Markus 3
3
1Nda minna perro hwodiye hiwotso; ga ama nedo ma ka tuffe ngbatso.
2Ta niden ati tanḅa na, sie ndaḅa piyaden a fire piyatso, gekelo ta gomen le.
3Nda boyo manano tuffongen a ngba: “Maḍi, kango avorti.”
4Nda tsaren gban: “Ndaḅa hula a fire piyatso miya ḍa sofeme, sie miya ḍa sahasei? Miya mbodo pitso, sie miya ḅelha?” Ta ndsa ḍong.
5Nda niden ka yedigbepye, kwakasen a ḍikka ge nyeretso yedingeren. Nda tsa mangen: “Ḍifa tuffanga.” Nda ḍifen; tuffongen a minna hula.
6Farisawa ta dimmo tadi peiyo ka miye da Hirudus ta chello so lemongen, sie ta ḅelten.
7Yesu a maḍo ka miye‐kwoden ḅa wudo kwaka bahar; miye hananan di haka Galili tadi kwoden.
8Di haka Yahudiya ka Yerusalem ka Idumiya ka ngertso Urdun; di haka Sur gban ka Sida miye hananan, naya ta kel leme sye ndadi ḍa, ta si gakan.
9Nda tsa miye‐hwoden, na miya dakan kwombe swadei ahakan gekelo miye, ḅé tá tilten
10gibo nda mbo otso hananan. Lektso dziye‐otso kat ta tilten ati ḅa kellan.
11Pitso rektso, naya ta nan, ta fuko ahumwasen ta maḍo kwormungeren ta tsa a chi: “Hye no Ndse da Pwa.”
12Nda hiwaren ḅé taná dimmaden.
13Nda ngerro a no mwotso a wa miye ndadi mo?-?tiren ka nangen, ta wudo hakan.
14Nda taḍa bow a mbidi gbei gekelo tana ndsa kan, ati ndaḅa lentiren ta kenno miye leme.
15Tanḅa ḍim nyeretso tadi mbo dziye‐otso ta dimmado pelle:
16Siman a nda ḍikken kwaka hweile Bitrus,
17ka Yaḳub ndse da Zabdi, ka Yohanna ndso‐noge Yaḳub; nda ḍikken a kwako, Buwanarjis, angen dziye da hubokkoha no;
18ka Andarawus ka Filibbus ka Barthalamawus ka Matta ka Toma ka Yaḳub ndse da Halfa ka Taddawns ka Siman ndse‐Kana,
19ka Yahutha Iskariyoti ma kipan.
20Nda perro i hwadiye nedo. Lektso miye a lekko, tá ḍakaren ta zemsye.
21Naya ndeingen a kella ano, ta dimmo habwange ati ta kitten, gibo ta tsa a chi: “Ḅo takum?-?mo.”
22Miye‐ḍaḍuwe iye si di haka Yerusalem ta tsa: “Tsi ne ka Ba'alzabub, di haka homen pelle nda dimmado pelle.”
23Nda watiren a boyeren leme takale a tsa: “Ya Shaitan a dimmado Shaitan?
24Homne na ḅo tokko gbei, homne ano á mba kangtso.
25Na hwodiye a tokko gbei hwodiye iyeno á bma kangtso.
26Na Shaitan a maḍo ka ngyatso ka nangen, nda takko gbei, tá ha kan ndaḅa kango, ungen ḅe mbo.
27Tá ma a mba portso hwoda ma‐kerkere ati ḅa por ginesen, na miyá liya a ḅweye ma‐kerkere. Na miya ḅweyeren miya mban.
28Diyalo nadi boyowno, miyeḅa ngurogo dziye?-?ḅware lemehasei tadi ḍa kat: nagi ya ta yim Pwa miya ngureren gen.
29Ma yim Pitso Tsubwatso miyá nguren gen na gi gwodi, ndse‐ḍim bashitso ne á mba;”
30ge la ta boyo: “Tsi ne ka rektso pitso.”
31Feringen nogen ka miyedaren a si; ta lensye gakan a warren ta kange habwange.
32Miye lektsi ne ndsa hakan ta tsan a chi: “Nogu ka miyedowno ten ne habwange di elta.”
33Nda mwaren a tsaren: “Ndo nogi no ka miyedei?”
34-35Nda nido miye ndsa hakan a tsa: “Namo nogi ka miyedei, gibo ma ḅa ḍa motso da Pwa tsi ne ndso‐nogi ka nji‐nogi ka nogi.”
Zvasarudzwa nguva ino
Markus 3: BCYMRK
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
First published by the British and Foreign Bible Society in 1915.