Mapisarema 98
98
Jehova Mambo noMutoŋgi ŋgaarumbidzwe.
1Imbirai Jehova rwiyo rutȿa;
Nokuti wakaita ɀinhu ɀinoshamisa;
Canza cake corudyi, noruʋoko rwake rutȿene, ɀakamukundisa.
2Jehova wakaziʋisa kuponesa kwake;
Wakaratidza pacena kururama kwake pamberi paʋahedeni.
3Wakaraŋgarira ngoni dzake nokutendeka kwake kuimba yaIsraeri;
Migumo yose yapasi yakaʋona kuponesa kwaMŋari weɗu.
4Pururudzai Jehova, pasi pose;
Ƌanidzirai, muimbe nomufaro, imbai nziyo dzokurumbidza.
5Imbirai Jehova nziyo dzokurumbidza nembira;
Nembira, ʋuye nenzwi rokuimba.
6Nehwamanda, nenzwi romumanzi
Pururudzai pamberi paMambo, Jehova.
7Guŋgwa ŋgaritinhire neɀose ɀiri mukati maro;
Nenyika, naʋanogara’mo.
8Nzizi ŋgadziʋucire;
Namakomo ŋgaaimbe pamŋe cete nomufaro;
9Pamberi paJehova, nokuti unoʋuya kuzotoŋga pasi,
Ucatoŋga nyika ɀakarurama,
Naʋanhu nokururama.
Zvasarudzwa nguva ino
Mapisarema 98: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018