II Madzimambo 20:1-21

Ɀino namazuʋa iwayo Hezekia wakarwara, kuȿikira pakufa. Muprofita Isaya mŋanakomana waAmozi akaȿika kwaari, akati kwaari: Ɀanzi naJehova: Ciraira nhaka yako, nokuti ucafa, hauŋgararami. Ipapo akatendeʋukira kumadziro, akanyeŋgetera kunaJehova, akati: Ƌoraŋgarirai henyu, Jehova, kuti ndakafamba pamberi penyu neɀokwaɗi nomŋoyo wose, ndikaita ɀakanaka pamberi penyu. Hezekia akacema kwaɀo. Ɀino Isaya wakaŋga acigere kuɓuɗa paruʋazhe rwapakati, shoko raJehova rikaʋuya kwaari, riciti: Dzoka ɀe, undoti kunaHezekia, mutuŋgamiriri waʋanhu ʋaŋgu: Ɀanzi naJehova Mŋari waDavidi ɓaɓa ʋako: Ndanzwa kunyeŋgetera kwako, ndaʋona misodzi yako; ɀino tarira, ndicakuporesa; nezuʋa recitatu ucakwira kuimba yaJehova. Ndicawedzera pamazuʋa ako makore anegumi namashanu; ndicakurwira iwe neguta rino paruʋoko rwamambo weAsiria, ndicadzitira guta rino nokuɗa kwaŋgu, ʋuye nokuɗa kwaDavidi muranda waŋgu. Ipapo Isaya akati: Ʋuyai neɓundu ramaʋonde. Iʋo ʋakaʋuya naro, ʋakariisa pamota, akapora. Ɀino Hezekia akati kunaIsaya: Ciratidzo cicaʋa ceiko kuti Jehova ucandiporesa, ndikwire kumba kwaJehova nezuʋa recitatu here? Isaya akati: Ici cicaʋa ciratidzo caJehova kwauri, kuti Jehova ucaita seɀaakataura: Unoɗa kuti mumvuri upfuʋurire mberi mitaro inegumi, kana udzoke mitaro inegumi here? Hezekia akapindura, akati: Ɀakareruka kuti mumvuri upfuʋurire mberi mitaro inegumi; kwete, mumvuri ŋgaudzoke mitaro inegumi. Ipapo muprofita akaɗana kunaJehova, akadzosera mumvuri shure mitaro inegumi pacikati caAhazi. Ɀino neŋguʋa iyo Berodaki‐baradani mŋanakomana waBaradani, mambo weBabironi, akatuma ŋwadi necipo kunaHezekia; nokuti wakaŋga anzwa kuti Hezekia wairwara. Hezekia akaʋanzwa, akaʋaratidza imba yose yakaŋga ineɀinokosha ɀake, sirveri, nendarama, neɀinonhuwira, namafuta anokosha, neimba yaiʋa nenhumbi dzake dzokurwa nadzo, neɀose ɀakaŋga ɀiri pafuma yake; kwakaŋga kusisinecinhu mumba make, kana muʋushe bgake bgose, caʋasina‐kuratidzwa naHezekia. Ɀino muprofita Isaya akaȿika kunamambo Hezekia, akati kwaari: Ko ʋarume aʋa ʋakati kuɗini? Ʋaȿika kwauri ʋacibvepiko? Hezekia akati: Ʋakabva kunyika iri kure, Babironi. Akati: Ʋakaʋonei mumba mako? Hezekia akapindura, akati: Ʋakaʋona ɀose ɀiri mumba maŋgu; hakunecinhu pakati pefuma yaŋgu candisina‐kuʋaratidza. Ipapo Isaya akati kunaHezekia: Inzwa shoko raJehova. Tarira, mazuʋa acaȿika, neŋguʋa iyo ɀose ɀiri mumba mako neɀose ɀakaʋuŋganidzwa namadziɓaɓa ako kuȿikira zuʋa ranhasi ɀicaiswa Babironi; hakunecinhu cicasiyiwa, ndiɀo ɀinotaura Jehova. Ʋamŋe ʋaʋanakomana ʋako, ʋacabva kwauri, ʋaucaɓereka, ʋacatapxa; ʋacaʋa ʋaranda mumba mamambo weBabironi. Ipapo Hezekia akati kunaIsaya: Shoko raJehova, ramataura, rakanaka haro. Akati ʋo: Ko handiɀo here, kana rugare neɀokwaɗi ɀiri’po haɀo pamazuʋa aŋgu? Ɀino mamŋe maɓasa aHezekia, nesimba rake, nokuita kwake dziʋa nomugero, nokuȿitsa kwake mvura muguta, haɀina‐kunyorwa here mubuku yamakoronike amadzimambo aJuda? Hezekia akaʋata namadziɓaɓa ake, Manase mŋanakomana wake akamuteʋera paʋushe.