Maɓasa Aʋaapostora 23
23
1Ɀino Pauro wakati acitarisisa kumakurukota, akati: Ʋarume, hama, ini ndakafamba pamberi paMŋari nehana yakarurama kuȿikira zuʋa ranhasi. 2Ipapo Ananiasi, muprista mukuru, akaraira ʋakaŋga ʋamire naye, kuti ʋamuroʋe muromo. 3Ipapo Pauro akati kwaari: Mŋari ucakuroʋa iwe, ruȿiŋgo rwakaceneswa; ugere’po kuti unditoŋge nomurairo, ɀino woraira kuti ndirobge, uciɗarika murairo here? 4Ʋakaŋga ʋamire’po ʋakati: Ko unotuka muprista mukuru waMŋari here? 5Pauro akati: Hama dzaŋgu, ndakaŋga ndisiŋgaziʋi kuti ndiye muprista mukuru; nokuti kwakanyorwa, kucinzi: usataura ɀakaipa pamsoro pomuɓati waʋanhu ʋako. 6Ɀino Pauro wakati aciʋona kuti ʋamŋe ndiʋaSaduse naʋamŋe ʋaFarise, akaɗanidzira mumakurukota, akati: Ʋarume, hama, ini ndiri muFarise, mŋanakomana waʋaFarise, ndinotoŋgwa pamsoro petariro nokumuka kwaʋakafa. 7Wakati aɗaro, kupesana kukaʋa’po pakati paʋaFarise naʋaSaduse; ʋuŋgano ikaparadzana. 8Nokuti ʋaSaduse ʋaiti hapana‐kumuka kwaʋakafa, kana mutumŋa, kana mŋeya; asi ʋaFarise ʋaitenda iɀoɀo ɀose. 9Ɀino ɓope guru rikaʋa’po; ʋamŋe ʋanyori ʋokuʋaFarise ʋakasimuka, ʋakaita nharo, ʋaciti: Hatiʋoni cinhu cakaipa kumunhu uyu; ɀimŋe mŋeya wakataura naye, kana mutumŋa. 10Ɀino kupesana kukuru kuciɗa kumuka, mukuru wecuru camazana akatya kuti Pauro uŋgabvamburwa naʋo, akaraira ʋarwi kuti ʋaɓuruke, ʋamubvute pakati paʋo, ʋamuise muimba yaʋarwi.
11Ʋusiku bgakateʋera, Ishe akamira naye, akati: Tsuŋga mŋoyo, seɀawakandipupurira kwaɀo paJerusarema, unofanira kupupura paRoma ʋo.
Ʋamŋe ʋaJuda ʋanoɀisuŋga kuʋuraya Pauro; unoiswa Kesaria.
12Ɀino kwakati kwaedza, ʋaJuda ʋakaita raŋgano, ʋakaɀisuŋga nokupika, ʋaciti, haʋaŋgadyi kana kunwa kuȿikira ʋaʋuraya Pauro. 13Ʋakaŋga ʋaita raŋgano iyo, ʋakapfuʋura makumi manna. 14Aʋa ʋakaenda kuʋaprista ʋakuru naʋakuru, ʋakati: Taɀisuŋga nokupika kukuru, kuti hatiŋgadyi cinhu, kuȿikira taʋuraya Pauro. 15Naiɀoɀo ɀino imi, namakurukota, muziʋise mukuru wecuru camazana, kuti amuɓurusire kwamuri, muciita somunoɗa kunatso‐bvunzisisa mhoȿa yake; isu taɀigadzira kuti timuʋuraye, asati asweɗera. 16Ɀino mŋanakomana wehanɀadzi yaPauro akanzwa ɀokuʋandira kwaʋo, akaenda, akapinda mumba maʋarwi, akaʋudza Pauro. 17Ipapo Pauro akaɗana mumŋe waʋakuru ʋezana, akati: Isa jaya iri kumukuru wecuru camazana; nokuti uneshoko raanoɗa kumuʋudza. 18Naiɀoɀo akamutora, akaenda naye kumukuru wecuru camazana, akati: Pauro musuŋgwa, wakandiɗana, akakumbira, kuti ndiʋuye nejaya iri kwamuri; uneshoko raanoɗa kukuʋudzai. 19Mukuru wecuru camazana akaɓata ruʋoko rwake, akaenda naye ʋari ʋoga, akamubvunza ʋari ʋoga, akati: Uneshoko reiko, raunoɗa kundiʋudza? 20Iye akati: ƲaJuda ʋakatenderana Kukumbira kwamuri, kuti muɓuruse Pauro kumakurukota maŋgwana, muciita somunoɗa kunatso‐bvunzisisa mhoȿa yake. 21Naiɀoɀo musaʋatenda; nokuti pakati paʋo kunaʋarume ʋanopfuʋura makumi manna ʋanomuʋandira ʋakaɀisuŋga nokupika, kuti haʋaŋgadyi, kana kunwa, kuȿikira ʋamuʋuraya; ɀino ʋakaɀigadzira, ʋakatarira tendero inobva kwamuri. 22Naiɀoɀo mukuru wecuru camazana akaendisa jaya, akamuraira, aciti: Usaʋudza munhu, kuti wandiziʋisa iɀoɀo. 23Ɀino akaɗana ʋakuru ʋezana ʋaʋiri, akati: Gadzirai ʋarwi ʋanamazana maʋiri, naʋanotaȿa mabiza ʋanamakumi manomŋe, naʋanamapfumo ʋanamazana maʋiri, ʋaende Kesaria neŋguʋa yecitatu yoʋusiku; 24muʋatȿakire ɀipfuwo, kuti ʋataȿise Pauro, ʋagonatso‐muisa kumuɓati Feriksi. 25Akanyora ŋwadi yakaŋga iciti:
26Kraudio Risia, kunaFeriksi, muɓati wakakurumbira kwaɀo, kwaziwai! 27Uyu munhu wakaɓatwa naʋaJuda, akaŋga oɗo‐kuʋurawa naʋo, ini ndikaȿika naʋarwi, ndikamurwira, ɀandakanzwa kuti muRoma. 28Ɀino ndakati ndiciɗa kuziʋa mhoȿa yaʋakamukwirira nayo, ndikamuɓurusira kumakurukota aʋo; 29ndikawana kuti wakwirirwa pamsoro pamashoko omurairo waʋo, asi asinemhoȿa yecinhu ciŋgafanira rufu kana kusuŋgwa. 30Ɀino ndakati ndaʋudzwa, kuti ʋoɗa kuʋandira munhu uyu, ndikamutumira kwamuri pakarepo, ndikaraira ʋanomukwirira kuti ʋataure pamberi penyu mhoȿa yake.
31Ɀino ʋarwi ʋakatora Pauro seɀaʋakarairwa, ʋakamuisa Antipatri ʋusiku. 32Fume maŋgwana ʋakarega ʋataȿi ʋamabiza, kuti ʋaende naye, iʋo ʋakadzokera kuimba yaʋarwi. 33Ʋaya ʋakati ʋaȿika Kesaria, ʋakapa muɓati ŋwadi, ʋakaisa ʋo Pauro pamberi pake. 34Wakati araʋa, akabvunza kuti ndowenyika ipi; ɀino wakati anzwa kuti ndoweKirikia, 35akati: Ndicakunzwa kwaɀo, kana ʋanokukwirira ʋaȿika ʋo; akaraira kuti aceŋgetwe mumba maHerode.
Zvasarudzwa nguva ino
Maɓasa Aʋaapostora 23: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018