Nziyo 20
20
Muimbisi, urwu Rwiyo rwaDhavhidhi.
Kunamatira mambo
1Dai TENZI akangokupindurai
pazuva renhamo!
Dai zita raMwari waJakobho
angokudzivirirai.
2Ngaakutumirei rubatsiro runobva kunzvimbo inoera
norutsigiro rwake runobva kuZioni.
3Dai angoyeuka mipiro yenyu yose
uye afadzwe nezvibayiro zvenyu zvose.
Dzepfunde.
4Dai angokupai zvinoda mwoyo wenyu
aite kuti zvirongwa zvenyu zvibudirire.
5Ipapo tichapururudzira kukunda kwenyu norufaro.
Tigosimudza mureza wedu muzita raMwari wedu
TENZI akuitirei zvose zvamunokumbira.
6Zvino ndavakuziva kuti TENZI
achabatsira muzodzwa wake,
achamupindura ari kudenga rake rinoera
nesimba roruoko rwake rworudyi.
7Vamwe vanovimba nengoro dzehondo;
vamwe vanovimba namabhiza
asi isu tinovimba nezita raTENZI
Mwari wedu.
8Ivo vachaputsikira pasi vagowa
asi isu tichamuka tigomira takati twi.
9TENZI, Itai kuti mambo akunde,
tipindureiwo#20:9 Tipindureiwo: ChiHebheru chinoti dai mambo akangotipindurawo patinodaidzira. pazuva ratinodaidzira.
Zvasarudzwa nguva ino
Nziyo 20: SCLBD
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.