Mavhesi emuBhaibheri Ane Mukurumbira kubva kuna Zvirevo 26

Pakurirana nevamwe

Usapindura benzi maererano noupenzi hwaro, kana kuti iwe pachako uchafanana naro. Pindura benzi maererano noupenzi hwaro, kuti rirege kuona sokuti rakachenjera.

Sembwa inodzokera kumarutsi ayo, ndizvo zvakaita benzi rinodzokorora upenzi hwaro.

Pasina huni moto unodzima; pasina makuhwa kukakavara kunopera.

Kana munhu akachera gomba, achawira mariri; kana munhu akakungurutsa ibwe, richakunguruka, richidzokera pamusoro pake.

Unoona munhu anozviti akachenjera pakuona kwake here? Benzi rinotova netariro kupfuura iye.

Somunhu anobata imbwa nenzeve dzayo, ndizvo zvakaita mupfuuri anopindira pagakava risinei naye.