Ɀakazarurwa 17:3-14

Ipapo wakandiisa kurenje mumŋeya, ndikaʋona mukadzi akataȿa cikara citȿuku, cizere namazita okumhura Mŋari, cinemisoro minomŋe nenyaŋga gumi. Mukadzi wakaŋga akapfeka ŋguʋo tȿuku neshaʋa, akashoŋga ndarama namabge anokosha, namaparera, nomuruʋoko rwake makaŋga munomudziyo wendarama uzere neɀinonyaŋgadza netȿina yoʋupombge bgake. Pahuma yake pakaŋga pakanyorwa zita rakaʋanzika iri: BABIRONI, GUTA GURU, MAI ƲEMHOMBGE NAƲEⱿINONYAŊGADZA ⱿENYIKA. Ipapo ndakaʋona mukadzi akaɓatwa neropa raʋatȿene, ʋuye neropa reɀapupu ɀaJesu; ndikati ndicimuʋona ndikashamiswa nokushamiswa kukuru. Ipapo mutumŋa akati kwandiri: Washamiswa neiko? Ndicakuʋudza ɀakaʋanzika ɀomukadzi, neɀecikara cinomutakura cinemisoro minomŋe nenyaŋga dzinegumi. Cikara cawaʋona, caiʋa’po, hacici’po; coɗo‐kukwira cicibva mugomba rakadzika‐dzika kundoparadzwa; ʋanogara panyika ʋasina‐kunyorwa mazita aʋo mubuku yoʋupenyu kubva pakusikwa kwenyika, ʋacashamiswa kana ʋaciʋona cikara, kuti caiʋa’po, hacici’po, ʋuye cicazoʋa’po. Ndipo panokufuŋga kunenjere. Misoro minomŋe ndiwo makomo manomŋe, anogarwa nomukadzi. Ndiwo madzimambo manomŋe; ʋashanu ʋawa, mumŋe uri’po, mumŋe ugere kuȿika; kana aciȿika, unofanira kugara ciŋguʋa ciɗuku. Cikara caiʋa’po, cisisi’po, ndiye worusere, mumŋe waʋanomŋe, unondoparadzwa. Nyaŋga dzinegumi dzawaʋona, ndiwo madzimambo anegumi, acigere kupiwa ʋushe, asi ʋacapiwa simba samadzimambo pamŋe cete necikara ŋguʋa imŋe. Iʋo ʋanendaŋgariro imŋe, ʋanopa cikara simba raʋo noʋushe bgaʋo. Aʋa ʋacarwa neGwaiana, Gwaiana ricaʋakunda; nokuti iro ndiShe wamadzishe, namambo wamadzimambo; naiʋo ʋanaro ndiʋanhu ʋakaɗanwa, ʋatȿene, ʋakatendeka.