Mavhesi emuBhaibheri Ane Mukurumbira kubva kuna Hechos 4

Pakurirana nevamwe

Ai a nija bämacö nia lä jucäamou wei a cuami. Jödödöwä täbä lä bälöblai täbä ma cui nija, ai a wa̦fa wäyämamou malä mlai, bämacö jucäamobä —Pedronö bä nowa tama.

Yai Bada nija bä a̦ faö waicou däjä, bä lä co̦cablono wei a yafi lä cui, a yafi qui̦da qui̦damou nö quiliama. Ö̦jö bä bluca lä cui, Yai Bada tä Bufinö bä fa jödödöblalunö, bä quilii mlai ja etä a̦ wäyäö waiteliblou showadalayomaje.

’Fei däjä ma cui, ei wa bä a̦ ji̦liaö, Bada tä —bä cuma—. Bä jo̦wa waitelimou bufi doblao. ¿Ö̦jö tawä? Cafä wa wa̦ juamobä yamacö lä cui, yamacö bufi da lojodomabo, quilii mlai ja, afä yama tä a̦ wäyäö fe yadiobä.

Jai maa mabä ja, wama a yafi nia lä i̦tamaö wei wamacö bada lä culenö, maa wama ma lä waileno wei, ö̦jö Jesucristo a li waiquiwä. Ö̦jö wama ma lä waileno wei, fei däjä a yafi colo lojodoobä, ma yai li cublou nomöjölayoma.

Pedro, Juan sho cäcöbö a̦ waiteli lä juono wei tä fa dalalöjenö, bada bä bufi wedinajamoma. Oni sibä ja, cäcöbö damamou fe balojoono malä mlaono wei. Showadi ai bä cua lä bädalenaja cäcöbö cuo mö malä feduono wei. Bä bufi fa möblalunö, “Jesús nija showadi cäcöbö lä nocaablalodino wei cäcöbö nofi yaiwä”, cäcöbö nofi tadalemaje.

Jesucristo bufilewä bä lä cui, bä bufi shedecou mlai ja, moli tä ja bä bufi bluca yaimoma. Bä bluca lä tabono wejei bä ma cui ja, “Ei iba moli tä li cuobä”, bä cunomi. Bä bufi läablalou mlai ja, bä madofibö nofi bluca ibamayoma.