Ioane 18
18
PENE XVIII - 18
To Iuda pikikaa anga ia Iesu: te mataku o te au vaeau, e te motu anga i te taringa o Malako: to Iesu opu angaia, e te taki angaia ki te taunga nui: te inga anga o Petero: te tutua a Pilato: ko Baraba.
1E OTI akera teianei tuatua i te tuatuaia e Iesu ra, #Mata 26:36; Mare 14:32; Luka 22:39aere atura aia e tana au pipi katoa na runga i te #2 Samu 15:23kauvai ra i Kiderona, e koro tei reira, tomo atura aia ki roto, e tana au pipi katoa, 2Kua kite katoā Iuda, i pikikaa iaia ra, i taua ngai ra: #Luka 21:37; 22:39kua mātau uā Iesu i te aere i reira e tana au pipi katoa. 3#Mata 26:47; Mare 14:43; Luka 22:47; Anga 1:16E tikiia atura e Iuda te pupu vaeau, e te ui taoonga, i te kau taunga nunui ra e te au Pharisea ra, kua aere maira ma te mori, e te rama, e te taoonga-tamaki katoa ki reira. 4Karekā Iesu, kua kite ïa i te au mea katoatoa e rokoia mai ei aia ra, aere atura, e karanga atura kia ratou, Koai ta kotou e kimi na? 5Kua tuatua maira ratou kiaia, ko Iesu i Nazareta ra. Karanga aturā Iesu, ko au nei ïa. Tei ia ratou katoa rā Iuda i pikikaa iaia ra. 6E tei te tuatua anga aia ia ratou ra e, Ko au nei ïa, kotoe atura ratou ki muri, inga tiraa ua atura ki raro i te one. 7Kua ui akaou atura aia kia ratou, Koai ta kotou e kimi na? Kua tuatua maira ratou, Ko Iesu i Nazareta ra. 8Kua karanga aturā Iesu, Kua akakite atu au kia kotou e, ko au nei ïa: te kimi nei kotou iaku ra, ka tuku atu ia ratou nei kia aere ana: 9Kia tika te tuatua tana i tuatua ra e, #Ioa 17:12Ko taau i o mai noku ra, kare rava tetai ia ratou i ngaro iaku ra. 10#Mata 26:51; Mare 14:47; Luka 22:49,50E koke ta Simona Petero, e kua unui akera, ta atura i te tavini o te taunga maata, e motu takiri atura tona taringa katau. Ko Malako te ingoa o taua tavini ra. 11Kua karanga aturā Iesu kia Petero, Ka momono ana i taau koke ki roto i te vaî: #Mata 20:22; 26:39,42auraka au e inu i te kapu ta taku Metua i o mai naku ra?
12Kua opu maira te pupu vaeau ra, e te rangatira maata, e te au tavini o te tavini o te ngati Iuda, ia Iesu, Kua tākai iora iaia. 13#Mata 26:57E kua arataki atu ana ratou iaia kia #Luka 3:2Ana ra; no te mea e metua ongoai aia no Kaiapha, #18:13 Na Ana e tono ia Iesu ia Kaiapha.ko te taunga maata ïa i te reira mataiti. 14#Ioa 11:50Ko Kaiapha tei ako atu i te ngati Iuda ra e, Kia mate atu tetai tangata e tikaʼi, eiaa te tangata katoatoa.
15 #
Mata 26:58; Mare 14:54; Luka 22:54 Kua aru aturā Simona Petero, e tetai pipi katoa, ia Iesu: kua kite oki te taunga maata i taua pipi ra, e kua tomo atura ki roto i te koro o te taunga maata ra ma Iesu katoa oki. 16#Mata 26:69; Mare 14:66; Luka 22:54Karekā Petero tu ua maira ïa ki vao i te ngutupa ra. Kua aere atura taua pipi, i kiteia e te taunga maata ra, ki vao, karanga atura ki te tamaine tiaki ngutupa ra, e kua tuku maira ia Petero ki roto. 17Kua tuatua maira taua tamaine tiaki ngutupa ra kia Petero, Kare aina koe tetai pipi a teianei tangata? Kua karanga atura aia, Kare au. 18Te tu ua ra te au tavini, e te aronga taoonga, i te pae ai ta ratou i taʼu ra, no te anu; e te murumuru ra ratou: e te tu katoa rā Petero i roto ia ratou i te murumuru anga iaia uaorai.
19Kua ui maira te taunga maata ra ia Iesu i tana au pipi, e i tana tuatua i apii ra. 20Kua karanga aturā Iesu kiaia, #Mata 26:55; Luka 4:15; Ioa 7:14,26,28; 8:2I tuatua akakite ua au ki to te ao nei; i roto ua rai au i te au sunago ra, e i roto i te iero ra, i te apii anga, i te ngai e akaputu ei te ngati Iuda; kare rava au i tuatua ki te ngai ngaro. 21Eaa koe i ui mai ei kiaku? ka ui atu i te aronga i akarongo mai i taku i karanga atu kia ratou ra: i na, kua kite ratou i taku i tuatua ra. 22E kia akapera atura aia ra, #Iere 20:2; Anga 23:2kua moto maira tetai o te aronga taoonga, i tu ua i vaitatao ra, ia Iesu, kua na ko maira, E akapera koe i te tuatua ki te taunga maata? 23Kua karanga aturā Iesu kiaia, Te apa ra taku i tuatua akenei, ka akakite mai ana i te apa: e tuatua-tika ra eaa ua koe i moto mai ei iaku? 24#Mata 26:57E tukua atura aia ma te ri katoa e Ana ia Kaiapha i te taunga maata ra. 25Te tu ua rā Simona Petero i te murumuru anga iaia uaorai ra. #Mata 26:69,71; Mare 14:69; Luka 22:58Kua ui maira ratou kiaia, Ko koe katoa ainei tetai pipi nana nei? Kua uuna atura aia, na ko atura, Kare au. 26Kua tuatua maira tetai tavini no te taunga maata, no te kopu o te tangata nona te taringa i tipuia e Petero ra; Kare aina au i kite ia koe i roto i te koro, ma ia katoa ra? 27Kua uuna akaou iorā Petero: #Mata 26:74; Mare 14:72; Luka 22:60; Ioa 13:38kakaoa iora te moa i reira ra.
28 #
Mata 27:2; Mare 15:1; Luka 23:1; Anga 3:13 E kua arataki atura ratou ia Iesu i te #18:28 Gk. Peraitorio.are akavaanga, mei i o Kaiapha maira: kua popongi; #Anga 10:28; 11:3kare te ngati Iuda i tomo ki roto i te #18:28 Gk. Peraitorio.#18:28 Gk = Greek.#18:28 Greek.are akavaanga, ko te viivii aea ratou, ko te kore oki ratou e kai i te pasa ra. 29Kua aere mairā Pilato ki vao kia ratou ra, kua tuatua maira, I akaapa ana kotou i teianei tangata i te aa? 30Kua karanga atura ratou, na ko atura kiaia, Naringa aia kare i te tangata ara ra, kare matou e tuku atu iaia kia koe na. 31Kua tuatua mairā Pilato kia ratou, Ka rave mari kotou, ka akava atu iaia, i ta kotou ture. Kua karanga atura te ngati Iuda, Kare e tau i te ture kia ta matou i te tangata. 32#Mata 20:19; Ioa 12:32,33Tupu atura ta Iesu i tuatua ra, ko tana i akakite i te tu o tona mate, ka mate ei ra. 33#Mata 27:11Oki aturā Pilato ki roto i te#18:33 Gk. Peraitorio.#18:33 Gk = Greek.#18:33 Greek.are akavaanga, kua karanga atura kia Iesu na ko atura kiaia. Ko te ariki ainei koe o te ngati Iuda? 34Kua tuatua mairā Iesu kiaia, Naau uaorai aina tenana tuatua, e na tetai ke ainei koe i akapera mai iaku. 35Kua karanga aturā Pilato, E ngati Iuda ainei au? Na toou uaorai enua, e na te kau taunga nunui ra, i tuku mai koe kiaku nei: i aa na koe? 36#1 Timo 6:13Kua tuatua mairā Iesu, #Dani 2:44; 7:14; Ioa 6:15; 8:15Kare to teianei ao taku basileia: naringa no teianei ao taku basileia, kua akamaroiroi ïa toku au tavini, kia kore au e tukuia ki te ngati Iuda; kare ra toku basileia i to ko nei. 37Kua karanga aturā Pilato, Ko te ariki mari koe? Kua tuatua mairā Iesu, Te tuatua mai na koe e e ariki au. I anau mai ei au nei, i aere mai ei au ki te ao nei, e akakite i te tuatua-mou. #Ioa 8:47; 1 Ioa 3:19; 4:6No te tuatua-mou aia ra, ka akarongo mai ïa i toku reo. 38Kua karanga aturā Pilato kiaia, Eaa te tuatua-mou? E kia akapera aia ra, kua aere akaou maira aia ki vao ki te ngati Iuda ra, kua tuatua maira kia ratou, #Mata 27:24; Luka 23:4; Ioa 19:4,6Kare ua o taua tangata ra kino i kiteia e au. 39#Mata 27:15; Mare 15:6; Luka 23:17E peu ra ta kotou, kia tuku au i tetai tangata kia kotou i te pasa ra; ka tika ainei ia kotou kia tuku atu au kia kotou i te ariki o te ngati Iuda? 40#Anga 3:14Kua kapiki akaou atura ratou ravarai, na ko atura, Auraka teianei tangata, ko Baraba ra. #Luka 23:19E keia oki a Baraba.
Zvasarudzwa nguva ino
Ioane 18: CIMB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The Holy Bible in Cook Islands Maori, Reprinted from the edition of 1888 © United Bible Societies, 1972.