Mapisarema 29
29
Izwi raJehovha
1Ipai, Jehovha, imi vanakomana vaMwari,
Ipai Jehovha kudzo nesimba.
2Ipai Jehovha kudzo yakafanirwa nezita rake;
Namatai kuna Jehovha nenguo tsvene.
3Izwi raJehovha riri pamusoro pemvura zhinji;
Mwari wokubwinya unotinhira,
Iye Jehovha ari pamusoro pemvura zhinji-zhinji,
4Izwi raJehovha rine simba;
Izwi raJehovha rizere noumambo.
5Izwi raJehovha rinovhuna misidhari;
Zvirokwazvo, Jehovha anovhunanya misidhari yeRebhanoni.
6Anoipemberesa semhuru;
Iro Rebhanoni neSirioni semhuru yenyati.
7Izwi raJehovha rinopamura mirazvo yomoto.
8Izwi raJehovha rinodederesa renje;
Jehovha anodederesa renje reKadheshi.
9Izwi raJehovha rinoberekesa nondo,
Rinosvuura miti yamatondo;
Nomutemberi yake zvose zvinoti,
“Kubwinya.”
10Jehovha akagara pachigaro chohushe
paboporodzi remvura;
Zvirokwazvo, Jehovha anogara ari
mambo nokusingaperi.
11Jehovha achapa vanhu vake simba;
Jehovha acharopafadza vanhu vake norugare.
Zvasarudzwa nguva ino
Mapisarema 29: SNA2002
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Shona Union Version 2002