Kejadian 8
8
Ik ebe ye’gelak welaga a’ge ano deng egei wene
1Allah en asogo warenebiselat, at Nuh ebe emin, wam, tue, ’baik, di a’ge yu a’ge at Nuh emin ik so ogola ’gwigisa a’ge emin, nak e, enebe meme u erlakma en eberak modok welagarik, at Allah en sogwei punhuagoluk, tegeimu, punhasulat, ik ebe ano deng etil ’bu eigoluk tegei. 2Allah en asogo tagalat, ik elaruk a’bik ’gwiangma en lebikpesi a’ge ebano emin, ’bogorl pam en ’belabu aga a’ge ebano emin, lerakpil laga. Asogo lerak pesimu, moru ano ’baliselat, ik ebe ano deng etil-etil ’bu agalat, tegei. 3Asogo ’bu agokhwe, agauwa 150 hari pam oruakma en ik ebe ano arat deng ’gela’ge egei. 4Asogo deng ’gela’ge egeirik, dugwi is ene’gik wenarogu legesa ’gela’geat nomor 7 a’ge tanggal 17 pam ik so ano dom yat a’ge onuk Ararat pam le’gak la’bu aga. 5Ik ebe ano modok ’bu aga lagarik, dugwi is ene’gik wenarogu legesa hegitsogo nomor 10 a’ge, tanggal 1 pam dom yat a’ge arat hebarligen etil waga.
6Asogo hebarligen etil wagama, agauwa 40 hari welegesarik en, at Nuh en ik so ano jendela hele’gik a’ge mesik hwerik pesi. 7Asogo hwerik pesirik, tue sibeni ’gela’ge mesigat nak lebikpesi. Asogo lebikpesi a’ge re, togolik wom erlakma en darak nak lak-wak nosokhwe ik ebe ano arat deng egei. 8Asogo deng osokhwe, at Nuh en,
“Ik ano arat deng egei a? Erlak a,” oluk tue ’berl ’gela’ge mesik lebigat pesi. 9Asogo lebikpesi a’geat de, o ’gwiang ’berlegat ik en sebelak welaga ai en, tue ano duk la’bigoluk tegei a’ge re, at duk umu ebale erlak en e, togolik o ogola ’gwiogoluk lagama, at Nuh en e’gik ’belinghai lagarik e, ha’boksogo ’gwelebak pesi. 10Asogo ’gwelebak poluk, agauwa sabiren welagarik, tue ’berl ’gela’ge ano pobuk lebigat pesi. 11Asogo lebikpesimu, tue ano e zaitun a’ge e’gela mesik ’bil-’bal emdemasogo woluk hopmu akhit togolik ’gwegeimu, at Nuh en e,
“I, yogodak ik arat deng egeimu hegi,” oluk ede epesi. 12Asogo epesirik, agauwa sabit enamat welagarik en, tue ’berl ’gela’ge ano pobuk lebikpesi a’ge re, pobuk togolik wom erlakma en mo lai laga.
13Tue ano asogo wom erlak oruakhwe, at Nuh ebe umur 601 tahun, ye, dugwi is ene’gik wenarogu legesa ’gela’ge, nomor satu, tanggal 1 pam ik ano modok arat deng egei. Asogo tegeimu, at Nuh en ik so ano sel hialholuk, il ’gwiang ’belaphesi ’gal e, ’gwiang ebano ’berlegat lolok egeimu il yethesi. 14Ye, dugwi is ene’gik wenarogu legesa ’gela’ge nomor 2, tanggal 27 pam ’gwiang arat modok lolok egei.
15Asogo lolok egeimu, at Allah en Nuh disogo mo’gulesi,
16“Hat hugwe he’birek emin, heiyagai onugwami emin, ik so ogola en liplau manis o. 17Liplau wagalat e, tue, ’baik, wam, di a’ge yu a’ge e’gik erlak oruak ’berlegat ebe lok a’ge emin, wei a’ge emin, obat o ’gwiangma ’berlegat logat wiyalemagoluk, woluk lipla suk o,” oluk mo’gulesi. 18Asogo mo’gulesimu, at Nuh ugwe e’birek emin, eiyagai onugwami emin, ik so ano ogola en liplau wegesa. 19Asogo liplau wagaihwe, is di tue yu tue ’berlegat emin, wam ’baik di a’ge yu a’ge emin, e’gik erlak oruak ’gwiangma a’ge ’berlegat emin, ik so ogola en a’gul onuk lo’bok liplau wegesayat.
Nuh en wam di a’ge yu a’ge Allah paget wusogo narlegei wene
20At Nuh en wam di a’ge yu a’ge wusogo Nenaik ’gain Onuk Logo a’ge narlosolom a’ge helep ebale heli’gogo lagabegei. Asogo lagabegeitik, tue, wam, ’baik, di a’ge yu a’ge e’gik erlak oruak we no a’ge ebano a’ge a’gul onuk lo’bok mesik-mesik wusogo helep lagabak a’ge ano pam poluk Allah paget narlik ebesi. 21Asogo narlik ebesimu e’ben op a’ge lagap esimu, Allah ede op agarik, ede en disogo epesi,
“Is aphwami enebabut asogo togu lema ai pam, an en ’gwiang ai pobuk heman paik erlak o. Is aphwami ai enebe owanhweat enebabut wiak tuogoluk enede eberogu lema ai naluk a’geat de, yogodak aphwami enebe emin, di a’ge yu a’ge elaluk welago a’ge logon emin, erlagap pegi ai ’gela’ge pobuk erlagap paik modok erlak o. 22’Gwiang yu erlak om erlak oruakhwe re, aphwami en di a’ge yu a’ge owi yorogulat, ebe dorogulat, ’balogulat, togu lema eria pam welemayat o. Ye, o hik eselat, dakha eselat tisokhwe, o sogwei agalat, aganhan agalat, o hebi agalat, moru nasulat, modok tise lemayat o,” oluk ede eberegei.
Zvasarudzwa nguva ino
Kejadian 8: Wul
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda