Ɀireʋo 7:6-23

Nokuti ndakatarira pawindi yeimba yaŋgu, Paʋutanda bgewindi yaŋgu; Ndikatarira pakati paʋasinamano, Ndikaʋona pakati pamajaya Rimŋe jaya rakashaiwa njere; Ricipfuʋura nenzira yomumusha pedyo nekona yeimba yomukadzi uyo, Ricifamba nenzira kuimba yomukadzi; Neŋguʋa yorubvunza‐ʋaeni, neŋguʋa yamaɗeko ezuʋa, Pakati poʋusiku kwaȿiɓa. Ɀino tarira, mukadzi akasoŋgana naye, Wakaŋga akafuka secifeʋe, anokunyeŋgedzera pamŋoyo. Unopupira, aciita seɀaanoɗa; Tsoka dzake hadzigari mumba make; Imŋe ŋguʋa uri munzira dzomumusha, imŋe ŋguʋa pamatare; Unorindira pamakona ose. Ɀino iye akamuɓata, akamuȿeta; Akataura naye neciso cisino‐kunyara, akati kwaari: Ndaifanira kuʋuya neɀiɓayiro ɀeɀipiriso ɀokuyananisa, Nhasi ndaripa mhiko dzaŋgu. Saka ndaɓuɗa kuzokuciŋgamidza, Nditȿake ciso cako ɀikuru, ɀino ndakuwana. Ndakawarira macira anoʋukomba pamubeda waŋgu, Nemiceka inamaʋara inobva Egipita. Ndakasasa ɀinonhuwira pamubeda waŋgu, Mura, negaʋakaʋa, nekinamoni. Ʋuya tigute nokuɗana kuȿikira maŋgwanani; Ŋgatiɀifadze nokuɗana kukuru. Nokuti murume haa’po pamusha; Wakafamba rwendo rukuru; Wakaenda nehomboɗo inemari; Ucadzoka pajena guru. Nokutaura kwake kuzhinji kwakanaka unomutsausa, Unomugombedzera nokuɓata kumeso kwemiromo yake. Unomuteʋera pakarepo, Senzombe inoenda kwainondoɓayiwa, Kana seɓenzi rakasuŋgwa rinoenda kundoraŋgwa; Kuȿikira museʋe waɓaya ciropa cake; Seshiri inokurumidzira kurugombe, Asiŋgaziʋi kuti ɀinoʋiŋga ʋupenyu bgake.