Mavhesi emuBhaibheri Ane Mukurumbira kubva kuna Maatiyee 16

Pakurirana nevamwe

Pʋwayɩ lɛ, Yesu heyi ɛ-tɔmkpɛlɩkɩyaa se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ, etisi nɛ ɛtɔɔ kʋñɔŋ siŋŋ.

Ma lɛ, meheyiɣ-ŋ se: ña mayaɣ se Pɩyɛ. Pɩyɛ ńɖɩ́ ɖɩ-yɔɔ manɖʋʋ mɛ-ŋgbɛyɛ. Sɩm maɣmaɣ ɛɛpɩzɩɣ pɩlabɩ-ɖɩ pʋyʋ.

Mɔnkɔŋ-ŋ cɛlʋʋ Ɛsɔ Kewiyaɣ nɔnɔɔ ñɩma: mbʋ́ ŋkiziɣ se pataala tataa cɩnɛ yɔ, Ɛsɔ kiziɣ se pataalabɩ-pʋ ɖɔɖɔ, nɛ mbʋ́ ŋtisiɣ se pala tataa cɩnɛ yɔ, etisiɣ se palabɩ-pʋ ɖɔɖɔ.»

Mbʋ́ pʋyɔɔ yɔ, weyi ɛñɩnɩɣ se ɛya ɛ-maɣmaɣ ɛ-ñʋʋ yɔ, ɛtɛŋnɩ-kʋ lesuu. Weyi ɛ́lɛ́ sɩkɩ mɔ-yɔɔ yɔ, ehikiɣ wezuu.

Yee ɛyʋ ehiɣ kedeŋa yɔɔ cɩnɛ ñɩm tɩŋa payɩ nɛ elesi e-wezuu lɛ, pʋwazɩɣ-ɩ we? Ɛbɛ pʋdʋ pɩzɩɣ ɛkpaɣ nɛ ɛlɛɣzɩ ku-lone taa?

Peeɖe ɛpɔzɩ-wɛ se: «Mɩ yɔ, mɩhʋʋ se ma lɛ anɩ?» Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

Peeɖe Yesu heyi-i se: «Yoonaasɩ pɩyalʋ Siimɔɔ! Ŋhiɣ ña-tɩ! Mbʋ́ pʋyɔɔ yɔ, pɩtɛkɛ ɛyʋ nɔɔyʋ heyini-ŋ-tʋ. Ɛlɛ́, man-Caa weyi ɛwɛ ɛsɔdaa yɔ, ɛwɩlɩnɩ-ŋ-tʋ.