Ruka 5:29-32

Revhi akagadzirira Jesu mabiko makuru mumba make. Vateresi vazhinji navamwe vanhu vakagara navo pakudya. VaFarisei nenyanzvi dzoMutemo vakanyunyutira vadzidzi vake, vachiti, “Munodyireiko navateresi navatadzi, muchinwa navo?” Jesu akavapindura achiti, “Vakukutu havadi chiremba asi vanorwara. Handina kuuya kuzodaidza vakarurama kwete, asi vatadzi kuti vapinduke.”