Nziyo 25:5-9

Nditungamirireiwo muchokwadi chenyu mundidzidzise nokuti ndimi Mwari muponesi wangu. Ndinotarisira kwamuri zuva rose. Rangarirai, TENZI, tsitsi dzenyu uyewo mwoyochena wenyu nokuti zvaivapo kubvira pasi chigare. Musarangarire zvitadzo zvapauduku hwangu kana zvikanganiso zvangu. Maererano nemwoyochena wenyu, ndiyeukeiwo TENZI pamusana porunako rwenyu. TENZI akanaka uye akarurama saka anodzidzisa vatadzi nzira. Anotungamirira vanozvirereka muururami achidzidzisa vanozvirereka nzira yake.