Isaya 30
30
ƲaIsraeri ŋgaʋarege kuʋimba neEgipita.
1Ɀanzi naJehova: Ʋanenhamo ʋana ʋanondimukira, ʋanofuŋga mano ʋasiŋgandibvunzi, ʋanoita suŋgano ɀisiŋgabvi paMŋeya waŋgu, kuti ʋawedzere ɀiʋi neɀiʋi; 2ʋanoɀiroŋgedza kuenda Egipita, ʋasino‐kubvunza muromo waŋgu, kuti ʋaɀisimbise nesimba raFarao, nokuʋanda mumumvuri weEgipita. 3Naiɀoɀo simba raFarao ricakunyadzisai, kuʋanda kwenyu mumumvuri waFarao kucaʋa kukaŋganisa kwenyu. 4Nokuti macinda aʋo ari paZoani, nhume dzake dzaȿika Hanesi. 5Ʋose ʋacanyadziswa pamsoro porudzi rwaʋanhu ʋasiŋgagoni kuʋafumisa, ʋasiŋgaʋaɓatsiri kana kuʋafumisa, asi kuʋanyadzisa nokuʋashoʋodza.
6Cireʋo pamsoro peɀikara ɀenyika yezasi.
Panyika yokutambudzika neyokucema, kunobva shumba hadzi negonho, nenyoka, nenyoka yomŋoto inobururuka, ndi’po paʋanotakudza fuma yaʋo pamsoro pamafudzi aʋana ʋemboŋgoro, neɀinokosha ɀaʋo panyuŋgwa dzamakamera, ʋaciɀiisa kuʋanhu ʋasiŋgaʋafumisi. 7Nokuti Egipita inoɓatsira pasina, ɀisinamaturo; saka ndakaitumidza zita rokuti Rahabi unoŋgogara ɀake. 8Ɀino cienda, uɀinyore pamberi paʋo pahwendefa rebge, uɀinyore mubuku, ɀiʋe’po paŋguʋa inoʋuya nokusiŋgaperi‐peri. 9Nokuti aʋa rudzi runondimukira, ʋana ʋanenhema, ʋana ʋasiŋgaɗi kunzwa murairo waJehova; 10ʋanoti kuʋaʋoni: Musaʋona; nokuʋaprofita: Musatiprofitera ɀinhu ɀakarurama, tiʋudzei ɀinofadza, tiprofitere ɀinonyeŋgera; 11ibvai panzira, tsaukai pagwara, bvisai Mutȿene waIsraeri pamberi peɗu. 12Naiɀoɀo ɀanzi noMutȿene waIsraeri: Ɀamunoɀidza shoko iri, muciʋimba nokumanikidzwa nokunyeŋgera, muciɀitenda iɀo; 13naiɀoɀo kuipa uku kucaʋa kwamuri sapakakoromoka panoɗa kuwa, panotȿeyama paruȿiŋgo rwakareɓa, panowa kamŋe‐kamŋe pakarepo. 14Ucaiputsa seɀinoputswa mudziyo womuʋumbi, ucaiputsa‐putsa asinenyasha, kuȿikira pacishaikwa pakati peɀimeɗu ɀayo caeŋga cokundogoka mŋoto naco pacoto, kana kutekesa mvura naco patsime. 15Nokuti ɀanzi naShe Jehova, Mutȿene waIsraeri: Pakudzoka nokuzorora ndi’po panoruponeso rwenyu, pakunyarara napakutenda ndi’po pacaʋa nesimba renyu; asi makaramba, 16mukati: Kwete, ticatiza takataȿa mabiza; saka mucatiza ɀenyu; ʋuye ɀe: Ticataȿa mabiza anomhanyisa; saka ʋanodziŋgana nemi ʋacamhanyisa. 17Ʋanecuru ʋacatiza kana ʋaciʋambga nomumŋe; mucatiza kana muciʋambga naʋashanu; kuȿikira masiyiwa seɗanda pamsoro pegomo, somureza pamsoro pecikomo. 18Naiɀoɀo Jehova ucambomira, kuti akunzwirei tsitsi; naiɀoɀo ucakudzwa, kuti aʋe nenyasha nemi, nokuti Jehova ndiMŋari wokururamisira; ʋakaropafadzwa ʋose ʋanomumirira.
19Nokuti ʋanhu ʋacagara paZioni paJerusarema; hamuŋgazocemi, ɀirokwaɀo ucakunzwirai tsitsi, kana acinzwa kucema kwenyu; kana acinzwa, ucakupindurai. 20Kunyaŋge Ishe akakupai ciŋgwa cenhamo nemvura yokutambudzika, kunyaŋge ɀakaɗaro ʋadzidzisi ʋenyu haʋaŋgazoʋandi, asi meso enyu acaʋona ʋadzidzisi ʋenyu; 21nzeʋe dzenyu dzicanzwa shoko shure kwenyu, riciti: Heyi nzira, fambai nayo! kana muciɗa kutsaukira kurudyi, kana ɀimŋe muciɗa kutsaukira kuruɓoshwe. 22Mucashatsa sirveri yakafukidza mifananidzo yenyu yakaʋezwa, nendarama yakanamirwa pamifananidzo yenyu yakaʋumbga; ucairashira kure secinhu cakashata; ucati kwaciri: Ibva pano. 23Ucakupa mvura yokumeresa mbeu yako, yaucadɀara muvu; neɀokudya, ɀinoɓerekwa nevu, ɀicaʋa ɀakakora ɀizhinji. Nezuʋa iro ŋombe dzenyu dzicafura pamafuro makuru; 24nzombe naʋana ʋemboŋgoro, ɀinorima minda, ɀicadya ɀokudya ɀakaruŋgwa, ɀakarudzwa nemitȿairo nemisero. 25Pamsoro pegomo rimŋe nerimŋe rakareɓa, napacikomo cimŋe necimŋe cakakwirira, pacaʋa nenzizi nehoʋa dzemvura, nezuʋa rokuʋurawa kukuru kana shoŋgwe dziciwa. 26Ʋuye ɀe, ciedza comŋedzi cicafanana neciedza cezuʋa, ciedza cezuʋa cicawedzerwa kanomŋe, seciedza camazuʋa manomŋe, nezuʋa iro kana Jehova acisuŋga pakakuʋara paʋanhu ʋake, nokuporesa ʋaŋga raʋakarobga.
Jehova ucakunda ʋaAsiria.
27Tarirai, zita raJehova rinobva kure, ricipisa nokutsamŋa kwake, riciɓuɗisa ʋutsi ʋuzhinji; miromo yake izere nehasha, rurimi rwake rwakafanana nomŋoto unopedza ɀose; 28mŋeya wake wakaita sorwizi runofema kunze, runoȿikira pamutsipa, kuti asere marudzi aʋanhu nomusero wokuparadza; matomu anotsausa acaʋa mumiromo yaʋanhu. 29Mucaimba rwiyo, seɀinoitwa ʋusiku kana mutambo mutȿene ucitambga; mucaʋa nokufara kwomŋoyo, wakafanana nowomunhu unoenda aciridza nyere kugomo raJehova, kuɗombo raIsraeri. 30Jehova ucanzwisa inzwi rake roʋumambo, ucaratidza kuɓuruka kworuʋoko rwake, nokutsamŋa kwake kukuru, nomuraɀo womŋoto unopedza ɀose, necampupuri, nokunaya kukuru kwemvura, necimvuramabge. 31Nokuti muAsiria ucakaŋganiswa nenzwi raJehova; ucamuroʋa neshamhu. 32Kuroʋa kwose kwetȿimbo yakatumŋa, yaacarobga nayo naJehova, kucaitwa nokurira kweŋgoma nembira; ucarwa naʋo nokurwa kucaʋazunuŋgusa. 33Nokuti Tofeti rakagara ragadzirwa; ɀirokwaɀo rakagadzirirwa mambo; wakaridzikisa nokurikurisa; ɗutu riri’po mŋoto nehuni zhinji; mŋeya waJehova, wakafanana norwizi rwesurferi, ucaɀipfutidza.
Zvasarudzwa nguva ino
Isaya 30: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018