I Samueri 4
4
ƲaFiristia ʋanokunda ʋaIsraeri. Kufa kwaEri naʋanakomana ʋake.
1Shoko raSamueri rakaȿika kuʋaIsraeri ʋose.
Ɀino ʋaIsraeri ʋakaenda kundorwa naʋaFiristia, ʋakaʋaka misasa yaʋo pedyo neEbeni‐ezeri; ʋaFiristia ʋakaʋaka misasa yaʋo paAfeki. 2ƲaFiristia ʋakaɀigadzira kurwa naʋaIsraeri; ɀino ʋakati ʋorwa, ʋaIsraeri ʋakakundwa naʋaFiristia, ʋakaʋuraya pakati paʋakaŋga ʋakagadzirirwa kurwa ʋarume ʋaneŋge ɀuru ɀinna. 3Ɀino ʋanhu ʋakati ʋaȿika kumisasa, ʋakuru ʋaIsraeri ʋakati: Jehova wakatiroʋereiko nhasi pamberi paʋaFiristia? Hendei, titore areka yesuŋgano yaJehova paShiro, iʋuye pakati peɗu itirwire pamaʋoko aʋaʋeŋgi ʋeɗu. 4Naiɀoɀo ʋanhu ʋakatuma nhume Shiro kundotora’po areka yesuŋgano yaJehova wehondo, ugere pamsoro pamakerubi; ʋanakomana ʋaʋiri ʋaEri, Hofni naPinehasi, ʋakaŋga ʋari’po paareka yesuŋgano yaMŋari. 5Ɀino areka yesuŋgano yaJehova yakati yaȿika pamisasa, ʋaIsraeri ʋose ʋakapururudza nokupururudza kukuru, nyika ikaita mawuŋgira. 6ƲaFiristia ʋakati ʋacinzwa inzwi rokupururudza, ʋakati: Inzwi iro rokupururudza riri kumisasa yaʋaHeberu rinoti kuɗiniko? Ʋakanzwa kuti areka yaJehova yaȿika kumisasa. 7ƲaFiristia ʋakatya, nokuti ʋakati: Mŋari waȿika kumisasa. Ʋakati: Tinenhamo! nokuti cinhu cakaɗai hacina‐kumboʋa’po. 8Tinenhamo! Ndianiko ucatirwira pamaʋoko aʋamŋari aʋa ʋane‐simba? Ndiʋo ʋamŋari ʋakaɗeya kuroʋa ʋaEgipita namaɗambudziko amarudzi mazhinji murenje. 9Simbai, muite saʋarume, imi ʋaFiristia, kuti murege kuʋa ʋaranda ʋaʋaHeberu, seɀaʋaŋga ʋakaita kwamuri; itai saʋarume, murwe. 10Ɀino ʋaFiristia ʋakarwa, ʋaIsraeri ʋakakundwa, ʋakatiza, mumŋe nomumŋe kutente rake, kukaʋa’po kuʋurawa kukuru; nokuti kuʋaIsraeri kwakafa ʋanhu ʋaneɀuru ɀinamakumi matatu ʋaifamba namakumbo. 11Areka yaMŋari ikatorwa, ʋuye ʋanakomana ʋaʋiri ʋaEri, Hofni naPinehasi, ʋakaʋurawa. 12Ɀino mumŋe murume waʋaBenjamini akabva kuhondo, akamhanya, akaȿika paShiro nomusi iwoyo, aneŋguʋo dzakabvarurwa neguruʋa pamusoro wake. 13Pakuȿika kwake, Eri wakaŋga agere pacigaro cake kurutiʋi rwenzira, akataririra, nokuti mŋoyo wake wakaŋga ucibvunda pamsoro peareka yaMŋari. Murume wakati aȿika muguta, akaʋaʋudza iɀoɀo, ʋanhu ʋose ʋeguta ʋakacema. 14Ɀino Eri wakati acinzwa inzwi rokucema, akati: Inzwi reɓopoto iri rinoti kuɗiniko? Murume akakurumidza, akandoʋudza Eri. 15Ɀino Eri wakaŋga aʋa namakore anamakumi mapfumbamŋe namasere, meso ake akaŋga aʋa norutara, asicagoni kuʋona kwaɀo. 16Murume akati kunaEri: Ndini ndakabva kuhondo, ndatiza nhasi kuhondo. Akati: Kwaitweiko, mŋana waŋgu? 17Ɀino murume wakaŋga aʋuya neshoko akapindura, akati: ƲaIsraeri ʋatiza pamberi paʋaFiristia; ʋanhu ʋazhinji ʋaʋurawa; ʋuye ʋanakomana ʋenyu ʋaʋiri, Hofni naPinehasi, ʋafa ʋo; ʋuye areka yaMŋari yatorwa. 18Ɀino wakati acireʋa areka yaMŋari, Eri akawa pacigaro negotsi kurutiʋi rwesuʋo, akavunika mutsipa, akafa; nokuti wakaŋga aʋa mutana, anomuʋiri mukobvu. Wakaŋga atoŋga ʋaIsraeri makore makumi manna. 19Ɀino mukadzi womŋanakomana wake Pinehasi, wakaŋga aʋa nemimba, oɗa‐kupona mŋana; akati acinzwa kuti areka yaMŋari yatorwa, ʋuye kuti ɓaɓa ʋomurume wake, nomurume wake ʋo, ʋafa ʋose, akafugama, akapona mŋana, nokuti wakaȿikirwa nokurwadziwa kwake. 20Neŋguʋa yokufa kwake ʋakaŋga ʋamire’po naye ʋakati: Usatya hako, nokuti wapona mŋana womukomana. Asi haana‐kupindura, kana kuraŋgarira iɀoɀo. 21Akatumidza mŋana zita rinonzi Ikabodi, aciti: Kukudzwa kwabviswa kunaIsraeri; nokuti areka yaMŋari yakaŋga yatorwa, ʋuye nokuɗa kwaɓaɓa ʋomurume wake, nomurume wake. 22Akati: Kukudzwa kwabviswa kunaIsraeri; nokuti areka yaMŋari yatorwa.
Zvasarudzwa nguva ino
I Samueri 4: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018