:
14is umoh a Kenan irai mesese is nain huntret im ten (910), ja pah mas.
15Is umoh a Mahalaliil irai mesese is sikste faiv (65), um apos Jeret:
16is apos Jeret a Mahalaliil, ja par umoh irai mesese is eet huntret im dirte (830), um apos ilpu halav atamaig im ilpu halav atahig:
17is umoh a Mahalaliil irai mesese is eet huntret im nainte faiv (895), ja pah mas.
18Is umoh a Jeret irai mesese is wun huntret im sikste tu (162), um apos Inok:
19is apos Inok a Jeret, ja par umoh irai mesese is eet huntret (800), um apos ilpu halav atamaig im ilpu halav atahig:
20is umoh a Jeret irai mesese is nain huntret im sikste tu (962), ja pah mas.
21Is umoh a Inok irai mesese is sikste faiv (65), um apos Medusela:
22is apos Medusela a Inok, ja par apol ira Atua irai mesese is dri huntret (300), um apos ilpu halav atamaig im ilpu halav atahig:
23is umoh a Inok irai mesese is dri huntret im sikste faiv (365):
24is apol ira Atua a Inok: is tup tiih pan aien; is atipagki yin a Atua.
25Is umoh a Medusela irai mesese is wun huntret im eete seven (187), um apos Lemek:
26is apos Lemek a Medusela, ja par umoh irai mesese is seven huntret im eete tu (782), um apos ilpu halav atamaig im ilpu halav atahig:
27is umoh a Medusela irai mesese is nain huntret im sikste nain (969), ja pah mas.
28Is umoh a Lemek irai mesese is wun huntret im eete tu (182), um apos inhalav atamaig is ethi:
29is anvi nidan aien par ika Noa, um ika. Etpu eropse inliinmopjau akaijau vai inhalav inigki an nauritai ujau, im nohocred ujau an nobohtan inig is asan tas ahlaijaig vaig a Ihova.
30Is apos Noa a Lemek, ja par umoh irai mesese is faiv huntret im nainte faiv (595), um apos ilpu halav atamaig im ilpu halav atahig:
31is umoh a Lemek irai mesese is seven huntret im sevente seven (777), ja pah mas.
32Is umoh a Noa irai mesese is faiv huntret (500): is apos Sem, im Ham, im Jefed a Noa.
Zvasarudzwa nguva ino
Jenesis Nuarin-tas alupas 5.: ABO
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)