Luka 20
20
Enkikilikuanata naipirta eneing'uaa engolon e Yesu
(Mat 21.23-27; Mk 11.27-33)
1Ore nabo olong eiteng'enita Yesuiltung'ana nelikioo lomon supati te nkaji e Nkai, nepuonu lapolosak kituaak o lasirak o lpayiani enetii 2neikilikuan aajoki, “Toliki iyiook ae te ngolon e ng'ae ias iyie kuna baa, ae ng'ae likinchoo ena golon?” 3Newaliki Yesu ajoki, “Kaikilikuan sii nanu intae embae nabo; entolikioki, 4amaa apa enkibatisa e Yohana ai Keper eing'uaa, anaa ltung'ana?” 5Neiguana maate ejo, “Amaa tenikijo, ‘Keper einguaa’, nejoki iyiook, ‘Kainyoo naa pee eitu irukuruku?’ 6Kake ti nikijo, ‘Iltung'ana eing'uaa,’ nenang iyiook kulo tung'ana pooki too soito; amu keyiolo too ltauja aajo oloiboni le Nkai Yohana.” 7Newaliki aajoki, mikiyiolo eneing'uaa. 8Nejoki Yesu ninche, “Maliki sii nanu intae eneing'uaa engolon naasie kuna baa.”
Enkitanyaanyukoto oo sinkan ooisilenokoki enkurma oo lng'anayio
(Mat 21.33-46; Mk 12.1-12)
9 #
Isa 5.1
Neiteru Yesu aliki olorere ena kitanyaanyukoto, nejo, “Etuno oltung'ani enkurma oo lng'anayio, neisho laramatak meisilenoi nelo ai kop nebik enkata naado. 10Ore pee ebau enkata, neirriu osinka airriwaki ilaramatak, meishoo ematua oo lng'anayio le ina kurma; kake eidong'o lelo ooisilenoitie ninye nerriny too nkaik naarook. 11Neirriwaa likae sinka; near sii ilo nesul, nearaa too nkaik naarook. 12Neitoki ake airriwaa oli okuni, nepik ilbaa ilo nearaa ong'ata. 13Nejo olopeny ina kurma oolng'anayio, ‘Kaji aiko? Olayioni lai kirotet airriwaa; kebaiki neyanyit ninye.’ 14Kake ore pee edol lelo ooisilenoitie ninye, nejokino maate, ‘Ele doi olajung'oni, mataar pee eaku enaang enjung'ore.’ 15Nearaa auluo enkurma near metua. Kaa pasa kenya eitaasi ninche olopeny e nkurma? 16Kelotu aidaikie lelo ooisilenoitie neisho kulikae ina kurma.” Ore pee ening ninche ina nejo, “Taba meiwuang'a!” 17#Olk 118.22Kake eing'ura Yesu ninche nejo, “Kaa naa ejo ilkigerot, ‘Ilo soit otanyaita lashetak otaa ole lukunya o lmairroto?’ 18Ore pooki ng'ae osulakino ilo soit negiligil aitaa mpurdat; kake ore ake olourokino ninye nerrar tukul.”
Enkikilikuanata naipirta elaata e kodi
19Neiteru lasirak o lapolosak kituaak aajo matipik Yesu inkaik teina saa, kake etureita olorere; amu etoduaa aajo ninche eipirie ina kitanyaanyukoto.
20Metaa neing'or ninche ninye neirriwaki ilaikitalak ooitaakuno supati te Nkai, pee etum aawaita kuna naajo, netum aaitarasaki enkitoria o enkiguana o lbalusui. 21Neikilikuan ninche aajoki, “Olaiteng'enani, kiyiolo aajo iro iyie ninteng'enisho too sipat, metii enyorrakinoto, kake iutu iyie enkoitoi e Nkai te sipata. 22Keishiaakino neishori Kaisari kodi ana aimeishiaakino?” 23Kake etayiolo Yesu olosek lenye, nejoki, 24“Entoduaaki empisai. Ai ng'ae esirakino naa kole ng'ae olkigeroto oata?” Nejoki, “Ole Kaisari.” 25Nejoki ninche, “Enchoo naa Kaisari inaara ine Kaisari, ninchosho Enkai inaara ine Nkai.” 26Nelaikino aaibung'a ninye etii olorere te nena naatejo; kake eing'asiate ninche te nena naawalu negira.
Enkikilikuanata naipirta empiunoto oo lootuata
(Mat 22.23-33; Mk 12.18-27)
27 #
Iat 23.8
Nepuonu Sadukayo enetii Yesu, lelo apa oojo meetae empiunoto. 28#Enkig 25.5Neikilikuan embae nabo, aajoki, “Olaiteng'enani, etisiraka iyiook Musa nchere te neye olalashe oltung'ani, oata enkitok nemeeta nkera, neya ake ilo tung'ani ina kitok pee eiki olalashe nkera. 29Eetae apa ilalashera oopishana; neyam ole dukuya enkitok, neye meeta nkera; 30neiko nejia oli aare, 31neyam sii oli okuni. Neiko nejia pokira oopishana neye neitu eing'uaa nkera 32ore te siadi neye sii ninye enkitok. 33Amaa kenya te mpiunoto, etiu nejia, keaku ene ng'ae ina kitok? Amu eyama pokira oopishana ninye.” 34Nejoki Yesu ninche, “Eyamisho neishoori meyami nkera e na kata; 35kake ore lelo oishiaakino nebaiki ina kata nebaiki sii empiunoto oo lootuata meyamisho nemeyami, 36amu metiooyo eitoki aaye, amu etiu anaa lmalaika neaku nkera e Nkai, aaku nkera e mpiunoto. 37#Ena 3.6Kake ore nchere kepiu ilootuata, etuutua ninye Musa, teine neigerore mbaa osanag oyupuyup teine neipotie ninye Olaitoriani ajo Enkai e Abraham naa Enkai e Isaak, naa Enkai e Yakobo. 38Mme naa Enkai oo lootuata, kake enoo looishu; amu ninye eishuyie pooki.” 39Newalu embata oo lasirak aajo, “Olaiteng'enani, iroro aitobiraki.” 40Amu eturia ninche eitoki aaikilikuana ae bae.
Enkikilikuanata naipirta Mesia
(Mat 22.41-46; Mk 12.35-37)
41Kake etiaaka Yesu ninche, “Kaji etiu pee eji Kristo enkerai e Daudi? 42#Olk 110.1Amu etejo Daudi openy te mbuku Olkerempe le Nkai, ‘Etiaka Olaitoriani, Olaitoriani lai, Totona te nkaina ai e tatene 43o metaba anaa naitaa ilmang'ati linono olorika loo nkejek inono.’ 44Amaa teneipoto Daudi ninye ajo Olaitoriani; kaji naa eiko pee eitoki Yesu aaku enkerai enye?”
Eisikong'a Yesu ilasirak
(Mat 23.1-36; Mk 12.38-40)
45Nejoki Yesu lkipaareta lenyena einining'ito olorere pooki, 46“Entorrip ate too lasirak, oopuaya eishopito lkilani oodo, nenyor neirorokini too neemishoreki nenyor ilorikan sidain aaisul tiatua nkajijik e ntumo, o wuejitin e nkanyit too mashoi, 47nenya aamut nkajijik oo nkolia neitaakuno neitoodor enkomono e Nkai. Ketum ninche enkiguana narrish oleng.”
Zvasarudzwa nguva ino
Luka 20: BIBLIAPRO
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
©Bible Society of Kenya, 2018