LUKA 13
13
Alumukenu mokomoko namukanonga
1Jino hamakumbi aze kwapwile vatu vamwe vamulwezele cihande cavaka-Ngalileya vaze afutwile Pilatu manyingavo nawawa avimuna javo vakuvatula.
2Yesu avakumbulwile ngwenyi, #Yowa. 9.1-3.Enu munaxinganyeka ngwenu, vaze vaka-Ngalileya vapwile vaka-xili kuhambakana vaka-Ngalileya vakwavo vosena tahi, hakuyanda ngacize?
3Nangumilweza ngwami, Nduma, oloze kuvanga namupihilila nakwalumuka, mokomoko nayenu muvosena nawa namukanonga ngacize.
4Cipwe vaze likumi navatanu nava tatu, vaze kaxiukilile kapoxi kakuXilowame nakuvajiha, munaxinganyeka ngwenu, vakivo vapwile vaka-milonga yakuhambakana vakwavo vosenava vatwama kuYelusalema tahi?
5Nangumilweza ngwami, Nduma, oloze kuvanga namupihilila nakwalumuka, mokomoko nayenu muvosena nawa namukanonga ngacize.
Ciximo camukuyu wakuhona mihako
6 #
Mateu 21.18-20; Mako 11.12-14, 20-21. Atele nawa ciximo cino ngwenyi, Kwapwile mutu apwile namukuyu wakutumba kuwande wenyi wamivinyo. Kaha ayile nakusakako mihako, oloze kayiwanyinekoko.
7Kahambile kuli muka-kulama mivinyo ngwenyi, Tala, ngunezanga myakeyi yitatu nakusaka mihako kumukuyu uno, nakuyiwana nduma. #3.9; Mateu 3.10; 7.19.Upakule, ikaze nauzezekela tuhu namavu nawa?
8Ikiye amukumbulwile ngwenyi, Ove mwata, ijiva kuuseza nauno mwaka nawa, nomu nangucipululako nakuhakako wilo.
9Kaha nge kulutwe naukema mihako, camwaza, oloze kaci nge pimbi, kaha naukaupakula.
Yesu mwahindula pwevo wacitonji hasambata
10Hasambata apwile nakunangula vatu #13.10:Tala 4.16.musunangonga yimwe.
11Kaha kumana, mwapwile pwevo apwilenga myaka likumi nayitanu nayitatu naxipilitu wakuneha utonji. Apwilenga wakuzembama cikuma, kahaxile kwoloka cipwe cacindendeko.
12Yesu hakumumona amusanyikile, amwambile ngwenyi, Ove pwevo, vanakukasununa kuutonji wove.
13Amunangikile mavoko enyi, kaha linwomu vene hanoloka lyehi, himwamutohwesa Kalunga.
14Oloze mukulwane wasunangonga, hakwivwa kupihya cikuma mwomwo Yesu #6.6-11; Yowa. 5.1-18.nahindula mutu hasambata, ahanjikile nakwamba lize lizavu ngwenyi, #Kulo. 20.9; Luxi. 5.13.Kuli makumbi atanu nalimwe atela vatu kuzatanga milimo. Xikaho twayenunga hamakumbi aze vamihindule, kexi halikumbi lyasambatako.
15Oloze #19.9.Mwata amukumbulwile ngwenyi, Enu vaka-kulyonga! #14.5; Mateu 12.11.enu muvosena mutu himutu kexi kukasununa ngombe yenyi cipwe cimbulu cenyi nakumutwala kumeya hasambatako numba?
16Numbanyi uno pwevo, #19.9.ikiye mwanaApalahama, ou vakaxile kuli Satana munahici lyehi myakeyi likumi nayitanu nayitatu, katelele kumukasununeyi kuli kana halikumbi lyasambatako numba?
17Omu ahanjikile ngoco, vosena vaze Vamwimanyinyine nakole vevwile sonyi, kaha lize lizavu lyavatu vosena vawahililile havyuma vyaupahu vyosena vize alingile.
Ciximo cambuto yamusetale
(Mateu 13.31-32; Mako 4.30-32)
18Xikaho ambile ngwenyi, Wangana waKalunga unafwane nge ika? nanguufwanyisa naka?
19Unafwane nge mbuto yamusetale, yize vanonele kuli mutu nakutumba mumilemba yenyi, kaha yakulile nakupwa mutondo, kaha tujila vahelu vatwamine kumitango yawo.
Ciximo cacimbalwila
(Mateu 13.33)
20Ambile ceka nawa ngwenyi, Wangana waKalunga nanguufwanyisa naka?
21Unafwane nge cimbalwila, cize Vanonele kuli pwevo nakucinga muvyesekelo vyaunga vitatu, palanga nomu wafutunukile wosena.
Cikolo cacindende
(Mateu 7.13-14, 21-23)
22Kaha ayile kwenyi ahicile mumembo amanene nawawa amandende nakunangula vatu, #9.51; 17.11; 18.31; 19.11.nakutwala kuYelusalema.
23Jino kwapwile mutu amwihwile ngwenyi, Ove Mwata, ava navalwila navapwa vavandende kaha tahi? Ikiye avambile ngwenyi,
24 #
Yowa. 10.7. Kilikitenunga kwingilila kucikolo cacindende, mwomwo nangumilweza ngwami, vavavulu navakasaka kwingilamo, oloze kavexi kukahasako.
25 #
Mateu 25.10-12. Cose nakatuka lyehi Mwenya zuvo nakusoka kucikolo, kahenu hinamuputuka kwimana kuweluka nakungongomweza kucikolo nakwamba ngwenu, Ove Mwata, acitusokolweleko mwane! kaha Ikiye mwamikumbulula ngwenyi, Camitacikijileko oku munafumu.
26Haze vene hinamukaputuka kumwamba ngwenu, Twalilenga, twanwinenga kumeso ove, kaha watunangwile kumeluketu.
27Oloze mwakamyamba ngwenyi, Ngunamilweze lyehi ngwami, Catacikijileko oku munafumu, ngwenyi, #Mateu 25.41.Fumenu kuli Ami, enu vaka-kuzata mwakuhenga muvosena.
28Omu namukamona Apalahama naIsaka naYakova navapolofweto vosena muwangana waKalunga, kahenu navakamimbila kuweluka, #Mateu 8.11-12.kwakuze vene kunamukapwanga nakulila nakulingenjunga kumazo.
29Navakafuma kumusamuko nakumulauko nakunote nakusulo nakusendavala kumesa muwangana waKalunga.
30 #
Mateu 19.30; Mako 10.31. Kaha tala, kuvali jino vakakukuminyina navakalivanga, kaha kuvali jino vaka-kulivanga navakakuminyina.
Yesu mwalilila Yelusalema
(Mateu 23.37-39)
31Halwola luze vene kwejile vaFwaliseu vamwe nakumwamba ngwavo, Kuno fumako, yako kweka, mwomwo Helote nasake ngwenyi, akujihe, xikaho.
32Avambile ngwenyi, Yenu mukamwambulile uze mumbwe ngwenu, Tala, nangulovola vandemone nanguhindula vaka-misongo nalelo nahamene, kaheli lyamucitatu numba #Hepe. 2.10; 5.9; 7.28.hinangukupuka mwosena.
33Oloze #Yowa. 11.9.kuvanga ngutwale mujila yami nalelo nahamene nahameneauze, mwomwo kacahasa #Mateu 21.11.kapolofweto kunongela kwekako, xina kuYelusalema kaha.
34Ove Yelusalema! Ove Yelusalema! ove weji kuvajihanga vapolofweto nakuvasa malolwa vaze vanatumu kuli ove! Omwo ngwasakile, okuvulamo, kuvakungulula vana vove nganomu eji kukungulwilanga kasumbi vana venyi mumavavenyi, oloze kamwasakileko!
35Talenu, #Yele. 22.5.zuvo yenu vanamiselayo yamokomoko. Mwomwo nangumilweza ngwami, Kamwexi kukangumona cekako, kuvangomu namukamba ngwenu, #Samu 118.26; Mateu 21.9; Luka 19.38.VamukisulengOu mweza mulijina lyaYehova!
Zvasarudzwa nguva ino
LUKA 13: LUE70
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Luvale Bible © Bible Society of Zambia, 1970.