Legic 13
13
1(Legic galeŋawac; Dawidiac legic ʒéra.) Yawe némac naléac? Nuac nalé hémbénaŋa eluŋ guzac? Guac kic tanecga nuac murunec nalé dahecac séc musaŋgéwésémaŋ? 2Nalé dahecac séc ni ewa qerinanéŋ niŋareŋgéma, kaiwe herec niŋyéwérimaŋ? Haʒécnanéŋ nalé dahecac séc mematiti wannémma tétéc qeqe wammac?
3Yawe nuac Anutu, niŋnémma acna meleŋ némbésémaŋ. Kicna meɋeli nénna gau yanda#13:3 Humuc niŋac gau yanda ʒéaŋgic. hewi niŋac. 4Haʒécnanéŋ ni ic imi ogicʒua ʒéwac niŋac. Ni qekeŋ qeha wamba haʒéchécna ieneŋ ségiségi wambu niŋac. 5Ni imi guac goi héihéigawac héima kecmaŋ. Nuac ewa qerinanéŋ guac aŋgéŋ titigawac niŋac wamma ségiségi wammac. 6Yawenéŋ goina héinéŋanʒac imuac niŋac ni legicya héimimaŋ.
Zvasarudzwa nguva ino
Legic 13: KGF
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2012, Wycliffe Bible Translators, Inc. All rights reserved.