Mavhesi emuBhaibheri Ane Mukurumbira kubva kuna Kutsinhira Mutemo 6

Pakurirana nevamwe

Ida Tenzi Mwari wako nomwoyo wako wose, nomweya wako wose, nesimba rako rose.

Nyatsoidzidzisa vana vako. Uitaure wataurazve ugere mumba mako, napaunenge uchifamba munzira, napaunenge urere pasi, napaunomuka.

Mitemo iyoyi yandinokuudza nhasi ngaigare mumwoyo mako.

“Teerera unzwe iwe Isiraeri. Tenzi Mwari wedu ndiye Mwari oga.

Uisungirire paruoko rwako chive chiratidzo, uisungirirewo pahuma yako netsungare.

Inyore pamagwatidziro emba yako napamisuo yako mikuru.

Remekedza Tenzi Mwari wako, umushandire, upike nezita rake.

“Tenzi Mwari wako paachazenge akuunza munyika yaakatsidzira kumadzibaba ako vanaAbhurahamu naIsaki naJakobho kuzokupa nyika ina maguta makuru akanaka amusina kumbovaka ane dzimba dzizere zvinhu zvakanaka, zvausina kuisamo, namatsime ausina kumbochera, neminda yemagirepisi neyemiorivhi yausina kumbosima, wadya zvokuguta, chenjerera kuti urege kukanganwa Tenzi akakubudisa munyika yeIjipiti kwamaiva muuranda.

“Izvi ndizvo zvirevo nemitemo nemirao yandakataurirwa naTenzi Mwari wenyu kuti ndikudzidzisei mugoichengeta munyika yamava kuyambukira kundotora. Ndinodaro kuitira kuti muremekedze Tenzi Mwari wenyu. Imi navana venyu navazukuru venyu ndinokuudzai kuti muchengete mitemo nemirao yake yose, mazuva ose oupenyu hwenyu kuti mazuva enyu awande.

Zvinonzi naTenzi zvakarurama nezvakanaka, ndizvo zvaunofanira kuita, kuti zvikufambire zvakanaka, ukwanise kundotora nyika yakanaka yakatsidzirwa naTenzi kupa madzitateguru ako

nokuti Tenzi Mwari wako ndiMwari weshanje.

Usatevere vamwe vamwari, kana vamwari vendudzi dzavanhu vagere munharaunda yako

“Usaedze Tenzi Mwari wako sezvawakamboita kuMasa.