Isaya 40
40
Jehova unonyaradza ʋanhu ʋake.
1Nyaradzai, nyaradzai ʋanhu ʋaŋgu, ndiɀo ɀinoreʋa Mŋari wenyu. 2Taurai ɀiŋgaʋaraidza Jerusarema, ɗanidzirai kwaʋari kuti kurwa kwaʋo kwapera, kuti ɀakaipa ɀaʋo ɀakaŋganwirwa, kuti ʋapiwa noruʋoko rwaJehova kurobga kwakariŋgana pamsoro peɀiʋi ɀaʋo.
3Inzwi rounoɗanidzira, aciti: Gadzirai murenje nzira yaJehova, ruramisirai Mŋari weɗu mugwagwa musaŋgo. 4Mipata yose icazadzwa, makomo ose neɀikomo ɀose ɀicaɗeredzwa; panamakoroŋga pacaenzaniswa; pasakaenzana pacaitwa ɓani; 5kubginya kwaJehova kucaratidzwa, nyama yose icaɀiʋona pamŋe cete; nokuti muromo waJehova wakataura iɀoɀo. 6Inzwi rounoti: Ƌanidzirai! Mumŋe akati: Ndicaɗanidzireiko? Nyama yose ʋuswa, kunaka kwaɀo kwose kwakaita seruʋa rokusaŋgo. 7Ʋuswa ʋunowoma, ruʋa rinoȿaʋa, nokuti mŋeya waJehova unofuridza pamsoro paɀo; ɀirokwaɀo ʋanhu ʋuswa. 8Ʋuswa ʋunowoma, ruʋa rinoȿaʋa; asi shoko raMŋari weɗu ricagara nokusiŋgaperi.
9Nhai, iwe, unoparidzira Zioni mashoko akanaka, kwira pagomo refu; nhai, iwe, unoparidzira Jerusarema mashoko akanaka, ɗanidzira nesimba, ɗanidzira, usatya; uti kumaguta aJuda: Tarirai, Mŋari wenyu! 10Tarirai, Ishe Jehova ucaʋuya somunhu unesimba, ruʋoko rwake rucamuɓatira ʋushe; tarirai, muɓairo wake unawo, ɀaanoripira ɀiri pamberi pake. 11Ucafudza ɓoka rake somufudzi, ucaʋuŋganidza makwaiana ake mumaʋoko ake, nokuatakura pacifuʋa cake, ucanatsa kutuŋgamirira nhunɀi dzinomnisa.
Ʋukuru bgaJehova.
12Ndianiko wakayera mvura zhinji mucanza coruʋoko rwake, nokuyera ɗeŋga napanoȿika minwe, nokuenzanisa guruʋa rapasi neciyero, nokuyera kurema kwamakomo neciidzo, neɀikomo neciyero? 13Ndianiko wakayera Mŋeya waJehova, kana wakamudzidzisa acimuraira namano? 14Wakaraŋgana nani, ndiani wakamuraira nokumudzidzisa nzira yokururamisira, nokumudzidzisa ziʋo, nokumuratidza nzira yenjere here? 15Tarirai, marudzi aʋanhu akaita seɗonwe remvura muciroŋgo, aneŋge guruʋa shomanene paciyero; tarirai, unosimudza ɀiwi secinhu ciɗuku‐ɗuku. 16Rebanoni harinehuni dziŋgariŋgana kuʋesera, kunyaŋge mhuka dzaro hadziriŋgani kuitwa ɀipiriso ɀiŋgapiswa. 17Marudzi ose akaita pamberi pake sapasinecinhu; pakufuŋga kwake akaita saasi’po, cinhu cisinamaturo. 18Ɀino muŋgafananidza Mŋari naniko? Kana muŋgamuenzanisa nomufananidzo upiko? 19Kana uri mufananidzo, muʋumbi wakauʋumba, mupfuri wendarama unounamira nendarama, ndokuupfurira ʋuketani bgesirveri. 20Murombo unoshaiwa cipo cakaɗaro, unosanaŋgura muti usiŋgaʋori; unoɀitȿakira mhizha yakacenjera iŋgamuʋezera mufananidzo usiŋgazunuŋguki. 21Hamuna‐kuziʋa here? Hamuna‐kunzwa here? Hamuna‐kuɀiʋudzwa kubva pakutaŋga here? Hamuna‐kunzwisisa kubva pakuteyiwa kwenyika here? 22Ndiye ugere kumsoro kwenyika yakaʋuruŋgana, ʋanhu ʋagere’po ʋakaita semhashu; ndiye unotatamura ɗeŋga somuceka, nokuriwadza setente kuti agare’mo; 23ndiye unoɗeredza macinda kuȿikira oita saasi’po, ʋatoŋgi ʋenyika unoʋaita secinhu cisinamaturo. 24Ɀirokwaɀo, haʋana‐kusimŋa, ɀirokwaɀo, haʋana‐kudɀarwa, ɀirokwaɀo, hunde yaʋo haina‐kuɓata pasi; ɀino wofuridza pamsoro paʋo, ʋowoma, necampupuri cinoʋabvisa sehundi. 25Ko ɀino muŋgandifananidza nani, kuti ndienzane naye? ndiɀo ɀinotaura Mutȿene. 26Tarirai kumsoro nameso enyu, muʋone kuti ndiani wakasika iɀoɀi, unoɓuɗisa hondo yaɀo yakawanda; iye unoɀiɗana ɀose namazita aɀo; nokuɗa kwoʋukuru bgesimba rake, ʋuye ɀaari mukuru pakusimba kwake, hakune‐cimŋe cinoshaikwa.
27Unoreʋereiko, iwe Jakobo, unotaurireiko iwe Israeri, uciti: Nzira yaŋgu haizikanwi naJehova, Mŋari waŋgu unondiɗarika asiŋgandiruramisiri? 28Hauna‐kuziʋa here? Hauna‐kunzwa here? Mŋari usiŋgaperi, Jehova, Musiki wamatiʋi ose enyika, haaziyi, haaneti; njere dzake hadziŋgazikanwi. 29ʋanoziya unoʋapa simba; unoshaiwa simba unomuwedzera simba rake. 30Kunyaŋge naʋakomana ʋacaziya nokuneta, namajaya acawira pasi cose; 31asi ʋanomirira Jehova ʋacawana simba idɀa; ʋacabururuka namapapiro samakondo, ʋacamhanya ʋasiŋganeti, ʋacafamba ʋasiŋgaziyi.
Zvasarudzwa nguva ino
Isaya 40: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018