II Samueri 19
19
1Ɀino Joabi akaʋudzwa, ɀicinzi: Tarira, mambo unocema nokuwuŋgudzira Absaromi. 2Naiɀoɀo kukunda kwezuʋa iro kwakashandurwa kukaʋa kucema kwaʋanhu ʋose, nokuti ʋanhu ʋakanzwa zuʋa iro ɀicinzi: Mambo unocema mŋanakomana wake. 3Ʋanhu ʋakapinda muguta zuʋa iro ʋaciʋereʋedza, saʋanhu ʋanonyara kana ʋacitiza kurwa. 4Mambo akafukidza ciso cake, mambo akacema nenzwi guru, aciti: Haiwa, mŋana waŋgu Absaromi, Absaromi, mŋana waŋgu, mŋana waŋgu! 5Ipapo Joabi akapinda mumba kunamambo, akati: Nhasi manyadza ɀiso ɀaʋaranda ʋenyu ʋose ʋakaponesa ʋupenyu bgenyu nhasi, noʋupenyu bgaʋanakomana naʋanasikana ʋenyu, noʋupenyu bgaʋakadzi ʋenyu, noʋupenyu bgaʋaroŋgo ʋenyu; 6nokuti munoɗa iʋo ʋanokuʋeŋgai, muciʋeŋga ʋanokuɗai. Nokuti makatiratidza nhasi, kuti hamunehanya namacinda naʋaranda, nokuti nhasi ndaʋona, kuti ɗai Absaromi akaŋga aciri mupenyu, nesu tose takafa heɗu nhasi, maifarira iɀoɀo. 7Naiɀoɀo ɀino simukai, muɓuɗe, mundotaura naʋaranda ʋenyu, muʋanyaradze; nokuti ndinokupikirai naJehova, kuti kana musiŋgaɓuɗi, hakunomunhu uŋgasara nemi ʋusiku bguno; iɀoɀo ɀiŋgaʋa ɀakaipa kwamuri kukunda ɀakaipa ɀose ɀakakuwirai kubva paʋuɗuku bgenyu kuȿikira ɀino. 8Ipapo mambo akasimuka, akandogara pasuʋo. Ʋakaʋudza ʋanhu ʋose, ʋaciti: Tarirai, mambo ugere pasuʋo; ʋanhu ʋose ʋakaʋuya pamberi pamambo.
Davidi unodzokera Jerusarema.
Ɀino ʋaIsraeri ʋose ʋakaŋga ʋatizira mumŋe nomumŋe kutente rake. 9Asi ʋanhu ʋose ʋakaŋga ʋaciita ɓope kumarudzi ose aʋaIsraeri, ʋaciti: Mambo wakatirwira pamaʋoko aʋaʋeŋgi ʋeɗu, akatiponesa pamaʋoko aʋaFiristia, ɀino wabva panyika acitiza Absaromi. 10Asi Absaromi watakaŋga tazodza kuti aʋe mambo weɗu, wafa pakurwa. Ɀino munoregereiko kutaurirana kudzosa mambo?
11Ɀino mambo Davidi wakatuma nhume kunaZadoki naAbiatari ʋaprista, akati: Taurai kuʋakuru ʋaJuda, muti: Imi munononokireiko kudzosa mambo kumba kwake? Nokuti mambo wakanzwa kuti ʋaIsraeri ʋose ʋanotaura kuti adzoswe kumba kwake. 12Imi muri hama dzaŋgu, muri mafupa aŋgu nenyama yaŋgu: ɀino munononokirei kudzosa mambo? 13Ɀino muti kunaAmasa: Iwe hauzi fupa raŋgu nenyama yaŋgu here? Mŋari ŋgaandiroʋe, arambe aciɗaro, kana iwe usiŋgazoʋi mukuru wehondo ŋguʋa yose pamberi paŋgu panɀimbo yaJoabi. 14Akarereʋudza mŋoyo yaʋanhu ʋose ʋaJuda somŋoyo womunhu mumŋe; naiɀoɀo ʋakatuma shoko kunamambo, ʋakati: Dzokai, imi naʋaranda ʋenyu ʋose. 15Naiɀoɀo mambo akadzoka, akaȿika paJoridani. ƲaJuda ʋakaȿika paGirgari, ʋakasoŋgana namambo, ʋakayambusa mambo Joridani.
16Ɀino Shimei mŋanakomana waGera, muBenjamini, wakaŋga agere Bahurimi, wakakurumidza akaɓuruka naʋarume ʋaJuda kundosoŋgana namambo Davidi. 17Iye waiʋa naʋarume ʋaBenjamini ʋanecuru cimŋe, naZiba, muranda weimba yaSauro, naʋanakomana ʋake ʋanegumi naʋashanu, naʋaranda ʋake ʋanamakumi maʋiri; iʋo ʋakayambuka Joridani pamberi pamambo. 18Igwa rikaenda kundoyambusa ʋeimba yamambo, nokuita seɀaʋaiɗa. Ipapo Shimei mŋanakomana waGera akaɀiwisira pasi pamberi pamambo, iye akayambuka Joridani. 19Akati kunamambo: Ishe waŋgu ŋgaarege kundipa mhaka; regai henyu kuraŋgarira kutadza kwomuranda wenyu zuʋa riya rokuɓuɗa kwashe waŋgu paJerusarema; mambo ŋgaarege hake kuraŋgarira iɀoɀo pamŋoyo pake. 20Nokuti muranda wenyu unoziʋa kuti ndakatadza; naiɀoɀo tarirai, nhasi ndaʋuya ndicitaŋgira ʋose ʋeimba yaJosefa, ndakaɓuruka kuzosoŋgana nashe waŋgu mambo. 21Asi Abishai mŋanakomana waZeruya, akapindura, akati: Shimei haafaniri here kuʋurawa pamsoro pecinhu ici, nokuti wakatuka muzodzwa waJehova? 22Davidi akati: Ndinemhoȿa yeiko nemi, imi ʋanakomana ʋaZeruya, ɀamunoɗa kuʋa ʋaʋeŋgi ʋaŋgu nhasi? Kuŋgaʋurawa munhu mumŋe waIsraeri nhasi here? Munoti handiziʋi here kuti ndiri mambo waIsraeri nhasi? 23Mambo akati kunaShimei: Hauŋgafi. Mambo akapika kwaari.
24Ɀino Mefibosheti mŋanakomana waSauro wakaɓuruka kuzosoŋgana namambo; asi iye wakaŋga asinakushambidza tsoka dzake, kana kupetura ndebvu dzake, kana kusuka ŋguʋo dzake, kubva pazuʋa rakaenda mambo kuȿikira zuʋa raakadzoka naro norugare. 25Ɀino wakati aȿika Jerusarema kuzosoŋgana namambo, mambo akati kwaari: Wakaregereiko kuenda neni, Mefibosheti? 26Iye akapindura, akati: Ishe waŋgu mambo, muranda waŋgu wakandinyeŋgera; nokuti muranda wenyu wakati: Ndicaɀiisira cigaro pamboŋgoro, ndiitaȿe, ndiende namambo, nokuti muranda wenyu cirema; 27iye akandocera muranda wenyu kunashe waŋgu mambo; asi ishe waŋgu mambo wakafanana nomutumŋa waMŋari; naiɀoɀo itai henyu seɀamunoɗa. 28Nokuti ʋose ʋeimba yaɓaɓa ʋaŋgu ʋaifanira kuʋurawa nashe waŋgu mambo; kunyaŋge ɀakaɗaro makagadza muranda wenyu pakati paʋaidya patafura yenyu. Ini ndicinesimba reiko rokucema naro kunamambo? 29Mambo akati kwaari: Ucaramba ucitaurireiko? Ndinoti: Iwe naZiba goʋanai nyika. 30Mefibosheti akati kunamambo: Iye ŋgaatore hake ɀose, ishe waŋgu mambo ɀaakadzokera kumba kwake norugare.
31NaBarzirai muGireadi wakaɓuruka ʋo acibva Rogerimi, akayambuka Joridani namambo, kuzomuperekedzera mhiri kwaJoridani. 32Ɀino Barzirai wakaŋga ari mutana kwaɀo, wakaŋga aȿika makore anamakumi masere; wakaŋga aʋigira mambo ɀokudya paŋguʋa yokugara kwake paMahanaimi, nokuti wakaŋga akafuma kwaɀo. 33Mambo akati kunaBarzirai: Hendei, tiyambuke tose, ini ndicakuraramisa kwandiri paJerusarema. 34Barzirai akati kunamambo: Makore oʋupenyu bgaŋgu acaʋa maŋganiko, kuti ndikwire Jerusarema namambo? 35Nhasi ndaʋa namakore makumi masere; ini ndicagona kutsaura ɀakanaka kuneɀakaipa here? Muranda wenyu ucagona kuraʋira ɀakanaka ɀaanodya kana ɀaanonwa here? Ndicagona kunzwa manzwi aʋarume naʋakadzi kana ʋaciimba here? Muranda wenyu ucaremedzereiko ishe waŋgu mambo? 36Muranda wenyu wakaŋga aciŋgoɗa hake kuyambuka Joridani namambo; ɀino mambo ucandiripira iɀoɀo nomuɓairo wakaɗai seiko? 37Regai, muranda wenyu adzoke hake, ndindofira haŋgu muguta raŋgu, pamarinda aɓaɓa ʋaŋgu namai ʋaŋgu; asi hoyo muranda wenyu Kimhami, iye ŋgaayambuke nashe waŋgu mambo, mugomuitira iye seɀamunoɗa. 38Mambo akapindura, akati: Kimhami ucayambuka neni, ini ndicamuitira iye seɀaunoɗa iwe; ɀose ɀaunoreʋa kwandiri ndicakuitira iɀo. 39Ʋanhu ʋose ʋakayambuka Joridani, naiye mambo akayambuka ʋo; mambo akaȿeta Barzirai akamuropafadza, iye akadzokera kumusha kwake.
40Naiɀoɀo mambo akayambukira Girgari, Kimhami akayambuka naye, naʋanhu ʋose ʋaJuda ʋakayambusa mambo, ʋuye ʋo hafu yaʋanhu ʋaIsraeri. 41Ɀino ʋarume ʋose ʋaIsraeri ʋakaʋuya kunamambo, ʋakati kunamambo: Hama dzeɗu, ʋarume ʋaJuda, ʋakakuɓireiko, ʋakayambusa mambo naʋeimba yake Joridani, pamŋe cete naʋarume ʋose ʋaDavidi? 42Ʋarume ʋose ʋaJuda ʋakapindura ʋarume ʋaIsraeri, ʋakati: Nokuti mambo ihama yeɗu yomumba; matsamŋireiko nemhaka iyi? Ko isu takatoŋgodya ɀamambo here? Iye wakatoŋgotipa cipo here? 43Ʋarume ʋaIsraeri ʋakapindura ʋarume ʋaJuda, ʋakati: Isu tinemigoʋe inegumi kunamambo, naDavidi ndoweɗu kukunda imi; ɀino imi makatiɀidzireiko, ɀamusina‐kutaŋga kuraŋgana nesu pamsoro pokudzosa mambo weɗu? Asi mashoko aʋarume ʋaJuda akaŋga acityisa kukunda mashoko aʋarume ʋaIsraeri.
Zvasarudzwa nguva ino
II Samueri 19: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018