Mapisarema 142
142
Munyengetero womunhu anotambudzwa navavengi vake
Rwiyo rweMashiri rwaDhavhidhi, panguva yaakanga ari mubako; munyengetero.
1Ndinodanidzira nezwi
rangu kuna Jehovha;
Nezwi rangu ndinonyengetera kuna Jehovha.
2Ndinodurura kuchema kwangu pamberi pake;
Ndinomuzivisa kutambudzika kwangu.
3Panguva yokumanikidzwa kwomweya wangu
mukati mangu, makaziva nzira yangu.
Panzira yandinofamba nayo
vakandivanzira musungo.
4Tarirai kurudyi rwangu, muone;
nokuti hakuna munhu anondiziva;
Ndashaiwa utiziro; hakuna munhu
ane hanya nomweya wangu.
5Ndakadanidzira kwamuri, Jehovha;
Ndakati, “Ndimi utiziro hwangu,
Nomugove wangu panyika yavapenyu.”
6Teererai kudanidzira kwangu;
nokuti ndinoshaiwa simba kwazvo;
Ndirwirei panavanonditambudza;
nokuti vanondikurira nesimba.
7Budisai mweya wangu patorongo,
kuti ndivonge zita renyu;
Vakarurama vachandipoteredza;
Nokuti muchandiitira zvakanaka kwazvo.
Zvasarudzwa nguva ino
Mapisarema 142: SNA2002
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Shona Union Version 2002