Luke 23
23
Silumeɏyan Pilate Si Jesus
(Mat. 27:1-2, 11-14; Mrk. 15:1-5; Jhn. 18:28-38)
1Lummalibbyat cha Kukunsiseɏ ot illiyoycha si Jesus kan Pilate un Gubillachuɏ. 2Ot inchiɏumcha si Jesus un kalancha, “Chingngeɏmi allaʼn leɏakiʼn pin-ala allilawon cha kailiyanmi ya ipalitla chikamiʼn mambyayed si bugis kan Emperador. Ya kalala boʼn siya Kristu un ingkarin Apudyus un umali man-Ari.”
3Kalan Pilate kan siya, “Sika kamma Arin cha Judio?”
Kalan Jesus un summongbyat, “Ustu imbyegam.”
4Oli pun kalan Pilate kan cha ap-apun cha papachi ya cha amod un taguʼn inggew, “Lappun lachuktaɏak si byasuɏn chi taguʼn alla un siya gapun chi matoyala.”
5Ngim iliissitcha kalan un, “Tiludtuchuwala cha taguʼn sumanga si gubillu si losan un mampa Judea. Illugilaʼd Galilee ot allan siya bò utla Jerusalem.”
Silumeɏyan Herod Si Jesus
6Chingngeɏn pun Pilate imbyegacha, ilimusla, “IGalilee kamma leɏakiʼn alla?” 7Laammuwala pun un lampeɏpu si Jesus si iliʼn inturayan Herod, imbuunla si Jesus kan Herod un aspuɏʼn illinggew ud Jerusalem si hachiʼn timpu.
8Latetteɏok si Herod si intullonglà Jesus, ti labyeyeg un piolaʼn itullong siya gapu ta chingchingngeɏla mipanggop kan siya ya lilamlamalaʼn itullong si Jesus un mangwa kan cha lakaskaschaaw. 9Ot lan-im-imus si Herod kan Jesus, ngim achipun summongbyat si Jesus. 10Cha ap-apun cha papachi ya mimistulun chi lintog, ilam-amod cha pilabyasuɏ si Jesus. 11Ot si Herod ya cha susuɏchachula ilam-amsiwcha siya ya imbibiincha. Oli pun sililupancha siya si bibiɏu ot inyulincha kan Pilate. 12Si hachiʼn eɏgew, langgeyyom cha Herod kan Pilate, un sigud un mambusuɏcha.
Ha Lakodchongan Jesus Un Mapatoy
(Mat. 27:15-26; Mrk. 15:6-15; Jhn. 18:38--19:16)
13Ilayagen Pilate cha ap-apun cha papachi, cha papangat ya cha tagu, 14ot kalala kan chicha, “Inggetongyu allaʼn tagu kan sakon ot kalanyun pin-ala allilawon cha tagu. Silumeɏyak siya si sangwalanyu ot lappun inchesak si kingwala un ipabpabyasuɏyu kan siya. 15Ulay si Herod, lappun inchesala si byasuɏla, ti inyulinla siya kan chitaku. Lappun kingwan chi taguʼn alla un siya gapun chi matoyala. 16Ked pasaplitku siya ked asik ot ibuɏus.” 17Imbyegan Pilate hachi ti tilawon un umibuɏus si osaʼn byaɏud si timpun chi Piyastan Lallausan.
18Ngim cha taguʼn lachagup, pumalakuychaʼn kalancha, “Patoyom siya! Si Barrabas chi ibuɏuslu!” 19Libyaɏud si Barrabas gapu ta siya osaʼn langgulu si gubillu ud Jerusalem ya inggew chi osaʼn taguʼn pilatoyla.
20Pion Pilate un ibuɏus si Jesus ot kilaugudla kasin cha tagu. 21Ngim pummalakuycha, “Ilansam si krus! Ilansam si krus!”
22Impitlun Pilate ilàaɏuk chicha un kalala, “Puggey? Simma byasuɏla? Lappun inchesak si byasuɏla ta siya gapun chi matoyala. Pasaplitku siya ked asik ot ibuɏus.”
23Ngim impakupakuychaʼn impatut un milansa si Jesus si krus. Ot si alungusla, inteun Pilate. 24Ot silintinsiyaala si Jesus un mapatoy, un siya chawatcha. 25Imbuɏusla si Barrabas un libyaɏud gapu si gulu un kingwala ya pummatoyala. Ot impuɏangla si Jesus kan chicha ta kooncha pionchaʼn koon kan siya.
Ha Langilansaancha Kan Jesus Si Krus
(Mat. 27:32-44; Mrk. 15:21-32; Jhn. 19:17-27)
26Ot intallay cha suɏchachu si Jesus ot ilabotcha si chaɏan chi osaʼn leɏakiʼn mangngachen Simon un iCyrene. Lampeɏpu si tattaɏun un umoy ud Jerusalem. Chilokmaancha siya ot ipabukudcha krus kan siya ot mituntun-ud kan Jesus.
27Amod cha taguʼn lituntun-ud kan Jesus, lipati cha uchum un byebyaiʼn sinchachauy ya sin-iibin gapu kan siya. 28Lantuwili si Jesus kan chicha ot kalala, “Chikayuʼn byebyaiʼn iJerusalem, achiyu sakon pin-a ibilan, ngim siyad ibilanyu cha long-egyu ya cha aalakyu. 29Ti gumatong chi timpu un asin cha tagu kalan, ‘Pian cha byebyaiʼn byasig, un achipun labugi ya achipun lampasusu!’ 30Ti hachiʼn timpu, asin cha tagu kalan si cha bibbilig un, ‘Migeubka kan chikami!’ ya ‘Lakkobyem chikami!’#23:30 Hosea 10:8; Revelation 6:16 31Ti lu katchi makwa si maatan kayu, giluɏa bo chi makwa lu meɏangu chi kayu?”
32Inggew bo chuwaʼn kapapatoy un impaticha intallay ta makachisancha mapatoy kan Jesus. 33Lichuum cha pun si lugeɏʼn kalanchaʼn Bettukeg, illansacha si Jesus si krus ya cha chuwaʼn kapapatoy. Inggew chi osa si machuwalan Jesus ya inggew bo osa si machuwigi. 34Lagamput pun chi hachi, kalan Jesus, “Ama, pakawalom chicha, ti achipuncha ammu pin-acha koon.”
Lambibillulut cha suɏchachu lu silu mangingkuwa si silupla ot mambisbissakancha.#23:34 Psalm 22:18
35Sinsisiked cha taguʼn lamubuya kan Jesus, ngim cha papangat cha Judio pin-acha ilam-amsiw siya un kalancha, “Taguwola cha uchum un tagu. Taguwola otyan bo long-egla lu siya Kristu un chilutukan Apudyus!”#23:35 Psalm 22:7
36Ilam-amsiw cha susuɏchachu siya, ummachalicha kan Jesus asicha ot pilailuman si kummilom un byeyas,#23:36 Psalm 69:21 37ot kalancha, “Lu sika Arin cha Judio, taguwom otyan bo long-eglu!”
38Inggew chi liigili si uɏuwan Jesus si krus, un kalala, “Allaya Arin cha Judio.”
39Ha osaʼn kapapatoy un lilansa si cheeg Jesus, imbibiinla siya ot kalala, “Lu tuttuwaʼn sika Kristu, taguwom chi long-eglu ya chikami bo!”
40Ngim tilubngeɏn chi osaʼn kapapatoy siya, un kalala, “Lappun kamman ogyatlu kan Apudyus? Man-iisu chi laikodchong kan chitaku losan. 41Ngim chita, lobbongtan machusa gapu si kingwata, ngim ha taguʼn alla, lappun byasuɏla.”
42Oli pun kalala kan Jesus, “Apu Jesus, somsomkolak lu umalika manturay.”
43Kalan Jesus kan siya, “Ibyegak kan sika, si salaʼn eɏgew awedka kan sakon ud langit.”
Latoy Si Jesus
(Mat. 27:45-56; Mrk. 15:33-41; Jhn. 19:28-30)
44Lummamatuk ked, gummikbot chi losan un pita inggala si machema. 45Ot langkadwa lapissay chi ketilaʼn lisasàoy si templo, lallugi si ngatu ot ipacheɏala. 46Ot illipkaw Jesus un kalala, “Ama, ipuɏangku kan sika kalichodwak!”#23:46 Psalm 31:5 Imbyegala pu hachi, latoy.
47Intullong ked chi kapitan cha susuɏchachu laklakwa, chilayawla Apudyus, un kalala, “Tuttuwaʼn lappun byasuɏ chi taguʼn alla!”
48Intullong pun cha taguʼn ummoy lambuyad chi lakwa kan siya, ummoyonchaʼn tugtugtugoncha biɏukungcha un mangipaila un sinchachauycha. 49Ngim cha bubuɏun Jesus ya cha byebyaiʼn lituntun-ud kan siya malipud Galilee, summisikedcha si achayu akit un langoottap si losan un laklakwa kan siya.
Ha Langimbolancha Kan Jesus
(Mat. 27:57-61; Mrk. 15:42-47; Jhn. 19:38-42)
50-51Inggew chi osaʼn leɏaki un mangngachen Joseph un iyArimathea si ili un sakup chi Judea. Siya ked machayaw si kilalintogla ya siya bo osaʼn manguuway si umaliyan chi Mampangatan Apudyus. Ulay lu siya osaʼn kunsiseɏn cha Judio, achipunla ingkama angosla kan cha simsimmok cha kadwalan lawwik kan Jesus. 52Ummoy si Joseph kan Pilate ot chilawatla lecheg Jesus ot inteunla. 53Ot ilopasla lecheg Jesus si krus ot bilussungla si luput ot illiyoyla illobon si kattitiktikanchaʼn biletun lobon un lappun lilobon. 54Lilobon si eɏgew chi mangiyalaan cha Judio si Sabyechuʼn man-illongancha.#23:54 Ha ugalin cha Judio, mallugi man-illongan si mipisukan chi ilit si kalima inggala si mipisukan chi ilit si Sabyechu.
55Cha byebyaiʼn lituntun-ud kan Jesus si lampeɏpuwanchaʼd Galilee, litun-udcha kan Joseph ot intullongcha lobon Jesus ya in-ilonchaʼn langimbon si lechegla. 56Oli pun, ummoyoncha ta umoycha iyala cha lugem ya mambyanguʼn apɏus un iggacha si lecheg. Labigat ked si Sabyechu ot lan-illongcha, ti siya lintogchaʼn Judio.#23:56 Exodus 20:10; Deut. 5:14
Zvasarudzwa nguva ino
Luke 23: HUA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2009, Wycliffe Bible Translators, Inc. in cooperation with Translators Association of the Philippines