Mavhesi emuBhaibheri Ane Mukurumbira kubva kuna Jon 15

Pakurirana nevamwe

“Ami i suma pe di uva, abos i ramus. Kin ku sta na mi, ami N sta nel, i ta padi frutu ciu, pabia sin mi bo ka pudi fasi nada.

Bo sta na mi, ami N ta sta na bos. Suma ku ramu, el propi, ka ta pudi padi si i ka sta na si pe, asin tambi abos, si bo ka sta na mi.

Si bo sta na mi, ña palabra sta na bos, bo ta pidi tudu kil ku bo misti; i ta fasidu pa bos.

Abos bo ka kujin, ma i ami ku kuji bos, N coma bos pa bo bai, bo padi frutu, pa bo frutu fika ntidu, pa Pape pudi da bos tudu ku bo pidil na ña nomi.

Ningin ka ten amor mas garandi di ki es, di da si vida pa si amigus.

I ta korta tudu ramu ku sta na mi ku ka ta padi, ma i ta limpa tudu ki ramus ku ta padi pa e pudi padi mas.

Es i ña mandamentu: pa bo ama ŋutru suma ku N ama bos.

Ña Pape ta glorifikadu si bo padi frutu ciu. Asin bo ta sedu ña disipulus.

“Ami i pe di uva di bardadi; ña Pape i labradur.

Kin ku ka sta na mi i na botadu fora, suma ramu; i ta seku. E koldadi i ta kujidu, i botadu na fugu pa i kema.

“N konta bos e kusa pa ña alegria sta sempri na bos, pa bo alegria sta kompletu.

Si bo obdisi ña mandamentus, bo ta kontinua na ña amor, di mesmu manera ku N obdisi mandamentus di ña Pape, N kontinua na si amor.

Kusa ku N na manda bos i pa bo ama ŋutru.

Si bo seduba di mundu, mundu ta ama kil ki di sil, ma suma abos i ka di mundu, ma ami N kuji bos na mundu, e ku manda jinti di mundu ta nfastia bos.