Jeremiya 16:5-9

“Nokuti zvanzi naJehovha, ‘Usapinda muimba yokuchema, usavawungudzira kana kuvachema;’ nokuti zvanzi naJehovha, ‘Ndabvisa rugare rwangu pavanhu ava, ihwo hunyoro hwangu nenyasha dzangu.’ “Vakuru navaduku vose vachafa munyika ino; havangavigwi, navanhu havangavachemi, kana kuzvicheka nokuzviveura nokuda kwavo; vanhu havangavameduriri chingwa pakuchema kwavo, vachiti vavanyaradze pamusoro pavakafa, uye vanhu havangavapi mukombe wokunyaradza vanwe pamusoro pababa vavo kana mai vavo. “Newe usapinda muimba yomutambo, kuti ugare navo, uchidya nokunwa. Nokuti zvanzi naJehovha wehondo, Mwari waIsiraeri, ‘Tarirai, ndichagumisa panzvimbo ino, muchizviona pamazuva enyu, inzwi rokuseka, nenzwi romufaro, nenzwi rechikomba nenzwi romwenga.’