KORINTUS 1 5
5
Oaid mokotor kon bonu in jamaat
1 #
Ul. 22:30
Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábà doman mogaid kon natua! 2Umpaka nogaidon kon natua, táe umuranpabà doman in moiko dumodia. Sabanarnea in bá moajarbà in gina monimu, bo poḷatdon poḷuai in intau natua nongkon sigad monimu. 3-4Oobà kon awakku in noyayúdon kon i monimu, táe ginaku in umuranpabà kon i monimu. Tuamai in rasaanku ná bà onda bo kon yua-yuak monimu in akuoi, “Podoyonku kon bonu in tangoi i Tuhan Yesus Kristus! Intau inta nogaidon kon inta totok in moromú tua in mustibà hukumon!” Aka moyosipun in moiko, dá anggapdon oyúon kon yua-yuak monimu in akuoi, bo kon bonu in kawasa i Yesus Tuhan naton, 5intau tatua in musti posarakan monimu kon Ibilis sinbá moyoyang in awaknea táe rohonea in posaḷamaton kon wakutu in koangoian i Tuhan bui.
6 #
Gal. 5:9
Moiko in diábà motaau in dumodia. Dinongogdon monimu degá in singog nanaa, “Ragi topiḻik mokokutad kon bayongan topong aidan kukis!” 7#Iḷn. 12:5 Ḷumbúpa muna in ragi inta ain nokoyongan, ná inta oaid diá mopia, sinbá mopia in nanam in kukis tatua, diá noyobaui in ragi inta nokoyongandon, tuata in aid inta diá mopia inta umuran aidan monimu koḻipod, sin kinotaauankubà kon natuata in moiko. Tuamai mobasadiadon in kita morame kon singgai in Paska, bo ki Kristus inta nobaḻà domba in Paska naton aindon pinokuruban. 8#Iḷn. 13:7; Ul. 16:3 Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.
9Kon bonu in suratku koḻipod, ain bidon pinogumanku kon dikabĂ moibog in moyobayat i intau inta mokotor in oaid. 10Makusudku in deemanbĂ tongá intau inta mokotor ande motamaa, ande motombogá ande intau mita inta umuran mosumba kon berhala inta beresi diá nonotaau kon i Allah. Deeman! DeemanbĂ mosia imakusudku; sin aka yumayĂşdon in moiko kon i monia, yo bá diábĂ domandon kon dunia naa in moiko. 11Makusudku in dikadon moiko moyobayat i intau inta nopirisayadon kon i Kristus, táe umuranpa moibog mogaid kon inta mokotor, bo moturá ande moibo-ibog dumudui kon parenta in berhala, bo inta umuran moibog moporomu-romĂşmai kon tangoi intau ibanea, bo umuran doman monginum kon inta mokolĚŁolĚŁangu bo monakow. Modapot in mongaan moyotakin monia tua yo dikabĂ!
12-13 #
Ul. 13:5, 17:7 Totuubà kon deemanbà oaidanku in mohakim kon intau deeman Keresten, tua in oaidanbà i Allah. Táe soaḷ in jamaat mita monimu, tantú moikobà in mohakim kon i monia. Sin kon bonu in Buk Motusi in pinais nanaa, “Buntunbà in intau mongoromú kon sigad monimu.”
Zvasarudzwa nguva ino
KORINTUS 1 5: INOMOG
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Alkitab Singog In Mongondow Masa In Tanaa © Indonesian Bible Society, 2016.