GÉNESIS 5
5
Adampa miraynin
1Kaykuna kanku Adampa mirayninmanta kajkuna. Mayk'ajchus Dios runata ruwarqa, chaypacha runaqa payman rijch'akoj karqa. 2Dios ruwarqa qharita warmitawan; chaymantataj bendicerqa, suticharqataj runata, ima diachus ruwasqas karqanku chaypacha.
3Adanqa karqa pachaj kinsa chunka watasniyoj, wawan payman rijch'akoj nacerqa chaypacha, pitachus suticharqa Setta.
4Chaymanta Adanqa kausarqa pusaj pachaj watastawan, wawasnintaj astawan karqankuraj qharis, chanta warmis. 5Adanqa kausarqa tukuynimpi isq'on pachaj kinsa chunkayoj watasta. Chay chhika watasniyoj wañuporqa.
6Setqa pachaj phishqayoj watasniyoj karqa wawan Enós naceshajtin. 7Chaymanta Set kausarqa pusaj pachaj qanchisniyoj watastawan, wawasnintaj karqankuraj qharis, chanta warmis. 8Tukuynimpi Setqa kausarqa isq'on pachaj chunka iskayniyoj watasta. Chay chhika watasniyoj wañuporqa.
9Enós isq'on chunka watasniyoj karqa Cainán wawan naceshajtin. 10Chay qhepata Enós kausarqa pusaj pachaj chunka phishqayoj watastawan. Wawasnintaj karqankuraj qharis, chanta warmis. 11Tukuynimpi Enosqa kausarqa isq'on pachaj phishqayoj watasta. Chay chhika watasniyoj wañuporqa. 12Cainán qanchis chunka watasniyoj karqa Mahalaleel wawan naceshajtin. 13Chay qhepata Cainán kausarqa pusaj pachaj tawa chunkayoj watastawan. Wawasnintaj karqankuraj qharis, chanta warmis. 14Tukuynimpi Cainán kausarqa isq'on pachaj chunkayoj watasta. Chay chhika watasniyoj wañuporqa.
15Mahaleel sojta chunka phishqayoj watasniyoj karqa wawan Jared naceshajtin. 16Chay qhepata Mahaleel kausarqa pusaj pachaj kinsa chunkayoj watastawan. Wawasnintaj karqankuraj qharis, chanta warmis. 17Tukuynimpi Mahaleelqa kausarqa pusaj pachaj isq'on chunka phishqayoj watasta. Chay chhika watasniyoj wañuporqa.
18Jared pachaj sojta chunka iskayniyoj watasniyoj karqa Enoc wawan naceshajtin. 19Chay qhepata Jared kausarqa pusaj pachaj watastawan. Wawasnintaj karqankuraj qharis, chanta warmis. 20Tukuynimpi Jared kausarqa isq'on pachaj sojta chunka iskayniyoj watasta. Chay chhika watasniyoj wañuporqa. 21Enoc sojta chunka phishqayoj watasniyoj karqa Matusalén wawan naceshajtin. 22Enocqa Diospa munayninman jinapuni kausarqa. Matusalén nacesqanmanta qhepata, Enoc kausarqa kinsa pachaj watastawan. Wawasnintaj karqanku qharis, chanta warmis. 23Tukuynimpi Enocqa kausarqa kinsa pachaj sojta chunka phishqayoj watasta. 24Enoc Diospa munayninman jinapuni kausasqanrayku uj p'unchay chinkaporqa, imaraykuchus Dios pusakaporqa.
25Matusalenqa karqa pachaj pusaj chunka qanchisniyoj watasniyoj wawan Lamec naceshajtin. 26Chay qhepata Matusalén kausarqa qanchis pachaj pusaj chunka iskayniyoj watastawanraj. Wawasnintaj karqankuraj qharis, chanta warmis. 27Tukuynimpi Matusalenqa kausarqa isq'on pachaj sojta chunka isq'onniyoj watasta. Chay chhika watasniyoj wañuporqa.
28Lamecqa pachaj pusaj chunka iskayniyoj watasniyoj karqa uj wawan naceshajtin. 29Chaytaj karqa Noé, imaraykuchus nerqa: Dios maldicin jallp'ata, llank'ananchej tiyan atiy mana atiyta, chaymanta kay wawa samarichiwasun.
30Noé nacesqanmanta qhepaman, Lamecqa kausarqa phishqa pachaj isq'on chunka phishqayoj watastawanraj. Wawasnintaj karqankuraj qharis, chanta warmis. 31Tukuynimpi Lamecqa kausarqa qanchis pachaj qanchis chunka qanchisniyoj watasta. Chay chhika watasniyoj wañuporqa.
32Noé phishqa pachaj watasniyoj kasqanmanta wawasnin nacerqanku: Sem, Cam, Jafet.
Zvasarudzwa nguva ino
GÉNESIS 5: QCHSB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Qheshwa Biblia DC © Sociedades Bíblicas Unidas, 1986.