Nziyo 15:1-5

TENZI ndiani angagare mutendhe renyu? Ndiani angagare mugomo renyu rinoera? Munogarwa nomunhu ano upenyu huri pachokwadi, anoita zvakarurama uye anotaura chokwadi chake chaicho chinobva mumwoyo; munhu asingatauri makuhwa norurimi rwake; asingaitiri mumwe wake zvakaipa; asingatauri zvakaipa zvavamwe. Munhu anozvidza munhu akashata; asi anoremekedza vanoremekedza TENZI, anochengeta zvaanenge apika kuita kunyange zvichirwadza. Anokweretesa asingati akwereta ngaaise imwe mari pamusoro payo kana kutambira chioko muhomwe chokurwisa munhu asina mhosva. Munhu anoita zvakadai haatsukunyiki.