Maraki 4
4
Hero zuva guru raMwari rosvika
1 # 4:1 MuBhaibhiri rechiHebheru ndima iyi yose kusvikira kwokupedzisa ndiyo chitsauko 3:19–24. “Chinzwai, hero zuva rinouya,
“Zuva rinopisa sechoto.
Ipapo vanhu vanozvikudza navaiti vezvakaipa
vachava zvidzitsi zvazvo zvemashanga.
Zuva iroro richauya racho richavaroromesa
zvokuti harivasiyire mudzi
kana bazi zvaro.
Ndizvo zviri kutaura Tenzi wehondo nehondo.
2Asi imi munotya zita rangu
muchabudirwa nezuva roururami,
zuva rine kuporesa mumapapiro maro.
Muchaita chomurambamhuru
semhuru dzinobuda muchirugu.
3Izvozvo muchatsokodzera pasi vakaipa
nokuti vachava madota zvawo
pasi petsoka dzenyu pazuva racho
randichaita zvandichaita.
Ndizvo zviri kutaura Tenzi wehondo nehondo.
4“Rangarirai mutemo
womuranda wangu Mosesi
murao uya nezvirevo
zvandakamutemera kuHorebhu
zvinosunga Isiraeri yose
zvirevo nemirawo.
5“Chinzwai, ndichakutumirai muporofita Eriya,
zuva guru raTenzi
rinotyisa iroro risati rasvika.
6Iye achapindutsa mwoyo
yamadzibaba kuti vanzwanane navana vavo
uyewo kupindutsa mwoyo yavana kuitira kuti
vanzwanane namadzibaba avo; nokuti
ndingadaro ndikauya ndikapinza
nyika murushambwa.”
Zvasarudzwa nguva ino
Maraki 4: SCLBC
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.